2011年11月29日星期二

我與Le Creuset 的白色聖誕

 
月中睇到Magazine話12月LE CREUSET 有CHRISTMAS EDITION.  見到已經吸引.  不過價錢.....貴!!!

點知尋日係facebook見到佢fondue set special price係 $288 o乍...所以尋日就print左coupon飛左去flagship store換!!

唔去由自可, 一去變癲婆

Flagship store 返左好多聖誕貨, 而且仲做緊7折.  仲有返左PIN, 開心屎我....即時將O的飛心PIN據為己有.  仲有換左FONDUE SET.

最HAPPY係, 而家買任何一樣o野可以加$99 換雪花mug.  仲可以換兩隻.  買滿$500可以加$138換pudding dish!!!  cute到暈呀!  17號都好like個pudding dish!!!

幫埋666敗左o的...拎左兩袋走人, 今次都係抵到冇朋友!!!  

好開心呀!!

今個聖誕, 我有個white christmas!!!! hahaha





今晚17號特意去買哈根大師返O黎同PUDDING仔開光, 都咪話唔爽!


2011年11月24日星期四

敗LC到淘寶

真係唔野少呀!!!!

原來淘寶都有正O野....一直好想擁有LC o的磁石, 耐何只可以買滿$xxxx先有4個....我有幾何平時會買到呀, 我都係趁sale先買, 所以冇得擁有..... 不過竟然係淘寶搵到磁石....仲有日本pepsi 同LC crossover o既電話繩.....真係嘩左出o黎, 即時call齊各位戰友一齊淘啦.

大家都CRAZY呀!!! 呢度係888 o既!!! hahahaha!!!


真係抵抵抵! 磁石quality好好!! 不過電話繩就麻麻地!!算啦, 都預左!!  擁有就夠喇!! haha

桂花酒釀丸子

上左Rachel 堂已經有成個幾星期.  個身好痕, 冇理由上左堂唔交功課o架... 所以趁前日1個月紀念, 17號煮大餐過我食, 咁我就整返個糖水回禮啦!!

上次學整左桂花酒釀丸子, 我真係好鍾意食, Rachel個方法好好, 用一半o既粉團去煲下佢先再加埋其他粉搓....真係好QQQ..

不過我就冇落芒果... 下次可以再落返或者係落杞子!

仲有O的丸子搓得唔夠好, 下次要再努力搓好O的!

Cooking Class @ Rachel's Kitchen

講起Rachel's Kitchen, 其實我好早已經知道有, 因為我第一本整蛋糕o既書就係買左Rachel o既書, 到而家整cheesecake時都係跟佢!! 之後都買左佢2本書, 係我擁有同一個作者最多書o既一個! 不過我就冇上個佢o既堂!

最近同666都提起過去上烹飪班, 之後大家提議包班上Rachel堂, 我當然ok啦, 買左Rachel o既書咁耐都未上過佢o既堂!  大家二話不說就搵齊12個人頭!! 一齊上Rachel堂! 不過Rachel o既班就係示範班, 冇得落手落腳做, 但係過程中佢會提大家一o的要訣咁!

上星期終於上左堂, 大家都好期待又興奮! 好開心可以見到一眾bloggers.  終於可以一見LC巴黎鐵塔主人Feon, 煮o野好勁o既sunnyma.  仲有好可愛o既Ami, 仲有日日整好味包包o既Angel.  當然仲有LC開倉O既戰友HAPPY!!!  唔少得o既就係666成員啦, 不過今次就少左比比!  大家平時係blog都不停吹....可想而知見到面有埋聲12個人係幾咁嘈呢!

今日呢堂係宇宙最強, 用好多時間去煮, 所以係Rachel堂內面宇宙最強


課程內容
涼伴四小碟‧桂花煙燻素鵝‧溏芯燻蛋. 
擔擔麵‧桂花酒釀丸子
Rachel's Kitchen o既佈置好田園又帶vintage.... 我好like呀!!!  同埋我羨慕有張咁大o既工作台.


成晚Rachel係度cook cook cook, 我o地又好留心聽書同埋傾偈.. 又有Angel o既愛心homemade蕃茄包包食, 好溫暖!

以上就係Rachel o既成果喇, 大家一齊座係大台食, 一邊食一邊吹水, topic都係圍繞LC多!! HAHAHAH

好期待下次又一齊上課呢!

2011年11月23日星期三

一個月快樂

時間真係過得好快.  話咁快就成為人妻一個月, 尋日雖然要返工, 我O地冇出去食飯慶祝..

不過17號就煮左大餐等我返屋企食!



有過大禮時O既花膠, 好想食蝦籽扣花膠....終於食到喇!  今餐真係食得好開心, 冇出街慶祝, 係屋企慶祝都唔錯, 最重要唔係環境, 係同咩人一齊呢!

