2012年8月26日星期日

【深夜食堂煮婦同樂會第12話】 咖哩烏龍麵 (附食譜)

今個星期又係我非常之期待的呢

就係出現於深夜食堂第65夜 - 咖哩烏龍麵

本身我自己好鍾意食咖哩, 再加上勁like烏冬.... like上加like.

每個地方煮出來嘅咖哩都好唔同, 總之係咖哩嘅我都LIKE.  日本人做咖哩唔太辣, 多了一分甜, 好LIKE係咖哩入面加好多蔬菜, 增加鮮甜味.  係深夜食堂內, 印度人拉吉先生吃過日本咖哩都覺得好吃, 不過總是覺得烏龍麵欠了一點東東.  在旁邊的惠子即席做了手打讚崎烏冬, 將咖哩crossover讚崎烏冬, 令到拉吉先生嘆為觀止.  仲帶左惠子返印度開左間賣咖哩烏龍麵的餐館.  可想而知, 呢個日本版咖哩有幾受歡迎.

言歸正傳, 因為今個星期比較忙, 星期六日都有project.  所以今次呢個烏冬我特意係夜晚做完第二日帶返工做便當, 喚言之.... 呢個菜式第二日就變左做隔夜的咖哩了... 咁我就可以唔駛補交第4話囉.....  一雞兩味.. 虧我想得到.  

呢個烏龍麵其實真係好方便又易整.  我出名煮野食係慢版, 慢吞吞咁煮, 用左45mins由洗切野至完成.  可想而知唔係太難整的.  又成為我廚房內的快餐之選.



材料:

鰹魚粉          1包
鰹魚昆布汁  1湯匙
舞菇              1包
大蔥              1/2條
讚崎烏冬      1包 (跟原著用讚崎烏冬)
牛肉片          5片 (其實自己喜歡幾多都得)
雞蛋              1只
咖哩磚          2格 (我想濃啲, 其實用1格都ok)
洋蔥              1小個
甘荀              1條
味醂              1湯匙



做法:
1. 首先將洋蔥切絲, 大蔥斜切, 甘荀切件, 舞菇切根.


2. 將鰹魚粉加一杯水開開, 再加1湯匙鰹魚昆布汁. 煮滾後熄火.


3. 鑊內加油, 加入洋蔥炒至微軟.


4. 再加入甘荀後炒至洋蔥變軟身.


5. 再入鰹魚湯及咖哩磚.  (咖哩磚可先切小粒方便煮融) 試味. 如果味道唔夠可再加咖哩磚, 我覺得咸左少少, 係呢度就加左1湯匙味醂.


6. 待咖哩磚煮融後加入舞菇.


7. 加入烏冬煮滾.


8. 加入大蔥再煮2mins.


9. 加入牛肉片煮至變色.


10. 加入雞蛋. 熄火.


之後就可以上碗了, 簡單又美味嘅咖哩烏龍麵就完成了  呢個多菜小肉版本好好味, 咖哩湯底少少辣, 又香又有晒鮮甜蔬菜味.

2012年8月19日星期日

【深夜食堂煮婦同樂會】第11話 親子丼 (附食譜)

又到每星期深夜食堂的課題了.  今個星期題目就係「親子丼」.

其實係深夜食堂內, 親子丼出現於第9夜, 原來是勝利豬扒丼, 主角阿胯贏了拳賽就會食, 不過最後雖然輸了一場比賽, 但贏了一位愛人, 到店內由叫豬扒丼改為親子丼呢.

講返親子丼, 即係我O地香港叫的滑蛋雞扒飯.

做法都唔算難, 但亦係我愛吃的.  有時去日本都會叫O黎食.





材料:2人份

雞扒     2塊
洋蔥     1個
蔥         1棵
唐芹     1棵
芫茜     1扎
雞蛋     4隻

調味:
醬油     6湯匙
味醂     6湯匙
米酒     3湯匙
水         120ml



做法:

1. 雞扒先用1湯匙米酒, 1茶匙鹽及1茶匙胡椒粉略醃.

2. 洋蔥切絲, 蔥及唐芹切細粒. 


3. 雞扒放鑊煎, 雞皮向下, 煎出雞油, 雞皮煎至金黃色, 反轉煎另一面, 至8成熟則可盛起.


4. 雞扒切塊, 雞蛋打勻.


5. 先將醬油, 咮醂及米酒混合.


6. 用煎雞扒剩下的雞油炒洋蔥至軟身.


7. 加入調味料於(6) 中, 再加入120ml 水, 待洋蔥完全吸收醬汁味, 及慢慢煮至略為收汁. 


8. 再將雞扒放回鑊中.


9. 加入芫茜.