2010年4月20日星期二

My Vintage Collection Part 2

今日又去入左一樣好鍾意o既o野...就係之前訂左o既lace傘, 用o黎影pre-wedding用o既...上兩個星期去裕華睇時已經俾無線掃晒....要訂左先....傅小姐同我講過幾日會有貨...但係過左成個星期都未有電話...所以打左去問...點知原來都係未返貨, 咁唯有再等..點知今日傅小姐打o黎話o的傘都係未有貨, 不過見我好似好趕, 特登請廠o個邊先送左4把o黎俾我揀! (因為有兩隻款, 每隻都有一紅一白, 所以有4把, 其實上次我已經揀定左, 不過佢話俾我睇多次實物再揀)  我聽到好感動呀...真係又遇到貴人....特登運o黎俾我揀!! o的服務好成咁...好有人情味呀!1  所以一放工就衝去拎啦!

去到見到傳小姐真係好開心, 佢都認得我, 離遠已經同我打招呼... 之後就真係先拆開個包裝, 見到4把傘, 佢叫我任睇任揀, 揀到啱為止!!  hehe! 我真係受寵若驚添!   最後我o地兩個係度研究邊把影相靚... 最後就決定左呢個款喇, $130個大洋一把...抵呀!




白色係影pre-wedding用. 紅色係出門用o既... 其實當初我都唔知有紅色, 係傅小姐同我講有...而且出門用好靚好啱我...我話好似太早買, 佢話紅色返親貨都賣晒, 唔係成日有..所以我就訂埋lu!! 又係可遇不可求!! 

多謝你呀...貴人傅小姐!!  

2010年4月19日星期一

尋找屬於我倆之婚介

結婚當中有一環非常重要, 亦係結婚當日重頭戲之一, 之後就係你生命o既一部份...當然就係Wedding Band啦!!不過我o地兩個都唔係好名牌o既人, 所以好多人去睇o既Tiffiny, Van Cleef & Arpels, Cartier等名牌店我o地都冇興趣...加上覺得咁貴又唔值!

同17號去過好多次婚展, 平時行街又四圍去八下..都收左唔少咭片, 印象中係TSL一田分店o既staff最好service, 返新款都會打俾我, 我打去佢又記得我名...very good service!

其實我同17號都唔想要一o的好誇張o既款式, 因為婚介都會成日帶住, 平時返工都唔想太誇太閃!! 又唔想整得一粒石o個o的, 因為我o地已經有一對了! 當初係旺角行街時係最大o個間周生生櫥窗睇到一對介指, 我o地兩個都覺得係佢喇...原來係點睛品o既!!  之後再去o的金舖睇o黎睇去, 除左TSJ有相似, 其他都冇....




就係好似呢幾隻款! 我o地都好鍾意上面係比較plain, 不過側邊就有o的碎石圍住...咁又可以戴又可以當吊咀! 都唔錯o架...不過TSL都唔平..兩隻都aroung $16000, 而點睛品就係中間通空, 所以比較輕, 一對around $8000, 如果要實心就1對要$12000....雖然真係好鍾意, 不過未拍板! 諗諗先!

其實之前都有去婚展睇過o的類似款式o既婚介...不過好多都好輕係空心, 我o地又唔係好鍾意, 而且手工又唔係好靚...不過機緣巧合地係其他jm度search到一間叫Adiamond o既舖頭, 係百利o既...o的款好靚好特別, 好似同人tailormade咁...所以去Hsiao試衫時就去左百利睇下...雖然間舖唔係大, 不過o的款真係幾特別, 傾傾下時知道佢o地都可以幫新人tailormade介指, 又可以按喜好去改良介指, 做左個模i之後可以去試又可以改, 到做起之後都可以改良, 完全符合我o地o既條件, 好flexible...因為我o地之前o的介指都係搵人做, 有o的係自己idea再搵人做output...所以我o地好鍾意o的咁flexible o既舖頭, 處處以客為先...唔會大家都係一式一樣.... 我o地問左好似上面一對實心光面o既介指價錢, 少於一萬....好合理呀...同我o地budget好夾....而且仲可以改同加其他o野上去...做得特別o的!!  不過我o地冇即時confirm...因為仲有好多時間先big day...可以慢慢睇, 佢o地遲o的又會有o的新款可以再睇下!  不過我同17號再睇過好多間, 都係覺得Adiamond不俗...好大機會係度整我o地o既wedding band!!!!!