Le Creuset - 南瓜燉排骨

坊間要買因應LC而寫o既食譜唔多, 去年去台灣拎pre-wedding時知道有一本係台灣出o既《遇見一只鍋》. 當然我就好快買左.  但一直未去跟入面o既食譜整.

早前終於拎左佢出o黎研究.  嘗試整左個一人前南瓜燉排骨.  因為個人好鍾意食南瓜, 同埋見佢唔難整! 用佢O黎撈飯好正呢!



用LC炆O野真係好快手又好食.  好入味.. 不過我覺得咸左少少.. 同埋我買唔到味醂冇落,  落左少少雞粉!! 唔知係唔係令佢咸左呢!! HAHA

2011年11月22日星期二

LC & Staub 煲飯感想

呢篇係最近好想分享下o既.

好多人係研究買LC好定Staub O既時候都會研究下佢煲仔飯邊個BRAND整得好飯... 直到而家我O地都會討論.

一直我都係用STAUB整煲仔飯....因為貪佢係黑內籠, 點整都唔花.  好少用LC.   但有BLOGGER極力叫我用LC整..話好食O的.

最近我終於試左.  就用LC 16CM 煲飯....咩都冇, 只係煲飯.....點知真係好食好多... 因為我家中係習慣左食紅糙米, 飯煲煮出O黎都唔係太好食...  但係LC係一粒粒飯, 仲要係開晒, 食糙米好似食白飯咁.....連我唔LIKE食飯O既人都食左一碗



之後第二次加左料整煲仔飯, O的飯都係好好食...排骨OK, 不過都係有O的實咁!


之後同O的BLOGGER傾起, 部份BLOGGER話係STAUB O既料會好食O的.  我又再試下.

原來O的排骨真係好食O的O架!! 好淋!!



即係針冇兩頭利??????  煮白飯用LC, 咁煲仔飯呢?/?   我諗我要再好好研究下先得!!

Staub - 淮山圓肉杞子蟲草花金腿甘荀瘦肉螺頭燉湯

家中有Staub 18 + 28cm 煲.  可以用o黎做咩?  除左係燉糖水之外, 最好不過就係煲中煲整燉湯!

第一次整燉湯, 個名係唔係好長呢, 因為貪心LOR, 見有咩料就掉入去燉!!! 

真係唔講得笑, 我已經好保守. 燉左2個鐘20分鍾.....個湯...........好飲到想喊, 好甜, 完全唔駛加鹽....又甜又出晒味! 



真係一試愛上了燉湯!!  不過老公話唔夠飲!! haha

2011年11月21日星期一

Le Creuset - 挑戰全西餐

婚後有時間就會煮飯仔, 我同17號都喜愛入廚, 佢整中菜叻過我, 好多時候佢都早過我返屋企煮飯.  雖然係咁, 我都唔想懶o架.  有時間我一定會煮返一份.

上星期就有時間, 決定俾個驚喜佢, 整個全西大餐.

是日餐單:

湯 - 南瓜濃湯
主菜 - 紅酒炆牛肋條
         - 白酒黑椒檸檬焗雞脾
       - 扁意粉
甜品 - 紅酒燴梨

南瓜濃湯

用左南瓜, 洋蔥, 紅蔥頭, 薑蒜, 雞湯, 忌廉.  除忌廉外, 將所有材料炒至淋身, 然後放入我o既德國寶中用濃湯掣打8mins後再加忌廉打一陣就飲得..好滑好香濃...真係好正!



紅酒炆牛肋條

好想整呢個菜好耐喇, 今次跟左10R個食譜整....真係好食到冇O野好講, 唯一唔好O既我買唔到新鮮o既香草. 同埋我加左少少冰糖去煮, 等o的雪藏牛肋條容易淋同埋可以減少紅酒o既酸味.  多謝10R!!!! ^O^



LC 炆o野真係冇得頂, 又淋又入味!! 食到停唔到口, 個汁撈意粉勁正!!



白酒黑椒檸檬焗雞脾

呢度菜係跟KIT MAK整, 因為之前去梁九記買左o的有機雞脾, 就試下整呢.  呢個菜係比較清. 




紅酒燴梨

最後甜品又係我想試好耐喇, 整完牛肋條有紅酒剩用O黎整呢個真係perfect! 如果雪耐o的應該更好食!


開餐喇, 足足整左成日, 好攰, 不停切切切, 洗洗洗. 雖然好辛苦下, 不過見到17號好欣賞, 都值返晒啦!! 


2011年11月11日星期五

Sogo thankful week 2011 Nov


一年有2次SOGO Thankful Week, 次次我都會去敗敗敗.  今次都唔例外, 仲約埋666一早出去敗家!!

好似返工O既時間出門, 約左666係CWB食早餐, 食緊早餐都不忙講LC, 講到忘晒形...

Sogo未開門時我o地已經去左排隊, 一開門我o地殺上去LC啦!!!

