回歸日深圳遊

回歸日香港有遊行, 行街唔多方便, 最好就係北上梳乎下!

梳乎之前又一件重要事要做, 多謝blog友florence之前話我知, 係書城買到scrapbooking o既材料, 所以決定要去拜訪一下.  係去之前一日係深圳同事o既指點下, 再自己打電話去問幾間書城, 終於知道我要去拜訪o既書城係......位於少年宮o既書城.

今日o既target都好多, 所以一早已經約左17號係上水食早餐, 又去左delifrance!! deliscious!! 食完早餐之後就搭MTR去落馬洲, 好快就過左關然後就搭深圳地鐵直去少年宮站. 一出站就見到書城! 

雖然書城得兩層, 不過都幾大!

準時10點開門就入去, 一入去就去搵間手作舖, 點知未開門!

咁唯有去睇下書同行下其他舖頭啦! 行左一陣見佢開門就入去做第一個客人喇!! 雖然佢o地o的貨唔係高級o野, 不過都有好多平o野, o的印仔都唔貴, 仲有o的係 買一送一, 買一送二, 小印仔係$15有3個...我又買左florence o既打洞器, 買左把壓邊刀, 仲有金色凸印粉, 白色ink pad, 最後仲買左熱風機呀!!! 印仔買滿$100仲有o野送, ink pad同咭紙set........ 真係買得好開心呀!!! XDDDD 咁多o野只係$300幾人仔. 間舖原來係幾間書城都有舖, 下次可以去返舊書城睇下先!

未得閒執o的印仔! XDDD

漫趣手創館
http://www.mancoo.com.cn/

完成左target之後就好滿足咁去睇書, 買左幾本書, 有花藝, 十字繡同埋diy橡皮圖章!  希望我可以用得著, 做多o的手作仔啦!

行完書城之後就搭左廿幾蚊的士去藝展中心同笋崗一帶行, 行左好耐, 因為我要仔細搵下我o的心水, 不過都有收獲, 可以遲o的再去過買返夠本!  行行下發覺原來鵬鵬同立興都有分店o架!!  行左2-3hrs. 真係好熱又曬, 頂唔住.  之後就搭的士去梳乎lu!