其實我都幾鍾意佢以上o既款..可以參考一下又改一改先!!!

Adiamond

地址: 尖沙咀漆咸道南87-105號百利商業中心地下25舖

電話: 3590 2248

website: http://www.adiamond.com.hk

2010年4月17日星期六

大滿足的一天

今日真係好開心呀, 買左一件我超喜愛o既WG....有o的o野真係可遇不可求, 搵到佢係我同佢o既緣份!

前日收到Lou Lou Bridal係我個blog度留言有off the rack sale, 去左佢個blog度睇到有幾件sample相, 覺得都幾靚喎!! 一問原來off the rack有十幾件WG, 價錢由$2,900-3,500不等! 價錢又好合理喎!

我o既大滿足就係Lou Lou Bridal發生了!!  多謝Aggie今日俾我玩左咁耐同埋係熱情o既款待!!


Lou Lou Bridal

地址: 上環蘇杭街100號江寧大廈13/F

電話: 2541 2068

Blog: http://hk.myblog.yahoo.com/jw!kuox1GOUHxyw.pFmEb7o

2010年4月16日星期五

My Vintage Collection

係Fancy Blur訂左3個星期, 終於拎到我o既第一件Vintage Collection - 小斗蓬

雖然我未可以擁有一件vintage gown..不過去完Selina度之後, 發覺自己著有荷葉領o既vintage gown真係唔錯, 所以就用左少少價錢去滿足一下自己, 做左一件小斗蓬..  好在去拎時試一試, 原來唔係咁啱, 心口位有少少拱起左, 好在靚女老板娘Yuki做多左件, 一試上身又啱啱好, 咁佢就幫我再加返o的鈕就可以拎返屋企喇!!

真係好鍾意呀!! 好靚!! 帶埋去影pre-wedding, 唔知夾唔夾!! big day o個日都可以著!! 正呀!






                               正面                                                               背面

Fancy Blue

地址: 銅鑼灣希慎道15-31號蘋果商場shop 46

電話: 91276614 (Yuki)

Blog: http://hk.myblog.yahoo.com/blackxoxo

2010年4月14日星期三

Big day 之 男禮

其實JoinVanesse都會包男禮, 不過我知道婚紗舖o既男禮都未必好靚同fit, 所以好多jm都會另外出去租同造, 而我呢….prefer出去搵一套又靚又正o既俾17, 其實佢諗住一套就一日, 不過因為佢比較大汗, 我唔想佢一套著一日咁辛苦, 所以如果Vanesse男禮ok我就租一套俾佢早上接我時著另外就搵一套晚宴時著o!

我都上網搵左o的租同做o既資料:



Mode

單租:平腳 $1,580@, 燕尾$1,780@套;配件$200

Package:任何2 $2,980配件$400

尖沙咀金巴利街1B恒港中心4402 (Tel: 2366 8284)

VA

單租:$1,580@, 恤衫$480

Package:任何2 $3,160, 恤衫$480 (送一件)

地址:尖沙咀金巴利街86-96號地下 (Tel: 3111 6978)

E-Rave (Tuxedo) ~$3,800 2 (不包恤衫)



祥興洋服 (不過有jm話唔係咁fit)

$998@

地址香港皇后大道中79號萬興大廈4字樓

電話2523 9737, 2525 8997

精藝

~$1,000@

地址:旺角兆萬中心1109號舖

電話:2384 0828

Gary & Joe

~$1,500up@ (不包恤衫)

地址:尖沙咀漆咸道南87-105號百利商業中心110, 26號舖

電話:3580 8036

荷里活商業中心

少於$1,000@ (有機會免費借配件)

俾左o的資料17號睇, 之前又去睇過下, 係租同造之間, 17號已經二話不說話去造一套喇! 都好o, 因為租一套仲貴過造, 而且仲可以改返做西裝款, 日後又可以著得返, 一舉兩得所以就咁決定啦!

買男禮去外影

掛住寫自己買衫去外影, 唔記得寫17o既男禮添!!

其實之前已經諗住去買一套衫去澳門影相, 不過未知係邊度買, 因為諗住平平地啦! 不過知道旺角荷里活商業中心專係賣男裝o既西裝, 所以上兩個星期去完Sandy度試妝就去左睇下!

