2010年8月27日星期五

暑期淘寶第二激

第二激淘寶尋日到左喇!!!

今次呢箱大o的o架, 因為淘左好多!!

準備拆箱喇!




成箱都係貨




點左貨又排起樹影張大合照!!!




不過點完之後發覺有一張sticker 冇俾我!! 要問返先得!! 另外有幾張絨面sticker quality麻麻地, 不過其他o野都好好!

分貨都搞左幾個鐘, 又要計返大家o既運費!  整完之後成個人散晒!!!



朋友們, 你o地o的貨呀!! 好快可以到你o地手喇!!!

2010年8月25日星期三

淘寶

一直對淘寶有點恐懼, 只是得個睇字! 原因係唔太識用, 二來係好驚中毒!

當大家都好熱烈咁討論淘什麼樣的戰衣, 我都好好奇同身痕想去試下淘.... 但最後都係停了下來!!

但係最近.......我失守了!!!!!!!!!!!!!!!!!!!!!!!!!!!!!!

我終於行出左第一步!  正式成為淘寶一族!!

我第一件淘O既係乜, 係乜o野有咁大威力令我失守?????

淘寶真係好快, 星期日order, 星期一晚出貨, 原本係今日收貨, 點知尋晚已經到左!!

我的貨品




打開左仲有Bubble膠, 大家睇到唔係衫啦!!




來張大合照吧! 就係淘scrapbooking材料令我失守喇!! 估唔到淘寶都有!!! 真係好抵呀!!




上面唔係全部都係我o既, 我係同幾個bloggers一齊訂o既! 呢個係第一個order, o黎緊仲有箱大o野都會係呢兩日到, 好期待呀! 

各位有份o既朋友, 你o地認得自己o的寶物嗎??



2010年8月20日星期五

Distress Ink sharing @ Amor

好開心呀!

原本我報唔到Amor 8月份o既分享會, 點知尋日收到Olivia o既email, 原來有人drop左, 問我去唔去, 咁我打死都去啦!! 就算約左人都推人啦!! (不過好在冇約人) XDD

今堂教點樣用distress ink, 大家好早就到左, 仲見到Manchi添!! 當然仲有我至愛o既露比一齊上堂! 仲有Olivia都係學生之一!!

Miss 就係 littlebear o既 Alice, 終於見到真人喇, 佢真係好勁, die cut唔駛用機, scrapbooking 材料可以全部o野自己做!!!

首先佢每人派一個佢自己cut o既信封, 入面有3張咭仔, 有好多圓形label!




之後Alice就好細心教左我o地3個用化妝綿o既techniques去印distress ink係咭上面.....做咭o既過程發覺真係好free, 好即興, 好似變左身做女版畢卡索!! 因為真係唔駛點去諗, 隨心去印....出o黎o既效果都好好, 大家o既作品都好唔同!


 好壯觀!!!

三張咭都好唔同感覺!


之後就整label喇, o的lable都係隨心去上色, 不過襯色都好重要o架!! 上完色又可以用水去噴, 營造更vintage, 殘舊o既感覺, 真係好好玩o架!!

我的製成品呀! ^^


今次分享會好輕鬆, 好隨心去玩ink, 唔駛煩點樣襯色, 做decoration, 所以大家都可以慢慢整, 但又好快就完成左, 唔駛over run, Olivia可以早o的返去陪柔柔!!  但我覺得distress ink可以仲有好多功能, Alice都話可以玩好多o野.....所以.....如果要玩我又要敗喇!!

Invitation card

其實一直都覺得好多bloggers都好勁好有心, 自己去整張invitation card!! 不過對於呢個item我同17號都唔太熱衷, 因為知道張帖好多人都會丟, 出去再整同埋自己整又唔平! 所以都係諗住用返彩福張簡單帖就算...

不過之前去左個master同學仔屋企玩時傾開結婚o野, 佢張帖我幾鍾意, 問起原來係一個朋友幫佢design, 收左佢design fee ONLY 之後就拎去e-print印, 實報實銷, 計埋都係幾蚊一張!!!  我一聽到已經心動, 因為我要拎帖去加印都要over $1, 其實相差唔多而又係tailormade, 我覺得好吸引呀!!

之後靠個同學仔refer左個designer俾我, 佢都SEND左O的sample我睇!

睇到都係我個同學仔o個張, 同埋仲有另外既帖, 都真係唔錯喎! 仲有可以根據我個concept去tailormade!!! 好正呀!




佢已經放左係我個list度, 如果我真係整o既一定搵佢!! 而家搵下心水design先得!

如果大家有興趣可以留言, 我俾佢contact大家啦!