今次主打Fennel同Linen, 好老實我like coastal blue多o的, 對Fennel同Linen唔係太大興趣.  不過呢兩隻色都有靚o野...好似Linen, 我就覺得18cm Risotto最美.

 不過今次我好叻叻, 冇敗煲煲, 反而又係屎左係o的小物度!!

恨左好耐o既coastal blue, 一見到就發左癲, 之前一直都冇興趣買o既o野, 就係因為coastal blue令我破戒...

呢set tea pot同tea cup....靚到冇朋友呀!!!



仲有兩個碗都係coastal blue!!!  美呆了.......


忍唔住再敗多兩中花, 同cherry share,  每色一人一隻!!


呢兩set 666話好用, 我當然聽佢o地講啦!!!


LC 係咁多啦!! HAHA, 係唔係好少呢...我留力之後買靚色...大把O野等緊我!!

之後同666 再行7/F, 敗左其他正O野.

KAI 夾夾, 一定有用!  仲有會企起身O既飯鏟...平!!





666極力推薦可伸縮筲箕.. 多謝Fi Fi割愛換左淺藍色俾我, 一大一細, 洗菜同生果好方便...又慳位.




最後呢set係thankful week 前發現的, 原本等左半年話左今次thankful week必敗o既Nagumi tea set, 點知前幾日俾我見到買$3000減$600, 團購4套仲平過thankful week買...即時call齊人馬, 444一齊敗....  開心到震呀!!!! 


HAPPY 666 滿載而歸, 一齊去飲茶分貨, 開心過左一日!! 不過真係好攰, 今日剩係7/F已經夠晒攰了!!

仲有好開心同blogger相認, 開心見到Ami!!! hehe!!! happy屎我!  星期一又見喇!! haha!! 好期待!

2011年11月10日星期四

My DIY Ring Bearer

又講下我另一個好鍾意O既ITEM.  就係RING BEARER.

之前同幾個紅豆JM係美國order左個ring bearer, 我o地叫佢豉油碟, 的的骰骰, 好可愛的.

不過自己一直又好想整個花花ring bearer.  最後靈機一觸, 不如將隻碟放上個floral ring bearer度.  成隻碟被花花包圍住.. 真係唔錯呢!


終於可以同時擁有豉油碟同埋Floral ring bearer! hehe


17號係証婚時就係拎住佢係台前等我!!


呢個係一個非常好o既回憶呢!!!

My Wedding Stationary

今次講下我o既wedding stationary.

之前一直太懶, 但好多o野想DIY, 不過又覺得好似好多時間剩.  點知去到100日倒數就驚喇.  原來好多DIY都用好多時間, 自己又要返工又要約人食飯派帖. 冇左好多時間.  不過好在都堅持到, 快手完成各個項目..不過真係時間唔太夠, 變左DIY o既Stationary冇咁完美!

用左最多時間整o既就係呢個photo board.  用左好多心機同時間, 自己都好滿意. 用左tim holtz o既菲林將我同17號11年o既路一步步show出o黎, 真係整o既時候都有o的感動.



朋友影出o黎o既效果都好唔錯呢!



另外整左o既就係好多blogger都會整o既menu同table no.  又係用左好多時間, 因為我整左32 sets.  日日係屋企cut同punch...仲有用熱風槍吹呀吹....原來又高估左用o既時間.. 不過整完出o黎好興奮, 好多賓客都讚, 仲有佢o地都立埋留念, 最後我收返10個menus o乍!! 其他多謝賞識佢o地o既伯樂帶返屋企!

TABLE NO. 真係好多謝露比o既idea, 用左tie the knot 既 concept 整左個同心結. 好鍾意!


Menu一睇就知道用左好多punch.... punch到人都癩呀!! 最開心係之前同jm taobao做左100碼o既個人化絲帶, 終於可以大派用場, 加左上個menu度, 又靚又唔會浪費左佢!



好大陣容



Guestbook 我就自己整左一本, 用左book binding o既方法去整, 之前都未試過咁整. 又係摸下摸下整左佢出o黎! 用左係amor買o既book cloth 做cover, 當堂grand晒!



之後兩個ITEMS 因為唔夠時間去HANDMADE, 用左一O的比較快o既方法, 就係用AI 去整DIGITAL FILE 再拎去咭片皇印 Foamboard.  快靚正.  仲有發覺自己鍾意左digital design..好好玩!  個seating plan就因為改左十萬次, 所以我都係做左個吉board.  Wedding前一日confirm左個seating plan就再print同cut. 再由17號上完頭痴返上個board度...總算完全左呢個item.  起碼冇後悔先!




另一個用快靚正方法整出O黎O既就係SWEET CORNER SIGN.  真係太簡單了. 又係係咭片皇印, $10.  想點呀!!!!



見到朋友影O既相...真係好開心呀!