原來o個度真係好多現成男禮, 我同17號上左頂層行先, 我同佢都鍾意中山裝, 覺得著上身好型仔o, 所以我o地就不約而同就俾其中一間舖o既中山裝吸引左, 問左價都係$400, 仲包埋改, 只需一個鐘就改埋…  不過C奶性格o既我當然係行晒成個場先決定啦, 睇晒成個場之後, 都係呢間平, 所以都係返轉頭俾錢!! 因為我o地唔想等, 所以17號就第二日放工先去拎, 佢話試左都好fit, o黎影相真係抵, 之後仲可以著得返添! 帶埋去台灣紅豆影相都得!

而家睇下有冇o野特別o既企領恤衫先, 如果搵唔到, 就用$100買佢o個件白色企領恤衫先! ^^

大家知唔知邊度可以買現成o既企領恤衫呀? (平平地$100-200o個o的)

2010年4月9日星期五

試妝後感 ~ 延續編

繼上一篇試妝後感後, 發覺仲有o的o野可以share一下!  其實有o的都係之前分開講過, 不過而家就綜合返, 方便大家!

試妝其實都係一門學問o黎, 雖然我自己都唔係話掌握得好好, 不過都可以分享一下我自己o既做法!

試妝前

一定要做好searching o既工作, 我就由上年10月開始搵, 去睇esdlife, 不過實在好多so call "推薦", 個個都話好, 點好法呀, pm左都係得o既簡單資料, 都唔係有comment o既! 所以esdlife唔可以盡信!  不過esdlife確實係一個地方俾自己打底先, 起碼知道有o的乜o野MUA, 記低晒佢o地o的名先!  之後我就base on 各位MUA o既名轉戰去搵mua o既blog同website, 去睇佢o地o既為各新娘子化妝o既相, 有妝前妝後相睇就更好! 另外我亦去search各位jm o既blog, 去睇佢o地o既真實comment同相! 呢o的comment可信程度更高! 所以大家唔好吝嗇你o地o既時間, 做多o的功課! 網上o既資訊雖然係好多, 有時你會覺得好煩, 不過其實我o地已經好幸福了, 因為網上發達令我o地可以慳返好多出去搵o既時間, 同埋可以睇多o的reference, 以前o既新娘邊有咁幸福可以搵到咁MUA可以比較呢!  好多時連好定唔好都唔知!  仲有呀, 記得唔好人o地話好你就去試, 係要睇到適合自己先好約, 因為個個人喜好唔一樣, 眼耳口鼻面型又唔同!

正式試妝

話明係化妝, 咁化妝師一定會有一埋妝物係身, 所以各位去試妝時都要留意一下佢o地o既妝物! 有o的化妝師會係宣傳單張/blog/website度, 寫明佢o地用邊隻化妝品! 大路o既會用Make up for ever, NARS, Bobbi Brown, Giorgio Armani, M.A.C., Chanel等等, 大家最緊要試妝之前問清楚, 多加留意, 如果對某o的化妝品有敏感o既就早o的提出o黎! 當然出名o既化妝品牌一定有o的保證, 但係唔一定平o既唔好, 好似我自己就好鍾意用KATE o既眼影, $100左右有幾隻色, 非常好用! 所以其實化妝師o既手勢更加重要, 我試過有個化妝師o的妝物係大牌子, 有o的係好貴o架, 不過化左出o黎會浮粉, o的jm仲話化得老添!  我本人o既經驗係個底妝一定要做得好, 清潔, 護膚, 保濕程序一定要有, 因為好影響之後個妝o既持久度o架!  不過好o既化妝品對新娘子o黎講都係信心保証o既!

試妝時另一留意就係粉卜, 假眼睫毛係咪包埋(包括試妝日同big day), 駛唔駛自己買, 又或者要加錢! 我見過有MUA係唔包, 又唔同你講, 之後試妝時要收你錢!!  仲有係咪用新o既! 一定要用新o既, 如果唔係就唔知乾唔乾淨, 始終係直接用係面度, 小心為上!

試妝o既過程之中我都準備左個checklist問個MUA, 同大家分享下, 不過就未必係全部, 如果你o地諗到其他都可以問!

