2011年2月25日星期五

裝修進度 (五)

今個星期上左新屋兩次, 今次有好大O既分別, 因為俾我覺得間屋真係成型喇!


因為全屋地台防漏已經整好左, 仲舖埋地磚喇!


另外, 師傅已經舖好廚房o既磚同地台


廁所都已經整好左, 去水位都整埋!


牆身磚加左馬賽克border都唔錯!


外牆o既喉都換好晒喇!


主人房冷氣都已經轉左位


尋晚師傅終於同我O地傾廚櫃同埋廁所鏡櫃o既設計, 我o地經過一個星期o既考慮, 終於決定埋廚櫃, 廁所鏡櫃o既用料, 窗花款式, 大門同房門款式同料, 全屋油o既顏色.


今日就開始剷底準備油油喇, 遲o的就要再揀埋鋅盤同雲石款!


聽日就上大陸買電掣面同揀特式牆o既牆紙喇!


今個星期真係進度神速. 希望可以keep住, 快o的完工就好喇!!

2011年2月24日星期四

Confirmed 28 Van

一直攪完o的大o野之後, 忙住搞新屋, wedding o野好多都停左係度, 不過一直都有留意花車呢個item!!


其實之前一直都諗緊用乜o野花車, 大部份人都會用Benz, London Taxi 或者係Mini Copper, 其實我自己都冇乜所謂! 但係我都有search過有乜o野公司係o的JM話好O既, 不過真係機緣巧合下, 17號家姐換左部車, 係Toyota Picnic, 仲要係淺紫藍色, 我一見到就好鍾意喇, 完全又啱晒我個theme, 加上部車大o的坐得舒服o的, 係家姐同姐夫完全冇異議下, 呢架picnic仔就會成為我當日o既花車喇!!



KO左部花車之後, 我就開始搵28Van, 都Search左一輪, 不過係搵o既時候突然醒返起開blog冇耐, 曾經有人add我問我借個進度表去駛下, 我click入個blog就發現係租花車o既??? o個個就係孖一世結婚花車服務公司, 所以o個時已經識左Frankie, 仲有對佢公司印象好深刻係佢有2架Van都係紫色, 係第二度都未見到, 所以我特別鍾意! 佢仲好好叫我唔駛咁急租車, 等我大定左先啦! 如果有人問起我o個日佢先再call我, 最近終於confirmed左租Frankie o既28Van.  價錢亦都好抵, 又有埋佈置...真係好正! 仲有佢o地有紫色Van, 真係比較少有!



(之前有o的誤會, 原來我book 到o既係呢架, 唔係紫色櫻花o個部, 不過都好過冇啦!)


Frankie真係好好人, 又有交帶, 值得推薦呀!!!!


好o野, 又KO左一個大item!!!

2011年2月22日星期二

完成2011渣打馬拉松

2011年2月20日係一年一度渣打馬拉松o既大日子, 今年係我第二年參加10km.



4am就起身, 之後約左朋友一齊去搭地鐵, 轉左幾程車先到天后, 已經係6:20am, 之後食左少少o野就去放水, 再入去寄存行李! 今年醒目喇, 係出面去左洗手間先, 唔駛係維園排隊, 上年排到開跑都仲有幾十人係前面, 去唔到之餘仲遲左起跑, 今年就好o的喇, 一早上左東廊之後就熱下身, 唔夠5mins就去到等開跑喇!  不過等開跑時突然落左場大雨, 大家都濕晒身去跑!



整體o既講今年係跑得舒服左, 因為天氣比較涼, 係地下有o的濕要跑得小心o的! 加上平時練習唔多夠, 跑到8km時大脾外側都有少少抽抽地, 要不停揼鬆返o的肌肉...好在都冇抽筋, 順利完成10km.



不過今年冇上年咁勤力去操練, 冬天又凍, 上兩個月又病, 好少正經咁練習..


好在今日得到最後o既結果係1:07:43, 比上年快左5mins左右...都已經好開心了, 希望下年再繼續努力, 再跑個好o的o既成績返o黎! 而家真係跑上癮了!!!


今年終於有官方相睇, 上年冇人影我!! XDDD



 

2011年2月20日星期日

裝修進度 (四)

今日跑完馬拉松返屋企又訓唔著, 所以又拱左上新屋睇下呢兩日o既進度!


呢兩日師傅已經加厚左大門同廚房o既牆身, 而家都水平, 冇之前咁凹左入去咁核突!



