2012年12月31日星期一

2012的最後一天

今日是2012年最後一天.  回顧一年, 感覺這一年真的體驗更多, 無論人或事都起了變化.  當然最重要的是跟17號順利過渡我們的紙婚一週年.  呢個月少左出post, 因為不停病, 但去到今日最後一日, 唔出返一遍blog回顧一下真係對唔住自己啦.  haha

上半年真係過得好快, 尤其是識左一班愛COOKING的bloggers.  日子真的過得好快.  連荷包都清得好快, dayday有野敗, 真係嚇c人.

不過同大家一齊真係好開心的, 有講有笑, 互相關心傾訴.  仲同bloggers一齊去旅行, 呢個以前想都沒有想過呢.  今年真係好有旅行運, honeymoon完同bloggers去台灣, 之後紙婚紀念又去左日本.  如果年年都可以咁就開心死我了.

到左下半年一樣過得好快, 不過身體就開始唔好了, 去完日本之後一直斷斷續續都病, 以前好少發燒, 今年發到夠, 聖誕又感冒菌入腸, 食左一個星期白粥同白麵包.  講起都想, 好在呢兩三日好返少少. 唔駛病住過年.  希望下年身體會好些, 唔好做藥煲啦.

講返開心事, 今年不停敗家, 雖然戶口數字直線向下, 不過我又敗得好開心.  最重要係敗得好敗得精.  要選2012年最佳敗物.  大家可能會覺得我會講LC....... NONONO!!
雖然LC我真係好like, 加上真係好好用, 令我廚藝升晒呢。不過我最like的是....


KM020
KM020

呢部機真係令我廚房增添無限色彩, 令我更易handle好多recipe.  最重要係我整包包唔駛搓得咁辛苦.

有左部機, 我的handmade生活真係多姿多彩

而家可以自己碎肉, 乾淨方便.


用food processor 整 green pesto


又可以片青瓜片


打麵團整包包不在話下啦


仲可以加個mill 打粉, 咖啡粉, 花椒粉, 蒜油etc.


當然唔少得整餅啦


仲有仲有, 可以整自家麵麵, 中式麵, 烏冬, 意粉悉隨專便.


其實仲可以榨汁, 整雪糕等等.  真係好方便. 係屋企只係玩呢部機都已經好開心呢.

好似賣晒廣告咁, 但佢真係我今年最最最最最佳敗物兼好幫手.  真係出自內心的.

今年就咁過左喇, 希望下年可以順順利利, 開開心心過每一天. 廚藝更進一步.

我都祝大家2013年會更好, 最重要係身體健康.

2012年11月29日星期四

Le Creuset Chiffon Pink @ Sogo Thankful Week 2012

識我的朋友都知我喜歡買鍋, 特別是Le Creuset.  繼上次開倉後, Sogo thankful week又到了. 今次thankful 就厲害了.

Le Creuset推出了Chiffon Pink這個新顏色.  之前係日本同台灣推出之後, 大家都已經熱烈討論, 心想sogo thankful一定會推.

點知真係估中左啦.  但知道個結果時既歡喜又憂心.  因為今次推o既係限定數量.  而pink pink 係好多人都會好喜歡, 一定會有好多人買, 但sogo個場好細, 一早就諗到慘過開倉了.

唱了等了又等好多次之後, 終於等到Sogo thankful week了.  真係一如所料, LC個counter好多人, 仲要好亂, 買左咁多次都係第一次係咁恐怖.  我都嚇親呢.

而家諗起我都仲驚緊.

不過唔講呢o的野.  最緊要買到心頭好呢.

第一眼見到呢個setting, 真係暈左.  之前係日本都見過, o個時都已經暈暈地, 因為chiffon真係好亮麗.  特別我係日本第一眼被chiffon 飛心迷得一陣陣呢.


之後望下個price list.  pot list之前都知道, 係stoneware唔知... 不過真係唔平囉......  幸好我係有台灣的LC補返數. 唔駛係香港出咁多血.


第一日恐慌完, 第二日LC已經改善左好多, 知道左原來係SOGO安排得麻麻, LC一早都傾左要搵地方排隊(例如係地下排隊拎籌), 點知SOGO都係安排係7樓排, 仲要未READY條line up , 搞到好混亂.  其實LC staff都好無奈.  不過見第二日LC同sogo反應左之後即時係另一邊搵地方俾LC專賣煲, 已經有所改善.

上午我冇去, 不過dating完夜晚去左巡視下, 真係有個場地sell 煲好左好多, 仲要有好多煲剩(第一日一早冇晒o既18risotto同16round都仲有貨, 係之第一日唔駛搶啦, ), 我同朋友等左一陣過左8:00就可以free返o的煲來賣, 幫朋友買左個18risotto之後就走lu.