1. Package價錢  (如果個MUA得早+全晚OR全日o既package, 中午轉妝外影or註冊要加幾錢)

2. 化妝品牌子

3. 早上出門前到達時間? (通常會係7:30-8:30到達新娘家) 如果提早到又點? (付的士錢or當係OT要加錢?)  住得偏遠地方要加錢嗎?

4. 早上化妝需預多少時間? (大約2hrs)

5. 中午轉妝需要時間?  轉妝地點?  (通常男家處轉妝, 大約30mins-45mins)

6. 下午到晚宴地點時間?  需預留多時間化妝? (大約4:00-4:30到達, 預1hr-1.5hrs左右轉妝)

7. 是否需要落妝重化? (落妝重化聽落去好好, 不過就需要多o的時間, 同埋個底一定要做得好, 不過有個MUA同我講如果早上個底做得好o既, 其實下午做補妝就ok, 唔會厚! 因為你落妝再化o的皮膚受刺激, 又冇左記憶, 又冇晒油, 咁佢會同你作對又或者唔適應你再上makeup, 令到o的皮膚出現問題, 所以如果落妝再即時化o既, 就睇下個MUA點同你做base, 有o的會即時同你敷mask, 都有幫助o架)

8. 晚宴中轉妝時間? (通常15-20mins就最合理)

9. 晚宴serve時間? (通常係6hrs左右, 亦有係化完最後一個妝就走, 有o的就留守到最後, 其實都冇所謂)  如果留守到最後駛唔駛OT收費?

10. 如果MUA送客前走, 如果有頭飾是否需要收按金? 還o既方法?

11. 有冇Assistant?  (有assistant會快手o的o既, 不過如果個MUA勁o既唔駛都好快)

12. 有冇final trial?  如果冇婚前點溝通同傾造型?

13. Package內是否包埋伴娘/媽媽化妝頭?  有冇補妝?

以上都係我覺得可以問o既o野, 俾大家作為參考啦!

試妝做晒以上o既o野, 仲有乜o野做?   當然係平日勤力o的護膚, 敷mask, 早睡早起, 做運動, 等待你o既big day, 做個靚靚新娘啦!

um..... 其他關於試妝要留意o既地方都係之前個post寫左, 所以唔重覆喇(我發覺自己真係好長氣同口水多添! 費事你o地睇到覺得我煩! )  如果再諗到其他o野, 我再話大家知啦!

又去試衫 - Bridal Signature

呢篇其實應該係一早就要post, 不過成日都唔記得, 唔好意思呀 Windy!!!

其實早係我搵gown時, 我就係blog度search到呢間shop, 好多jm都會係佢度買gown...所以我一直都有訂閱佢o既blog....不過因為我係租o既關係, 所以都係睇而已...

但係之前搵左個freelancer外影, 所以要自己準備gown, 同埋我有好大機會去台灣同男友親戚食飯, 所以可能有機會要帶埋gown去, 所以就開始睇買走o既gown.. 所以我就重新去睇Bridal Signature喇! 

因為我覺得佢o的gown好靚, 所以上個月就約左去試衫, 原來間舖係灣仔, 好近我返工地方, 所以就約左放工去試.

上到去見到老板娘Windy, 佢好靚女o架! 佢又好nice好熱情, 地方好大, 不過gown就唔多, 原來佢o地gown主要都係買走同訂造, 全部都係歐洲進口, o的料仲好鬼屎靚添呀! 仲有一樣正o既係任試, 好多之前睇o既gown都賣走左喇! 每件都係得一至兩件o乍... 我試左好多件, 不過因為佢o的gown cutting好好, 好多都啱o的slim同正常身材o既女仔著, 我就比較肥喇, 好多都唔啱, 唯一得一件係用真絲做o既好似希臘女神feel o既gown著得好好睇, 又唔肥喎!  不過一問價錢就太貴喇!  我初時以為間舖唔貴o架所以先上去, 我負擔唔起呢!  不過同windy真係好好傾呀, 唔知點解第一次見面就咁好傾, 好似識左好耐咁! 大家乜o野都傾, 仲傾埋瘦身!

