2011年3月22日星期二

裝修進度 (八)

呢個星期真係好忙, 忙到唔得閒寫裝修進度, 而家就一次過寫返啦!


呢一個星期, 真係過得好快, 因為裝修已經進行得7788.


廚房已經裝左廚櫃, 將上手業主的抽油煙機都安好



整好左個假天花


師傅已經準備好個鋅盤, 而家等塊雲石到!


Panasonic 雪櫃都到左安埋


大眼仔都裝好, 試左水冇問題喇!!


全屋最開心o既一件電器就係呢部大焗爐喇!!! 仲興奮緊添!!!


廁所都安裝左浴屏, 鏡櫃, 抽氣扇亦都準備左個洗手盤


個TOTO 945都到左埗喇!


師傅暫時安左3盞燈, 下面係睡房



書房


客廳, 呢盞燈真係好靚!! 我好鍾意呀!


窗花都已經安好喇!


最後就係睇左大門, 原來都已經整好左, 仲裝埋防盜眼!



新大堂電話同埋門鐘都已經KO左喇!

318露比&丹丹大好日子

過左1219Malau大日子之後, 終於又到Masa紅豆另一JM 露比兒o既大好日子...


容許我再講, 唔好嫌我長氣.....呢年幾識左一班masa 紅豆JMs, 真係我o既福氣, 真係好開心有你o地, 大家又好啱傾....多謝你o地, 多謝露比係佢咁重要o既日子裡面俾我佔左一席位! KEKE!!


因為中午要去10妹度觀禮, 完左就JOIN埋大家一齊上朗豪酒店.


Welcome corner, simple & elegance



Reception, candy & sweet corner, DIY signature pen, photo corner...very nice!!!!



超鍾意呢個backdrop, 真係好靚, 影相一流...挨屎你!!!



仲有主backdrop又係好靚, 好舒服好warm....完全感受一對新人好溫馨!




最開心就係呢張相, 未試過咁樣同新娘影O架...大愛....露比兒仲要好靚添!! 大大愛!!


祝露比同丹丹永遠都咁Sweet!!

Wedding Card for 318 JMs

3月份真係好多JM結婚, 繼月頭4, 5妹兩個嫁為人妻之後, 3月18日就係10妹O既大日子! 另外亦都係masa紅豆JM 露比的大日子! 所以特登請左假, 點都要去賀下佢O地兩個!


當然唔少得整返張咭仔俾佢o地啦!! 時間好趕, 所以用唔到好多時間去整靚佢o地, 希望兩位好友唔好介意!!


下午去左10妹証婚! 送左俾佢!! 係一張Swing Card..一拉開張咭, 中間就會反轉見到後面o既greeting message!



去完10妹度就去左露比度睇証婚同飲...真係好開心!



再次恭喜10妹同露比, 祝你o地都幸福快樂, 最緊要係同另一半開開心心, enjoy your life!!! ^o^

2011年3月14日星期一

白色情人節

今日係白色情人節, 一直我o地都冇點慶祝.. 但今年有o的特別喔!!!


今日17號放工係我公司樓下等我, 之後叫我合埋眼, 一開眼就見到有兩份禮物!!!原來係佢搵人特登整o黎送俾我呢!


有一隻SAM仔拎住相機仔...因為17號知我鍾意影相, 之後呢個SAM仔就可以加個夾用o黎夾咭or相!! 好得意呀!!


另一個就係一幅大o既畫, 係慶祝我o地新居入伙喎!!! 好特別呀!!!


多謝你呀!! 我好鍾意呀! 2011年白色情人節真係好難忘呢!!

又上家合居

星期六又同師傅上左家合居, 今次真係主力買晒成屋o的潔具, 燈同雜項o野!


一上去第一時間就買潔具, 之前一直都想買一個MOEN o既水龍頭, 點知問左順利個sales, 係唔fit我個台上盆...所以我就死左心lu!!! 決定一次過係Cassina買晒所有龍頭同盆, 見呢個brand都係意大利品牌, 而且師傅都話用過唔錯, 所以試下又無妨!


