2010年12月27日星期一

Wedding Card for Feby

今日係我o既Master同學仔Feby o既大日子, 同時間都係blogger小草o既大日子....


係....佢係擁有雙重身份...hehe!!!


大家都知小草都係DIY Queen要員之一, 所以我一定要整返張咭賀一賀佢!!


時間唔係好多...所以簡單地做左張 Stair Step Card 送俾佢!


不過雖然係好簡單咁, 不過我都想特別小小, 所以整左一對會郁o既肥雀,  寓意二人由遠走到近, 直到今日終於踏上人生另一頁!



祝你同老公仔永遠都恩恩愛愛!

2010年12月21日星期二

1218 Bridal Shower

真係等到頸都長...終於等到1218呢個大日子!!


其實1219先係Malau o既大喜日子, 但係1218都唔野少, 係我o地另一個大日子, 因為今日一班紅豆/Masa JM同Malau一齊搞左個bridal shower... 係我第一次參加bridal shower, 真係好興奮又緊張呀....


今日o既節目真係好豐富....我o地下午就幫Malau搬o野入黃金海岸, 之後就去左三聖食海鮮! 我咁大個女第一次入三聖食海鮮...我o地去左海鮮檔揀好海鮮之後就去左興記放低....唔駛一陣就有得開餐喇!


o的海鮮真係超新鮮又非常好食.....好耐冇食過咁正o既海鮮...如果唔係遠我諗我會成日o黎食!!


食飽飽之後我o地就好enjoy咁返去酒店...大家返房梳洗一下換埋我o地套集體睡衣...



換好晒衫之後就上左去Malau o既出門房開始我o地另一個大project...


大家估下係乜???



登登登登.....就係


我o地為Malau tailor-made一件paper wedding gown....


 
(因為只有呢張影晒全身, 所以偷左當事人o既相 XDDD)


真係一直等呢一日等左好耐, 因為我o地覺得會好好玩, 之前上網睇o的外國新娘o既bridal shower都會整gown, 不過多數係tissue paper....即係好多都用廁紙圍住個新娘, 我o地就嫌唔夠靚...所以特登帶左o的punch同工具去整一條paper wedding gown....真係好配服大家o既諗頭同埋合作精神...我o地分工合作, 大家負責唔同部份, 不停punch呀, 痴呀..最後一齊將條gown合成....整埋紙頭飾, 耳環, 頸鍊, 手鍊..仲有小拖尾添! 整完出O黎我o地都好興奮...完全冇諗過可以同真o既wedding gown有得比....XDDD  我覺得我o地真係好勁呀.....愛屎你們呀!!!!


整好左件gown之後Malau拎左特別為今日bridal shower而設o既蛋糕....一開....真係好靚呀....仲有大家o既名...一路食蛋糕飲香檳.....好爽呀!!!不過已經完全忘記o個時已經係零晨12點...XDDDD



食左我自己



我o地跟住就同malau合照, 又收到佢o既thank you card...真係好開心呀!! 今次o既bridal shower係我o地o既第一次....但又係好開心好難忘o既一次... so good!!!!!



完成左我o地o既bridal shower後...大家都返去訓...迎接第二日1219 o既來臨!! ^o^


 


REMARKS:  以上相片除非得當事人批准, 均不能轉貼或存檔, 敬請合作!! ^o^

2010年12月20日星期一

Wedding Gift for My lovely Blogger

1219係Malau o既大日子, 我知道佢好忙冇時間整welcome board, 所以我就諗起不如整一個俾佢當係送俾佢o既結婚禮物都好呀!! 因為自己一直都好想試下整, 所以今次真係啱晒!!


但係由於收樓之後好忙冇乜時間整, 所以整得比較簡單, 冇乜其他scrapbook o既decoration...不過整完之後都覺得唔錯...好開心呀!


之前一直諗住用膠花裝飾, 不過我知Malau個花球係用滿天星為主花, 所以我好想整返滿天星...所以唯有星期五買花, 星期六一早整, 希望o的花頂得到星期日....因為個老板娘係咁同我講o的花一定會謝...我唯有用濕綿花包住盡量希望佢有水份唔會謝...



好在1219當日睇o的花都keep得住...謝天謝地!



祝Malau同PP兩個白頭到老, 永結同心....我見到你o地開心, 我都會好開心o架!!!

2010年12月15日星期三

終於收樓喇

等左成3個月, 終於等到今日去收樓喇....心情真係好興奮! 


其實前日都上過去, 不過業主仲有好多o野, 都唔可以詳細睇! 但係今日就真係唔同...自己用鎖匙開門...好似有台慶送大禮o既感覺.....開到對門層樓就係你喇!!


一開門見到o的o野清走晒....真係好開心呀....我未來o既日子就係呢樹過喇!!  雖然唔係豪宅又唔係好大, 唔係高層....不過有自己一個家o既感覺真係好唔同....個心好warm同好感恩!!


我的客廳



我的睡房



我的小書房



仲有對我好重要o既廚房!!!我鍾意個廚房夠大!!!



海景view!! ^o^



而家要開始努力攪裝修喇...不過對我o黎講裝修真係一頭霧水....我想攪結婚o野多o的!!


