2010年7月31日星期六

我的旅遊相記簿 - 1st class (The making of)

等左好耐終於等到上堂, 心情真係好興奮!


7:30正式人齊上堂喇, 係我o地面前係一片靚紙海呀, o的紙真係好靚呀!!! Olivia已經幫我o地分好一set set 同一個系統o既紙, 我o地就開始揀喇, 不過貪心o既我o地都係鍾意不停換紙, 攪到o的紙亂晒!  第一堂真係好多o野要揀, 係堂上面要不斷揀紙, 揀封面, 揀絲帶, 揀eyelet, 揀punch, 揀...... 好多o野要揀, 對於有選擇因難症o既我真係好痛苦.....好不容易先揀好晒.....


一上堂就見到好多靚紙, 大家就起勢咁揀喇!


揀完之後就好似打杖咁亂喇!  不過都唔夠, 仲要繼續換紙!


Olivia好有心機同我o地講解scrapbooking o既concept, 介紹各種紙同tools. 大家都好專心聽, 我o地第一堂主要係整個相簿封套....唔好睇少個封套, 其實已經包括左好多techniques.....同埋最難o個part係乜o野......唔係好特別o既technique, 而係back to basic, cut 紙 係最難, 因為要cut到條線好直....所以我明白點解咁多人都要買cut 紙機喇

Training 特色之一 - Flip Chart, 應用係scrapbooking圖解真係好有用!! 好詳細!



整左一陣又要去揀絲帶, 大家又瘋癲左!


經過差唔多3hrs, 我o地終於都完成左個cover, 第一堂已經3hrs喇!! 真係唔好意思, Oliver冇訓3晚仲要搞佢咁夜, 希望囡囡冇事, 早o的好返, 佢唔駛咁辛苦啦!


大家未整晒成本相簿就經好興奮, 好似整好晒咁, 要拍照留念喇! 其實裡面仲係吉o架!!


下堂要再接再厲, 整快o的先!!! 仲有要早o的去食o野, 費事咁夜, 尋晚食完o野都趕唔到尾班車, 要搭凌晨車返屋企, 好攰呀!!!!


 

2010年7月29日星期四

屬於我的旅遊相記簿

大家都知道我已經對scrapbooking中左毒, 買左好多材料, 不過未得閒動手做....不過o黎緊我會做一本屬於我自己o既旅遊相記簿.... 仲有係同其他6個好姊妹一齊上課, 諗起就已經好開心同funny!!! 一齊上堂, 一齊做一本屬於我o地o既相簿.... 這是我們共同一齊經歷喔!!!


好期待明天上課的日子............



唔知我o個本會做成點呢?

2010年7月27日星期二

Peninsula Wedding Showcase

前排見到有JM講半島又有Wedding showcase喇, 又會有Cocoon搞婚紗show, 咁啱mala都join左, 咁就一齊去趁熱鬧啦.








我去左睇12:00 o個場show, 去到因為遲左所以企得好後, 睇唔到咁濟, 不過後尾都搵到個位可以睇到下...Cocoon o的WG都OK, 不過EG就麻麻地, 好多o的款都唔係普通人普, 就算model都著唔靚, 同埋用o的色好瘀色....唔多好...





之後就搵埋Malau一齊睇下場地, function room入面set好左幾隻色o既, 全部都好靚, 就算function room原本個decoration都好正, 真係唔駛整decoration啦, 現在o既花都係有solomon一手包辦, 又係好靚好grand!









仲有呀, 現在係有茶點同埋fruit punch供應, 俾各位新人一路享用茶點一邊參觀, 好細心呀!! 我就食左件cheesecake (麻麻地) 同埋 macaron, 係榛子夾心, 唔太甜返而有驚喜呀...仲有食左一匙蝦!!







離開o既時候, 係遠處有個靚女同我四目交投, 大家又覺得大家好熟口面, 行埋佢大家都驚驚地好細聲講o野, 後尾我聽到幸子, 再望下旁邊另一位靚女, 好似阿草, 我就覺得係blogger啦, 我一講我係芝士, 大家就即時如釋重負咁......原來係杏子, 阿草同埋黑豬安呢3位好好感情o既好姊妹....你o地真係好瘦lor...特別係黑豬安呀, 真係好瘦, 唔好再減肥喇...  我今次終於感受到bloggers互相相認o個種又驚又喜o既感覺...好攪笑呀!


完左就同17號去上堂, 上完堂就去左蘭芳園食飯...我個龍脷好食又抵呀!





食完飯之後就行去百利, 再去A-DIAMOND睇多次婚戒, 去到之前竟然撞到小車同小權呀!! 好有緣呀, 唔駛特登約都可以拎埋green print張coupon


去完A-diamond之後我同17號都決定會今個星期confirm造18K定PT950...個心都好掙扎....不過想早O的做, 10月可以帶去台灣影相!!