今次chiffon 我係日本已經中左毒, 所以唔買唔得, 最後我敗左:

18cm同24cm Risotto, 一大一細risotto. 真係靚到死

近鏡望下, 真係好亮麗, 好令有o的反光咁.


同Antique Rose比較一下, 愛粉色的人一定死左係chiffon度.   好多人都話chiffon同antique rose好似, 但我係日本見過後堅持係唔似, 到家下買左返家之後一比真係有分別架. 不過我都仍然好愛Antique Rose 呢.

隨左煲之外, 我仲買左少少stonewares.  因為係台灣週年慶係冇的.  同埋我只集色, 每色一隻夠了. hehe



全家福.  靚到暈.  我對住佢o地笑左好耐


今次thankful week之後, 真係要俾個荷包休息下先得了. 

2012年11月27日星期二

【深夜食堂煮婦同樂會第20話】調味醬炒麵 【附食譜】

之前去左旅行, 所以深夜食堂有幾話我都冇整.  當中有一話就係25夜的調味醬炒麵.

係漫畫入面, 風見小姐每次入店內都會叫調味醬炒麵, 炒麵上加上一隻荷包蛋, 食的時候刺穿蛋黃混入炒麵中一齊食. 好似好吸引.

不過我唔知

四十萬川的青海苔係咩味,  不過加左青海苔味道更好.

其實炒麵入面想加咩都可以, 可以用雞肉, 火腿, 腸, 而我就係雪櫃找到了墨魚條.  一樣會好好食的.



材料:
炒麵包            2個
雞蛋                2隻
甘荀                半條
椰菜                半個
墨魚條            3條
海苔碎            少量


做法:
1. 先將甘荀及椰菜切絲, 墨魚條切片.

2. 鑊內下油燒熱, 先加入甘荀絲炒至軟身, 加入墨魚條炒香.

3. 再加入椰菜絲炒一會, 加入少許料理酒續炒至椰菜絲至軟身.


4. 加入麵一起炒, 可加入少許水比較將麵條炒鬆.


5. 炒好後加入調味醬料包抄勻便可上碟.


6. 鑊內加油燒熱, 打入雞蛋煎成荷包蛋. 將蛋放在炒麵上.  在蛋邊灑上海苔碎. 即可.

2012年11月25日星期日

【深夜食堂煮婦同樂會第25話】蛋包飯 【附食譜】

今個星期深夜食堂煮婦同樂會的題目其實我都驚驚地架.   係咩?  又係關於煎蛋的.  哈哈, 係蛋包飯.

之前去過東京, 係自由之丘一間舖頭食過蛋包飯, 感覺好好, 覺得好好食.  今次自己整真係有O的緊張, 繼上次玉子燒之後, 真係有O的驚整煎蛋. 好驚失敗.

所以今次都係抱住戰戰兢兢的心態去整呢.

係漫畫入面故事係一個好感人, 有情人終成眷屬的故事來的.  好Sweet sweet!



材料: (二人份)
德國肉腸  2條 (切粒)
洋蔥          半個 (切粒)
紅椒          半個 (切粒)
蘑菇          6粒   (切片)
罐頭蕃茄  1罐
茄汁          2湯匙
蒜蓉          1湯匙
香葉          1片
白飯          2碗

蛋皮: (將下面材料拌勻)
雞蛋          4隻
忌廉          2茶匙
鹽              少許



做法:

1. 先將洋蔥, 紅椒, 德國腸切粒, 蘑菇切片.


2. 镬內加油燒熱, 下洋蔥炒至軟身, 再下紅椒炒至軟身及洋蔥抄至透明為止.


3. 洋蔥及紅椒撥向镬邊, 再下少許油, 放入德國腸炒, 再與泮蔥及紅椒拌勻.


4. 加入磨菇炒至軟身.


5. 加入蕃茄, 茄洋, 香葉煮至收汁濃稠. 抽起香葉.  下白飯抄勻.


6. 炒好的飯先用碗仔盛好備用.


7. 然後平底镬加油燒熱,  下蛋液煎至剛熟, 熄火後加入飯在蛋皮中間位置, 再將兩邊蛋皮摺向中間, 然後將一隻平碟反轉蓋在平底镬內, 再將平底镬反轉.


8. 最後在蛋包飯上隨意加上茄汁裝飾.  而我今晚就整左日式咖哩薯仔炆雞翼, 就用左佢來做埋伴碟囉.


第一次整蛋包飯, 煎蛋都好緊張, 幸好蛋皮沒有破裂, 不過唔算太靚, 下次要再努力先得!

Le Creuset: 26cm Marmite, Tatin



其他煮友作品:

阿咪




OL醉愛廚房




Little-Bird Blog



妹子



Helen的方太小廚



鬼嫁



Mrs. Horse



WongC9


偽主婦


花花世界



肥師奶小學龜

Jo 姐姐



Mrs. J