2011年7月27日星期三

我們的結婚公仔

Big day當日, 除左一對新人之外, 另一對新人就係結婚公仔.  一直我都冇講我o既結婚公仔係點, 其實我自己一直放低左冇理, 開左個頭一直拖到而家先起貨.....

哈哈!!

佢o地就係我同17號o既結婚公仔呀!  我斷斷續續都勾左好多個月!! 終於的起心肝完成埋佢, 不過我想整返套衫俾佢o地, 而家諗緊勾定係剪布做好, 其實真係唔知點攪, 因為自己都唔太識, 又冇衣車, 要用人手......但點我都會試下o既!!


2011年7月25日星期一

攪掂男禮及鞋

上個星期五係倒數3個月O既大日子, 即係越來越近big day喇, 真係唔敢去諗!!

有o的items都未confirm, 但係星期六就有好大o既進展, 就係攪掂左17號o既禮服同鞋喇!!!

我o地都係去左旺角精藝整男禮, 因為一直都有係佢o地度做西裝, 而家質量都好好, 所以男禮都係佢o地度做返, 17號鍾意可以改返做西裝o既款式, 所以其實佢件男禮都好簡單o乍, 只係個領位加一塊黑色satin, big day之後就拎返去改返做西裝.

而男裝鞋佢都冇乜要求, 去左荷里活o個間賣鞋o既舖頭做一對!!  

就咁KO左兩個items!!  SO GOOD!!

不過星期六好熱又好趕咁, 竟然唔記得左影相!!

2011年7月20日星期三

My Veil

好耐之前一直都對頭紗呢一個item冇特別要求, 一心都係覺得婚紗店一定會有啦, 完全冇理到!

自從係Malau o既wedding時見到一條新o既頭紗, 同埋係外國做o既就真係覺得好唔同, 好透好soft, 影相出o黎好靚添!!! 之後就覺得好想自己擁有一條屬於自己o既頭紗!  見到好多blogger都有order 頭紗, 條條都好靚! 不過我見價錢都唔係平, 所以一直諗究竟買唔買好呢!!

機緣巧合地, 我終於可以擁有一條屬於自己o既頭紗喇! 經過某個途徑, 我可以係英國訂造我o既頭紗, 紗仲要係English Tulle!!  仲要個價錢非常合理! 比起我問過o既都仲要平!! 開心死我!!  我仲幫我個朋友order多一條超長o既!! 

前幾日終於收到喇!! 一開真係好開心, o的紗好靚, 但因為新會硬少少, 我會steam steam佢, 之後會變得soft好多!

我收到之後急不及待就戴左係個頭度, 仲要叫17號試下幫我掀頭紗同埋拋頭紗添呀!!




頭紗係用iphone影, 所以冇咁靚, 但用iphone影o既都影到好soft呀!! 大家見到有兩條, 係呀, 我訂左兩條, 好想用長o個條外影用, 短o個條satin ribbon用o黎係酒樓註冊用!! hehe!!  我揀左兩條都係ivory color, 一條Chapel Length with pencil edge, 另一條就係 Fingertip Length with satin ribbon edge!!

愛死佢o地!!!

而家有朋友叫我幫手訂添!!  好開心!! 大家都可以擁有屬於自己o既頭紗!

如果大家想我幫大家order都可以o架!

2011年7月12日星期二

Urgent 團購spellbinders dies (Closed)

13/7


各位, 尋晚我攪到成2點先訓, 不過今次真係好驚險, 尋晚攪左好耐都落唔到order, 話有error....send左email去又未覆, 好在今朝個seller好人幫我人手落返order, 但係有好幾件貨已經sold out!!! 包括labels seventeen, labels eight, labels twelve, standard circles large!!  真係唔好意思幫唔到大家搶上面o既貨!!!  有o的貨可能唔夠, 我會跟先後次序俾貨大家, 可能遲左落order o既朋友就冇貨, 請見諒!!  而家seller會計下shipping再話我知, 如果收到info我會再update返大家個正式價錢!! thx!!!


6:00pm 


各位, 我手頭上已經過左10個order, 所以我今晚一定會落order, 費事走寶, 如果大家想要o既就快o的話我知喇!!   因為我今晚要上堂, 所以未必可以即時回大家, 你o地預左如果有貨o既最貴係 $125-130, 最平係 $110 先啦! ^o^


 


各位之前一直都買唔到spellbinders dies的話, 今次係個好機會, 因為我搵到一間而家做sale  大部份都係有 55折!!!  真係好抵, 不過shipping就未知幾多, 都係大家share返!! 我會estimate個價俾大家, 如果大家要乜o野款, 係spellbinders官網見到都send條link俾我, 我可以幫大家睇下佢有冇stock再話返俾大家知個價!!!


我初步計得好鬆動, 普通o既nestabilities 就預 $125-130一個



應該可以再平o的, 不過我保守o的, 費事計平左返唔到轉頭, 要我貼錢!! 如果真係平到我會adjust!


如果係crowned 系列仲平! $110左右!