廚房牆身都舖好磚, 不過有o的磚運o黎o既時候都打爛左, 唔係好夠, 要再去補返一o的先得!!  不過見師傅o的手工都ok, 柱邊做標角位都好似唔錯!!



廚房U型廚櫃地台都已經整緊!



廁所亦都舖緊牆身磚, 真係好鍾意隻磚....留空左o既位就會有條馬賽克o既border!



企缸位o既地台都已經整緊, 之前師傅換喉call窿已經將原本好高o既去水位移底左...而家個地台冇之前咁高, 感覺好好多! 



外牆o既喉都已經換左, 加左間氣, 亦都加左個閘位, 等第二時要整室內喉時唔駛關晒成座o既喉..方便好多!



花洒位置亦已經移左另一邊, 唔會俾個熱水爐阻住!



書房間牆已經填左英泥灰!



聽日就開始倒地台喇, 希望繼續順順利利啦!!


 

2011年2月17日星期四

Celebrate my last single birthday & Valentine's day

2月14日之翌日就係我生日, 好似之前個POST咁講, 我年年生日同情人節都係同一日慶祝埋, 今年都唔例外啦!! 不過今日17一大早就做好功課, book左間餐廳, 帶我食比利時菜!!


放工佢接埋我之後就一齊搭地鐵去尖沙咀o既Okapi!



入到去環境都係暗暗地, 好似好浪漫咁, 餐廳預備左張四人枱係裡面一個角落, 好靜, 好舒服. 


我o地叫1人叫左1個main dish, 之後就加左兩個前菜, 配埋個set一齊.


先o黎頭盤


法國鵝肝伴蕉糖蘋果配砵酒汁



鵝肝好creamy, 加埋酸酸o既蘋果咁食真係好正.


再o黎頭盤焗雲吞蕃茄汁



一直都好鍾意食意大利雲吞, 雲吞真係好好食, 好多cheese....蕃茄汁又好香濃....勁like呀!


之後就o黎兩個湯, 一個係雜菜湯, 一個係忌廉湯...雜菜湯就一般啦, 不過忌廉湯就唔錯呀!



到主菜喇...17叫左法國紅酒煮兔仔腿, 我就叫左炭燒西班牙極黑豬扒伴蘋果.



兔仔腿都ok, 我覺得好似食滑版火雞肉...而豬扒雖然係硬o的, 不過好香好好味...


食完主菜之後已經好飽, 不過17專程訂左個心太軟俾我食....佢話好出名o架.....o黎到o既時候都已經好吸引, 我係影相之時就有個staff拎左另一個蛋糕o黎唱生日歌, 17都有一齊唱...好驚喜呀!!! 個staff同我o地影左合照.



跟住當然係許願啦, 不過許左乜就唔開估喇!! XDD



 我就開始食甜品, 個心太軟就真係好好好食....雲尼拿雪糕又係好香好滑, 而個蛋糕就麻麻啦!



加埋杯好好飲o既肯雅咖啡作結



真係好滿足呀!! 整體上間餐廳都唔錯呀, 食物o既質素都好ok, 最好o既就係service, 真係超級好, 尤其係人人都讚o既李小姐!! 服務態度一流!!!


今年o既last single birthday真係好甜好難忘呀, 17號多謝你呀!! 希望以後都可以開開心心!

2011年2月16日星期三

2011情人節 + 裝修進度 (三)

每年情人節都沒有特別o既慶祝, 一來怕人多, 二來唔鍾意o的o野太貴...所以唔會特別食大餐, 都會留返15號生日加情人節一次過慶祝, 起碼o的o野冇咁貴!


今年都係, 我同17都返左我屋企食飯, 食完飯o既情人節節目就係去新屋睇下裝修進度, 順便預習一下下年情人節就係我o地o既安樂窩過喇! ^o^



師傅們初八就開工, 已經搭好個棚, 準備好換外牆水喉.





另外亦都整好晒o的電掣位, 換左個電箱, 真係細過之前o個個好多, 而且又有個蓋, 安全o的! 唉.. 有o的錢真係唔慳得!!!!





廚房牆身亦都開始批灰喇!





書房外牆門口改位亦都已經造好





去完新屋我o地又去左樓下間燉奶佬食燉奶, 當係今年情人節o既甜品!! 簡簡單單咁渡過都已經好開心喇!