返到屋企, search過同埋同個fd傾有關買走gown o既價, 仲係以歐洲貨o黎計,其實Windy個價錢真係好合理, 有o的舖都要過萬先有, Noel Chu o既EG都成$7000以上啦, 有jm去廣州買原來都要$3000-4000呀!  佢如果見你有誠意o既仲會有discount俾你添! 不過因為我budget好有限呀, 加上17號又唔想買咁貴..所以都冇諗住! 況且要買樓, 唔知要用幾多錢買樓+裝修, 好驚冇錢!!!

不過前幾日Windy又打o黎搵我, 大家都傾左一陣, 乜o野都傾一餐haha! 佢見我留言有件新貨好鍾意, 佢就話如果我鍾意就再諗諗平o的俾我... Windy真係好好人呢, 我好感動呀!!  不過個個係咁你會好蝕o架!!!知道冇??? 仲有記得o的貨靚o既留返俾自己賣, 唔好賣斷出去俾o的婚紗舖呀!  等陣人o地以為你抄款, 做cheap個名o架!!

識到Windy, 真係發覺原來仲有老闆娘係好有良心同埋以真心去對待客人, 視客人如朋友! 之前見到有一班客人上左去Windy度傾偈開party, 又有jm慶祝Windy新舖開張特登用人手整左部水晶計數機送俾佢... 可想而知, Windy真係好好人, 個個都好錫佢o架!!

我而家繼續努力落下嘴頭, 睇下有冇機構做到Windy o既客人, 希望佢可以返o的lace有袖復古o的o既款就好喇!!!  不過始終budget有限, 可能只係afford到廣州貨式...殘念~~~~~

有興趣買WG/EG o既jm, 可以考慮一下Bridal Signature呀!

Bridal Signature

地址: 香港灣仔莊士敦道25-33號長康大廈1樓E室

電話: 6206 5620

Blog: http://hk.myblog.yahoo.com/bridalsignature

2010年4月8日星期四

令我驚喜的禮物

今日真係好開心呀, 平時17號都唔係好浪漫o既人, 但今日佢俾左個驚喜我!

其實呢幾個月佢都唔係成日陪我攪結婚o的o野, 因為佢要考試, 所以好多o野都係我做晒, 包括搵資料, 做比較等等! 佢都知我辛苦, 佢今日好突然咁送左份禮物俾我!!

就係呢份喇!! 




識我o既朋友都知我好鍾意呢隻企鵝仔, 不過sanrio好早已經忘記左佢, 基本上係好多年先出得少少product..... 不過17號前日係一間舖頭見到部1984年出o既遊戲機, 仲可以玩塔羅牌, 好得意o架, 所以就買左俾我! 當係俾我攪結婚咁辛苦o既獎勵!!   我收到時真係好開心呀!!  好感動, 辛苦得o黎係值o架!!  部機仲玩到o架...等我再研究一下點玩先!!  實在好開心, 所以搵埋之前佢送俾我隻今年日本會場特別版o既sam仔合照先!!

2010年4月7日星期三

台灣Pre-wedding - 紅豆婚紗館

一直都遺漏左呢個item添, 其實我已經confirm左!

係搵婚紗攝影o既時候, 我睇過o的jm o既blog, 一睇有一間令我有"叮"一聲o既感覺!! o個間就係Masalili!! 因為佢o既風格同一般o既婚紗攝影好唔同, 一o的都唔老土又有時代感! 咁我就book左佢!

不過係2月o既時候知道左我鍾意o個兩個攝影師離左職, 仲開左間婚紗館, o個時就開始心動想轉喇! 因為佢o既風格我真係好喜歡, 而且佢價錢仲平o的, 送返晒160張相添!! 加上我已經同佢o地成為左朋友, 有一份好親切o既感覺, 佢o地真係好有heart! 雖然只係一間工作室, 並唔係大公司, 不過我一向都唔會死跟名牌, 有heart有實力o既我就buy佢.

所以我就決定10月份去台中紅豆婚紗館影相喇!!

我計劃會去影相o既地方:

1. 通宵神社

2. 車站

3. 樹林/竹林

4. 通宵海邊

5. 熊都巴洛克

Rex, Mars, Sasa, 好期待10月到台中搵你o地, 幫我影輯靚靚婚紗相呀! 到時帶埋我個有半個台中血統o既17號介紹你o地識.

2010年4月5日星期一

Finally confirmed my MUA

我好開心我可以搵到我o既MUA, 佢滿足晒我所有o既要求, 而且佢仲俾多左好多o野我, 我唔識o既o野佢會主動話我知, 令我對婚宴有更深o既了解, 亦令我更有準備!

