2012年9月30日星期日

【深夜食堂煮婦同樂會第17話】可樂餅 (附食譜)

上星期深夜食堂係八爪魚腸, 因為之前整拿波里意大利麵時已經整左, 所以休息左一個星期.

今個星期又做新上路交功課喇, 題目係第55夜的【可樂餅】. 初初見到個題目,  就問點解用可樂整餅架? 17號都係咁問我幾次.  到我整緊餅是, 佢又問我, 點解冇可樂?

其實可樂餅係源自法國的一款食物【Croquette】.  係用魚肉, 豬肉碎, 菜碎等整嘅炸肉餅來的. 據說係16世紀傳到日本, 到19世紀時比較普遍, 但因為當時日本人都唔係有錢, 就將薯仔加入肉碎同洋蔥碎整成炸肉餅.  既飽肚又好食.  養活了不少日本人.

其實我覺得整可樂餅跟漢堡係好似, 不過就漢堡貴價啲啦.

今次我整嘅係加左芝士入去嘅爆芝可樂餅. 啱晒我呢個芝士怪人. 



材料:
日本男爵薯仔    5個
椰菜                    1個
洋蔥                    半個
豬絞肉                $10
雞蛋                    1隻
麵粉                    適量
麵包粉                適量



做法:

1. 首先將薯仔烚至淋身 (其實用蒸嘅方法好啲, 不過唔夠時間, 蒸會冇烚咁濕身, 對之後做型同炸時比較乾身挺身)


2. 當烚薯仔時, 我就將豬肉放入KM碎肉機內碎好.  而家我都係自己碎肉, 乾淨啲, 食得安心啲.


3. 加油燒熱鍋, 加洋蔥炒至稍軟.


4. 加入豬絞肉與洋蔥一起炒熟, 盛起備用.


5. 薯仔用义壓爛.


6. 加入豬肉同洋蔥拌勻.


7. 拌勻後平均分5份, 搓成圓型狀.


8. 將3塊芝士疊起, 切5份正方形.  放於薯仔泥上,  再將薯仔泥完全包住芝士片成薯仔餅.


9. 將薯仔泥餅先撲上麵粉, 再沾上蛋液, 再撲上麵包粉.  鍋內加油燒熱至160度, 放入薯仔餅炸至兩面金黃色.  大約2-3分鐘. 即成.


呢個可樂餅因為用薯仔整.  所以食一兩個已經好飽.  不過加左芝士又真係好好食.

其他煮友作品:

2012年9月24日星期一

越洋敗家

真係一波未平一波又起

o個頭LC都未開完倉, 呢頭好朋友又飛大根國. 仲要話會幫大家抬LC返香港.  大家都不約而同話只要係SATIN PINK, SATIN BLUE都搬晒返來 (一班粉人)

開倉完心情都未平伏就收到一張令人瘋狂的照片.

好過份呀, 買左咁多  大家開心左幾日.  仲有係好緊張又興奮.......

大家都等唔切, 要朋友返來後第二日就要分貨  見到成堆LC 美物, 個個變了瘋婦人


因為唔夠分每人一件, 我O地就準備了一個抽獎袋, 直頭玩抽獎, 抽中就可以得到寶貝 (不過仍然係要俾錢)

玩左一輪, 所有美物都有新主人, 開心到大家都傻左, 俾錢又俾得好開心, 吹下水又一整晚.

我不嬲都冇咩抽獎運, 抽中我都冇晒PINK, 最想要o既cereal bowl都抽唔中.  不過好在有隻23cm補返數.

呢隻SATIN BLUE小奶壺好CUTE CUTE.  不過抽唔到PINK有o的飲恨...但satin blue都好靚呢


Satin Blue Mini Crock  好細架, 又係好cutie...只可惜抽中我個名時, pink又係俾人揀晒 

登登登登...真係之前一直抽唔到pink, 估佢唔到最後抽23cm pink plate時我有份, 開心屎我....香港開倉等左成個星期都冇Satin Pink Plate, 竟然都可以擁有佢呢. 


真係好好好多謝朋友仔山長水遠抬左OVER 30件貨返來. 能人所不能, 滿足晒大家咁多願望...  令大家開心左好耐

2012年9月20日星期四

Le Creuset 2012秋季開倉 (Day 6)

今日放假一早就去排隊, 今次單人匹馬, 都係排頭幾位.

不過今日就冇咩特別, 都係之前出過嘅.但就好多trivet, 又有pale rose ramekin. 但今日見到好多日本同韓國太太團, 坐晒係場內地下.  一入去就係搶trivet, 佢o地真係好勁.

見到linen trivet, 不過我麻麻地顏色, 所以冇要俾左朋友.

最後就只買左set Pale Rose Ramekin, 真係好好彩, 之前有朋友係日本返來香港可以幫我買一SET, 我最後揀左Pale rose 花花 ramekin冇買心心.  點知今次香港有.   又慳左.



另外幫朋友買左個trivet同pale rose ramekin, 幫blogger買左個掃就走喇

今次開倉應該到此完結了, 期待下年3月.

2012年9月19日星期三

Le Creuset 2012秋季開倉 (Day 2-4)

大家係唔係覺得我好靜有啲唔對路呢? 冇理由我只去一日開倉就靜下來, 唔身痕架咩?

答案係: 當然唔會只去一日啦  有冇搞錯

不過呢個世界真係好毒, 唔知邊個發明WhatsApp呢個東東.  係你毫無準備之下有人WhatsApp你有正野, 亦係你唔得閒去開倉時都可以遙控落盤 remote control一番.