2010年7月22日星期四

為台中Pre-wedding作準備 (驚喜感動中)

大家都知道我10月會去台中影pre-wedding. 之前見好多JM去影pre-wedding都會帶道具, 好多時都係日曆或者係一塊印左big day o既板!! 而好耐之前我已經有另一個idea, 我覺得wedding好似為自己上演一場好戲咁, big day o個日有o的似做show, 不過係正面o既, 因為o個日會係我o地兩個生命中最重要o既一幕! 所以我一直都想整一個道具for pre-wedding用... 而o個件道具.......


 


登登登登..............



就係導演板喇!!


 


我要話俾大家知我o既好戲就係2011年10月22日上演喇!!  Action................


其實我已經搵左o的相, 諗住會自己整一塊導演板出o黎, 不過就未去買料! 但係點知.......


 


今日返到o黎屋企發現有一份郵件.....拆開原來係.......


 


 



原來17號一直知道我有呢個idea, 佢都好讚成, 覺得好有意思, 而且又唔係有好多人用, 都好特別呀, 所以佢就用佢o既方法搵到一塊真真正正o既導演板俾我.....而且仲要係好神秘咁叫人寄去我度, 俾個驚喜我......真係好感動..... 其實佢雖然好忙, 不過佢都有放o的心思同心機係wedding度, 真係好開心呀, 雖然好多o野都係我去準備, 不過有你咁支持我, 不枉我付出咁多心機, 而且仲攪得好開心添!


而家有左一塊真o既導演板, 咁我就可以不停Action....Action....Action...都唔怕整爛喇!! 不過可能要改良一下塊板, 因為有o的字都未必用得著, 或者要遮遮佢先得....


今日真係好開心呀....多謝你呀!


 


 


 

Scrapbooking tools 入貨中

又為scrapbooking增加成員喇, 之前係Tanny度見到有summer promotion, 買stamp pad就英文字母印仔, 所以我又去幫襯喇!! Order左之後就見到佢又有另一個summer promotion, 買Embossing Folder可以用一個平o既價錢換一本scrapbooking書,一望之下原來係我想買o既書, 但可惜我又冇cuttlebug, 但我又好想買o個本書, 所以都係問Tanny可唔可以獨立賣俾我, 點知又ok而且價錢又合理, 所以又敗家喇!!


$10店入貨

上星期婚紗展完左, 醒起有間$10店, 咁就去撞下手神, 睇下搵唔搵到雕刻用stamp, 點知去到真係見到有好多存貨, 立即買左8舊,遲o的可以練習一下, 另外又見到有個paper cutter都ok, 又買左!! 不過始終灣仔唔算好大間, 所以lace花邊冇乜.  而白色o個盒就係旺角買o既!!


又為scrapbooking增加成員喔!!! 

2010年7月20日星期二

Bridal Signature Again

對上一次去Bridal Signature已經係3月o既時候, 當日BS剛搬左去灣仔冇幾耐, 都唔係好多衫, 今日帶左幾個JM一齊上去睇衫! 順便去探下靚靚Windy!!! 又要係度讚下佢, 人又靚個人又nice nice!!


上到BS最開心係乜, 唔係睇衫, 而係Windy話我瘦左呀!!  開心屎我喇!! 因為3月上去時我仲好肥!! 而家多得你o既advice, 一齊浸浴瘦身, 又做運動, 真係瘦左呀!!  Windy都瘦左, 真係好正啦!!


今次上去真係多左好多衫呀, 有好多件我都好鍾意.....不過又係o個句, 我冇錢呀!!!!


我o地都玩到接近9點, 試左一o的衫, 真係好靚o架!! 因為有其他JM唔方便出鏡, 我o既就會用真身!!  睇下我o地試左邊件....

呢件就係上面O個件, 我都好鍾意呀!!!! 心動心動! 不過係2碼, 我冇料子去試.......個JM就係2碼, 仲有少少鬆位.....好羨慕呀!!!



呢件好Plain, 不過好elegant, 同埋有好多details, 一o的都唔覺得冇o野睇! 個心型胸好靚!


呢件好飄逸, 有種青春可人o既感覺, 紗入面係好靚o既lace!!


呢件同第一件差唔多, 不過個拖尾唔係透明!! 都係好靚!


我又唔執輸試埋一份! 今次好開心試上身拉得埋呀!! Windy都話:[ 衰o野, 你真係瘦左喎]  又要自我陶醉一下先得!


呢件通花Satin......真係一絕, 我唔鍾意Satin都覺得佢好靚! 個拖尾係人手剪.......真係好靚!


呢件係lace上身, 下身係柯根紗, 好舒服o既感覺!! 不過下身都係平凡左o的!


唯一一件試o既EG, 幫另一個冇o黎o既JM試俾佢睇, 用絲去做, o的料好靚! 隻紅色都好靚O架!


試完之後, 我O地幾個就去左榮式燒雞扒度食dinner喇, 大家都係叫佳偶天成, 仲要係飲熱檸蜜添!! XDDDD


今日大家都好滿足, BS o的衫quality係好好, 用料又靚, 價錢以訂造o黎講真係好合理!! 而家個JM都心動緊, 不過錢係一個問題, 因為大家都係窮家女呢!!!


靚靚Windy收順o的啦!!幫下我o地呢o的又窮但又想變princess o既JM啦!! (法國photop話我o地係princess, 不過我o地冇公主病o架)