影左一張相...其他唔記得影!! XDDD

揀左右二o既向日葵花灑同下身龍頭, 左一o既六段速花灑


之後就去左買燈, 之前都有做左o的research, 所以大約都知自己想買o的乜o野, 所有不停搵, 不過有o的係淘寶見到o既款就搵唔到, 自己又想一次過攪掂晒佢, 費事淘寶o既原則底下, 終於用左成個幾鐘就買晒所有燈! 不過又係唔記得影相, 所以o的圖都係上網搵返o黎....


飯廳燈


飯廳壁燈 ~~ chesse~~~~


客廳 LED水晶氣泡燈, 應該似咁樣, 因為冇現貨要訂


廁所對出吊燈


書房燈, 大約係咁o既款



主人房馬賽克燈, 終於可以買一盞馬賽克燈, 雖然唔係最愛o個隻, 不過都唔錯, 用白同黃燈泡出o黎效果好唔同, 唔同color o架!! 大愛!! (實際買o個盞可能有少少唔同, 不過都係大約咁o既款)


買完燈之後就去左買大門鎖, 一o的廁廚用o既雜項物件...之後叫潔具舖頭一次過幫我o地pick up, 然後聽日送o黎香港..


買完晒之後都6:30喇, 然後就搭車返新居, 師傅再同我o地覆一次新屋傢俬呎寸! 食完飯都成十點幾....返到屋企成個人都散晒!!!


 

2011年3月13日星期日

裝修進度 (七)

又一個星期喇, 又係時候update一下進度.


今個星期都係油油中, 不過油油已經七七八八, 應該仲有最後一層未油, 而家已經睇到o的顏色喇!


朱古力屑主人房!


我冇造假天花, 又唔要天花線, 所以師傅都幫我油左條幼身線, 都唔錯!


窗台雲石都已經整好左! 用左白星石!


星期中, 所有由師傅負責o既門, 廚櫃, 廁所櫃同浴屏都已經到左....放晒係個廳度!


廚櫃o既板...幾好睇喎



廁所已經做好LED燈o既位, 準備裝假天花!


最後星期六同師傅覆多次傢俬尺, 真係好在有佢俾意見...我先知道有乜問題, 做傢俬間公司o個度真係覆尺覆得唔太好, 激死我....而家仲要我自己覆一次.......


另外就再confirm埋師傅, 廁所同廚房雲石料!


廚所會用小白星石(左), 廚房就用瑞典白(中), 比較襟睇o的!


 

Le Creuset 開倉 2011

一直對Le Creuset同Staub呢兩個牌子都有印象, 大概就係貴貴貴... 不過一直都好恨擁有, 因為知道佢o地用o黎煮o野, 煲, 燉, 忟 o既效果都好好...不過實在太貴, 所以唔捨得買..


不過最近知道Le Creuset開倉, 原本都唔想去, 知道一定會破財, 但係尋日見到forum同blog有人不斷講同post戰利品, 見到dirty pink同lavendar o既煲真係好靚, 最後都係敵唔過引誘, 用左新屋做藉口, 趁今日冇乜o野做就決定一大早爬出去.


食完個早餐準時11:00去到海港城, 一出lift就已經有30人左右排隊...等左一陣就可以入去, 一入去o的人就開始好有策略咁拎左好多貨係手, 我同17號就一頭霧水, 所以都係四圍搵下, 好彩見到有antique rose o既煲, 即刻拎左先, 之後再揀到少少碟, 不過好想買 $170正方盆就冇晒lu.....後尾見到有好多人拎住一o的好靚o既盆, 原來係煲墊, 真係好靚, 又係一早俾人掃晒, 好多日本婦人一個人買好多個....我都好想要, 之後就唔知醜問下人有冇多.....有個女仔好好人話佢o的朋友冇o黎, 有幾個可以free返出o黎俾我, 真係好開心呀, 個女仔仲同我講個煲點好點好, 好多謝佢!!!


最後o既戰利品!!!! 



之後係隔離counter見到又買左個kitchen paper o既架, 勾同埋防塵掃用o黎抹燈..



不過今日真係出晒血但係都出得開心o既!! XDD