真係要你敗到死為止.

唔講咁多, 由Day 2講起.

Dijon Trivet  靚到冇朋友 襯晒我個黃色28cm Staub (not LC 唔好打我xp)


又係黃, Dijon 23cm Round Plate 儲色又入左了


呢個Lavender large salad bowl 真係唔想入又入左.


當日下午約左玻璃朱, 偽主婦, OL, 維維媽一齊為玻璃朱新KM開光, 不過我 C FU痕, 未JOIN佢o地之前又C左去Regal, 睇下有冇咩正野.  點知......



我都唔敢相信我眼前見到的一切, 我呆了, 見冇咩人拎我都係唔信開來睇, 嘩!!!!!! Lavender 23cm Round Plate.  原來剛遇到補貨. 即時唔理咁多, 勁立. 幫64聯盟朋友立左之外, 仲叫埋玻璃朱, 偽主婦, OL嚟婦貨  走嘅時候


最後我又補貨了

23cm Lavender Round Plate, 儲色之外更不可能放過


Satin Pink Crock 呢隻自上年去到cashier俾人買晒之後飲恨左一年, 今年終於有, 真係連個天都幫我啦啦啦, 愛死個crock


咁就完左Day 2

星期一(Day 3) 要返工, 不過又係多得Wapp, 我又可以遙遠落盤, lunch去接貨.  收穫唔多不過係正野.

Satin Pink 19cm Rectangular Baking Dish  一個字靚


另一隻又係大碟  23cm Cassis Round Plate  唔入又唔安樂lor. 儲色again


Day 4又點先?

星期一LC post左張補貨相, 冇新野, 不過都有朋友一早去左入貨, 最後我又多入了一隻Cassis 23cm Round Plate同埋Champagne 杯, 一set 4隻 $200 好抵買呢.


杯底仲有Le Creuset 字的.  nicenice



Day 2-4係咁多.  唔知Day5-7又會點呢

2012年9月16日星期日

【深夜食堂煮婦同樂會第15話】奶油燉菜 (附食譜)

今個星期深夜食堂嘅題目係【奶油燉菜】

一開始我睇到個名覺得怪怪的, 奶油???  咪好肥仔囉!!!  其實睇左漫畫睇清楚就知道【奶油】即是我哋嘅白汁了.

係深夜食堂第61夜中, 奶油燉菜總係俾人覺得是冬天下雪時食的, 因為好暖, 好窩心, 老板覺得有「一家團圓」的意思呢.

其實係日本, 奶油什麼什麼的都好像好多, 好像人人都會煮的.

而我, 都唔係成日煮, 因為平時我比較喜歡吃用茄醬煮的汁.

反正今次題目已出, 再煮一次先!

日本人好喜歡用雞肉整, 我都喜歡呢. 其實細心諗下, 咪即係我哋係茶餐廳食嘅白汁雞皇飯囉



材料:
雞腿肉            2塊
洋蔥                1個
甘荀                1條
西蘭花            1棵
白蘑菇            半盒
旺菜                1小棵
薯仔                1-2個 (視乎大小)
月桂葉            1片
雞湯                300ml
牛油                30g
低筋麵粉        3湯匙
牛奶                300ml



1. 先將洋蔥半個切末, 半個切塊; 甘荀及薯仔去皮切件; 白蘑菇切片; 西蘭花切小棵; 旺菜切片; 雞腿肉切小塊. 雞肉用白胡椒及少量鹽醃15mins.


2. 先在鍋中加油燒熱, 下雞腿肉(皮先向下)煎至兩面金黃, 盛起備用.


3. 用鍋內剩餘雞油炒洋蔥末至軟身, 再加入洋蔥塊, 甘荀, 蘑菇, 薯仔入鍋內翻炒一會.



4. 加入400ml雞湯 (愛有少少酒味可以加50-100ml白酒) 於鍋內, 加入月桂葉.  蓋上鍋蓋用小火煮約20mins.


5. 於另一個鍋內以小火燒熱牛油, 待牛油溶掉加入麵粉, 用手提攪拌器慢慢攪拌至沒有粉粒及開始起泡.


6. 慢慢分數次加入已煲暖的牛奶, 攪拌均勻即可. (可以加入少許巴馬臣芝士碎煮溶增加風味添)


7. 待蔬菜部份煮好後, 將(6) 加入(4)中慢慢攪拌均勻, 加入雞腿肉, 西蘭花及旺菜, 再煮約5mins.





8. 煮好後可在此時加入50ml牛奶以增加奶的味道(可以唔加都得),  加入適量鹽及黑椒調味. 最後可灑上少許羅勒. 即成.


最後我覺得呢個汁都係拌意粉食開心啲.   其實可以拌飯拌麵包都好好味呢.

後話:
其實呢個餸都可以變化一下, 除左可以拌飯或意粉食.  亦可以就咁加芝士碎係面入焗爐用200度焗15-20mins.  又或者將飯或意粉放入焗盆, 灑上芝士碎,又係入焗爐焗.  會有另一種味道呢.

其實煮友作品:

鬼嫁 

:+:+:涼粉子:+:+:




Helen的方太小廚




Sally Ho 莎莉豪








Mrs. Horse




rose-mag




OL醉愛廚房




Jessica




Ka Ka@Serendipity




Esther




Cheaky



Jo 姐姐




Kennis Kitchen




WongC9




噹噹