我喜歡佢都係好有交帶, 佢係唯一一個我試o既MUA裡面有係試妝前一日打電話同我reconfirm, 我又可以係短時間內聯絡到佢, 係試妝之後佢話即晚會send email俾返個confirmation我. 我5:00試完妝到夜晚返到屋企, 係10:30左右已經收到佢o地o既confirmation同埋我o既試妝相report.  非常之有效率.  同埋我之後send返post trial comment俾佢時, 佢即晚已經回覆我, 好短時間之內已經來回左幾次email, 解決左一o的問題, 令我好安心, 又唔駛心掛掛, 好抵讚!  雖然佢唔包final trial, 又冇伴娘makeup, 不過我都唔介意, 只要佢化得好靚咪得lor, 同埋我唔駛擔心咁多已經係非常好了!  另外佢都係好organize又好有準備, 令我覺得唔駛final trial都可以好安心, 一來係佢個blog內o的新娘big day當日都好靚, 個個妝頭都好特別, 原來佢之前係有一系列o既程序去prepare你o既妝頭, 佢個confirmation內都清楚表示佢o既schedule:

試妝後的程序如下



(1) 婚前個半月至兩個月....

待有齊各禮服後,請填好「造型要求」(這是讓我了解你的喜好,故可以的話,請填詳盡些。連禮服相片一併電郵給我;當然不要太晚喔~



(2) 婚前一個月....

會交你一份styling report給你,讓你明白各造型的飾物/頭飾/髮型/妝容配襯(圖文並茂),好讓你婚前已知道各造型;若你看過後有意見,可修改的。若想上來自選飾物也可,但最好有styling report 後。Report訂好後,化妝師會按這份report為你造型。若當天再有任何意見,可跟化妝師討論。

我會給你一份reminder,提醒你要做的事,如剪髮或做色等;

(3) 婚前兩星期....

請給我們一份你婚禮rundown,了解當天你的流程。



當然,中間你有任何疑問或意見,歡迎聯絡我們跟你商討。



再一次謝謝你惠顧我們服務,我們定必全力為你服務。

睇到咁, 我已經可以好放心將我big day交俾佢喇! 真係好organize, 會係一個月之前交一份styling report俾你, 仲要係圖文並茂, I like it!!

講左咁耐, 我個MUA係邊個???    佢咪係~~~~~~~~~~~













Joe Yuan @ HOOLALA囉!!!!! XD



好開心又攪掂一個大item......之後就專心去影pre-wedding, 攪o的小items喇!!!!

2010年4月4日星期日

潮掛潮拜地 - Cocoon

復活節假o既第一日, 雖然唔駛返工, 不過我都安排左一系列工作俾自己....主力係去試妝, 不過試妝地方好近Cocoon, 所以早於一個多月前我已經make左appointment...佢o地o的appointment真係好full, 得番easter可以book....咪話唔誇張呀...不愧係bridal o既潮拜之地!

我去Cocoon o既目的當然同大家一樣, 去一睹潮掛o既風彩, 當然仲要親身去試下啦!!

 Cocoon地方都幾大幾舒服呀, Serve我o既係阿朗, 非常之nice, 不過我o地未講衫時竟然講起台灣自由行.  同阿朗share左好多高雄o既info...俾左o的advice佢, 希望佢玩得開心o的啦...

傾左好耐我o地終於返去掛度喇...我睇中左#029對襟同#034斜襟..不過阿朗就拎左#41新款(是#29o既新款)俾我試.. 斜襟係彩色o的..不過就比較硬身o的...而件對襟就真係靚o的, 軟身o的, 著上身好fit好young....真係令我好心動呀.....

阿朗另外都游說到17號試下馬掛....著左陳小春o個件...不過就比較金, 感覺麻麻地, 跟住阿朗recommend左一件深啡金色#006, 話會好睇o的, 真係著左上身好好睇...第一次見17號著新潮馬掛個感覺好得意, 因為佢比較大隻, 好似大佬咁呀!  不過好鬼死man!! 哈哈!!

果然, Cocoon係一個唔會令bridal失望o既地方, 不過理智勝於一切, 因為唔平所以我都冇confirm到....諗諗先啦!!