2010年8月19日星期四

我們的安樂窩

最近忙於另一個大task....就係準備我o地o既安樂窩!

因為17號有綠表, 所以決定左今期抽居屋!  點知........... 抽波仔時已經排8X號, 揀樓次序係.......超過一萬......

心情已經好低落喇, 即時打電話對住17號喊左出o黎, 因為我o地都好有期望.....唔通就咁冇左個機會?

不過我o地冷靜落o黎就諗下有乜解決方法, 始終唔係有錢人ma!!  之後我o地決定去睇居二樓, 主力都係娘家附近一帶.   要供多少少都唔緊要, 最緊要有地方落腳!

之後就約左個地產朋友去睇樓, 初時都冇乜太大希望, 點知皇天不負有心人, 地產朋友識銀行我o地可以用長o的年期供樓.....真係好開心呀, 即時可以睇o的大少少o既單位.... 最後我o地睇左幾間, 有一間高層想睇, 點知就遲左1日俾人買左, 所以得返另一個低層o既單位, 而且價錢都好合理.....我o地唔想再煩同等喇, 就決定左呢間, 雖然唔係我o地想要o既高層, 不過就係我o地想要o的size!   而家可以住個大o的o既單位(因為想抽個屋苑都係得細單位多), 仲可以望到海! .....而家真係好感恩呀!

尋日終於去左簽臨時合約, 而家好期待年尾去接收我o地o既安樂窩!

2010年8月15日星期日

Free Wedding Logo 2

6月份見到facebook有promotion, 就係amor wedding gallery免費幫準新人設計wedding logo, 咁我當然都唔執輸又send埋佢做啦!! 到8月頭就收到個免費logo. 一直都唔記得post出o黎添!




其實對免費o既o野真係冇期望, 不過見到覺得比較簡單, 但都唔係差, 因為我見其他blog友有o的logo真係好求其, 所以我都覺得自己o個個已經算係咁...

不過個logo只係得39KB, 如果要大resolution底者要修改就要俾$300...而我覺得唔值lor, 如果係設計得好靚都冇所謂...有o的blog友都可以用幾十蚊o既價錢搵人整, 同埋都唔差....所以呢個.....玩下就算lu!!

2010年8月14日星期六

我的旅遊相記簿 - 3rd class (The making of)

等等等, 又一個星期, 終於又到星期五, 原本係好眼訓, 但一放工去上堂時就精神晒!!

上堂之前, 我o地又相約左去南記食米線, 真係好開心, 我o地都係米線怪, 無論譚仔三哥同南記都係咁喜歡食......食完之後就上去AMOR啦, 今日特登早o的上去想早o的做...

今堂我o地再做多3頁, 可能我o地太慢啦, 最後只會做6頁!! 不過都ok, 慢工出細貨 (自我安慰中).




今日又用cuttlebug cut 框同做壓花, 真係好靚, 好滿意個效果, 攪到大家都想將cuttlebug據為己有!! 又試左用trimmer整波浪紋....又方便又靚!!!




做完壓花之後就整stamp, 因為上次上過free workshop整咭, 所以都對stamp有認識, 可以自動波自己去整!! 呵呵  金銀粉真係百搭呀!!!

終於作戰左4個鐘, 攪到11:30PM呀....真係辛苦晒Olivia呀..........

完成了我的旅遊相記簿!!!!

合成前




合成後




真係好有滿足感呀, 今次o既體驗真係好好, Olivia又教得好, 人又nice, EQ又高, 唔會嫌我o地煩同慢!! 又成日換紙!! XDDD  有興趣o既朋友, 真係可以考慮去AMOR學呀!!! 物有所值喔!!!

2010年8月11日星期三

我的旅遊相記簿 - 2nd class (The making of)

上星期五又繼續Scrapbooking class, 大家都好早到左喎!!! 多左好多新絲帶呀!!!


Olivia話今堂會做3頁...其中2頁係相簿面同底, 另外加一頁內頁! 大家都好留心聽Olivia講解!


好不容易大家又要揀好o的紙拼埋一齊, 今堂都係用左punch, 打eyelet, 最開心o既係終於可以試下用cuttlebug, 原來都幾好玩, 今日大家都學用cuttlebug cut o既花花, 亦都睇左點樣整壓紋! 另外齊都試左用o的ready-made o既sticker, 原來襯埋都真係幾靚o架!


因為今堂好專心去整o野, 驚唔夠時間, 所以影得好少making of!!

整到成10點半, 終於完成左3頁喇!! 我自己都覺得好靚喔!! 越整越開心呀!


下堂要準備o的相, 仲有要快手o的, Olivia話如果快手可以試多o的techniques. 下堂又可以用印同熱風槍喇!!