仲有以下之前出o既exclusive dies都有, 都係 $110左右!



俾個心理準備大家啦!


因為佢呢個sale只係for 24hrs, 所以好urgent, 今晚10:00pm截止喇!!! 之後我就會落order!!!


over 10個order我就會訂, 唔夠我會cancel!!!


把握機會喇!! send條link同留email俾我啦!!!

Bridesmaid Invitaion Card

整左咁耐scrapbooking, 終於到呢個item喇, 為左答謝我班好姊妹係我bday幫我手, 我特意係第一次聚會時送左張咭俾佢o地....真係好開心!


張咭整左我幾日, 不過就係斷斷續續咁整....最辛苦o既係cut 禮服o既少items, 同埋要剪satin同lace做gown!!!! 真係花左好多心機呢!!  好在姊妹們勁鍾意!!  so happy!!


正面 (好鍾意整左個扣)



內頁 (有will you be my bridesmaid o既poem)


5個姊妹每人一張, 入面都寫晒我o既心底話呢!!

2011年7月11日星期一

再敗Le Creuset

喜歡上LC o既人點會有50%off 而去一次咁少o架!!! 星期五我又去左第二次!!! 因為細路生日都有"1", 又咁啱係中環一帶返工!! 咁冇理由唔去掛!!  好想敗個26cm marmite!!!用o黎shabushabu, 打邊邊, 不過一日未結婚埋單, 一日都驚唔夠錢用, 所以唯有放棄, 希望日後同佢續緣


細路冇o野想買, 咁我冇理由浪費o的quota啦, 點都買返少少o野!! 都係平o野o乍!!! 唔算好敗o者!!


2011年7月10日星期日

金針雲耳雞煲仔飯 by Staub

星期五又唔想出街食, 加上另一半要OT, 雖然放工返屋企已經冇餸賣, 咁就唯有去超市買o的已經調好味o既餸返o黎整啦!!!  


用Staub整煲仔飯真係整上癮, 今次又o黎!! 真係好好食呀!!! o的雞好滑滑呢!




 

淨係一煲飯搞唔掂17號o既, 好快就用埋屋企半條扎肉整左個扎肉炒蛋, 第一次自己炒蛋呀!! 好緊張!! 好在記得燒紅镬落蛋之後就關火慢慢堆蛋, 總算好滑好食呀!! 17號都讚整得唔錯!! 係就係用左3隻蛋都唔多夠包住晒o的扎肉!!


 

再煎多兩塊香茅豬扒, 炒多個唐生菜就搞掂


 

成功過關!!!好過出街食!!!

2011年7月8日星期五

南瓜排骨飯 by Staub

尋晚又用左我心愛o既18cm Staub整煲仔飯!! 今次唔係齋煮飯喇!!


買左南瓜排骨, 就整左個南瓜排骨飯!!


不過今次好驚險, 因為我唔記得左個電磁爐溫度, 開左之後行開一陣, 點知聞到好香, 返去睇時見到滾瀉左, 應該係我開得太大火!! 之後急急腳加返少少熱水, 等佢再滾起時落餸.  初時好驚o的南瓜就咁放係面會唔熟唔淋, 點知過左15mins之後一開蓋就見到佢爛爛地, 好似好淋咁, 我就再焗多佢十幾分鐘, 開蓋一夾, o的南瓜淋到夾唔起咁濟!!


o的飯真係好香好好味呀, 我完全唔落豉油就咁食都好入味!! 特別係o的排骨同南瓜o的汁流左落煲底, o的飯好鬼好食!!



真係唔用飯煲煮飯都得, 而家愛上了煲仔飯!!

2011年7月6日星期三

Scrapbooking tools sharing

多謝大家為小女子分擔, 而家仲有2樣products係手, 如果你o地有興趣收留佢o地, 我平少少俾大家!! ^o^


因為已經有一部份tools賣左, 而家整返個最新o既list, 仲有以下o既tools 可以同大家分享, 價錢都好相宜! 都係成本價!  如果有興趣可以留言, 先confirm先得!!


1. Sizzix On the Edge Die : SCROLLWORK BY TIM HOLTZ (SOLD)


呢個die整cover好靚, 我自己都keep左一個



2. Sizzix Textured Fades 2PK : DOT-MATRIX & GRIDLOCK BY TIM HOLTZ




3. Prima : 12X12 MASK - ROSE SWIRL

Prima o的mask真係好靚, 12x12 o既size, 好抵用!!






4. Spellbinders Nestabilities : LARGE OCTAGONS (SOLD)





5. Spellbinders Nestabilities Labels Three (SOLD)

我覺得呢個shape都好襟用!



6. Spellbinders Nestabilities Labels Ninteen (SOLD)

呢個我都好鍾意呢!





7. Spellbinders Lattice Pendants (SOLD)


呢個花真係做得好靚, 好少做discount, 就算有discount o個時都冇貨! 可以當mask咁用都好靚!





8. Spellbinders Kaleidoscope Pendant (SOLD)


呢個都係好靚, 都抵用!  原來仲可以用o黎做花花o架!