不過今日有一種感覺, 收左樓之後覺得我真係好快就要嫁喇!!!

2010年12月5日星期日

Yahoo blog 又有問題

Yahoo blog又有問題.......


今次係個自動update有問題....我而家個update都係停係11月25日, 完全睇唔到大家o既update...真係好麻煩....


我忍唔住又send左email去yahoo support!  原來佢o地都唔知出事, 整左幾日都未解決...因為今次問題好嚴重!


12月3日


關於您較早前所報告的問題,由於該問題比較複雜,雅虎香港已成立專案小組來研究解決方法。我們深感抱歉,亦明白有關情況會造成不便及影響到用戶對我們的信心,但仍希望您能見諒,雅虎香港團隊必定會為您尋求解決方法。目前專案小組需多2-3個工作天作進一步的確認,請您再多等候數天,我們定將持續為您追蹤與回報處理進度,再次感謝您的耐心及體諒!


12月5日


關於您所報告的問題,我們接獲專案小組回覆,該問題目前尚未排除,由於目前有關問題比較嚴重,專案小組仍需要多一些時間作更進一步的確認與了解,以徹底排除問題。我們非常抱歉,也知道有關情況除了造成用戶的不便外亦會大大影響到用戶對我們的信心。但希望您會明白此等嚴重異常問題,有可能需要更長的修復時間,期望您能耐心等待,雅虎香港必定會繼續為您追蹤,並希望能在最快的時間內將問題完全解決。


 


真係希望個問題快o的解決啦!!! 真係好唔方便呀!

2010年11月29日星期一

未曾想過會擁有它

未曾想過可以擁有它......


係....真係發夢都冇諗過....但係今日真係實現左!!


那個它是指乜o野!!!!  它就係Vera Wang o既gown....  當然我唔係指WG啦....因為太貴喇...我都唔會買得起...學查理斯話齋...我都係民女一名!!!


不過退而求其次....我可以捉得到o既就係bridemaids dress 喇!!! 但係之前睇過都要over $3,XXX, 亦都係唔平喎!!!


不過最近收到消息, Vera Wang會暫停bridemaids dress o既系列.....而家white bridal salon有緊clearance sale..... 所以星期六收到Malau電話報告sale情況之後, 我已經好心急喇, 俾左個藉口自己, 細路大婚當日我做家姐, 人o地o既姑奶都唔可以失禮人o架!!! 一定要有一件好o的o既衫先得....所以今日唔理咁多就飛左去White度睇衫!


上到去好在仲有款可以揀, 不過我鍾意o既輕紗款已經唔係得返好多....仲要係長裙款, 我又唔係好想買長裙, 因為比較少著, 所以集中火力係短裙度!!


試左一輪......係徵求左17o既同意之下......我終於敗了...........仲要係2條咁多!!!!


呢件係細路大婚日著o既!!! 可能之前都會著都唔定....一定要著返夠本先得!!!



呢件formal o的啦, 返工去宴會都著得, sales 姐姐話個款好襟著, 可以有好多combination喎!!!



真係好開心, 發夢都估唔到可以擁有Vera Wang一件半件o既名物, 而家仲要變成絕版喇!!

2010年11月20日星期六

畢業賀卡

踏入11月, 又係各大院校o既畢業禮... 我上年master畢業時仲有o的同學仔未讀完, 仲有幾個今日先畢業!  所以上星期返左學校同佢o地一齊影相, 賀一賀佢o地啦!!


原本真係諗住就咁返學校影相算, 因為整左wedding card之後冇時間再整咭俾佢o地, 不過返學校之前突然好想整張賀卡送俾佢o地, 所以臨急臨忙開壇!!!  最終只係整到兩張咭, 咁就送俾我o地兩個perfect group o既成員啦, 之後就要飛奔出門口喇!


呢張送俾Kelvin


呢張送俾Meg


希望佢o地鍾意啦, 仲有祝福佢o地事業有更好o既發展!!

2010年11月18日星期四

1113大好日

1113真係好忙呀!!!! 因為呢日係大好日, 好多人結婚. 


今次係邊個, 就係1113小隊 - 迪比, 泡泡同Sonia!!! 一日要走3場.....唔係.....係4場!!


第一場去左AH M o既畢業禮....讀MBA真係唔易O架...我上年都讀完Master畢業, 真係感受到好辛苦先捱過左....不過捱得過左就會好開心...終於畢業..都替AH M開心呀!!!



不過真係唔好意思, 因為仲有3場要趕住去, 我同Malau真係同佢來個快影就要走喇!!


離開poly下一站就去Sherton o既伊甸園, 參加泡泡o既証婚.....阿泡....你真係好靚呀!!!!  靚泡之名實至名歸呀!!!! 我又再傾慕你呢!!  見到你結婚真係好開心呀!! 仲有monalisa o既姊妹都有o黎....雖然短短半個鐘...大家都好開心, 亦感受到你同阿懶真係好sweet....好開心!!



Monalisa姊妹團....好鍾意呢張相呀!!!



見到你o地好開心....我都好開心呀!!!! 滾動ing!!!!


完左阿泡之後我o地又去左朗豪酒店, 去探探靚靚sonia!!!! 雖然冇時間出席佢婚宴, 但係都想同佢影張相....



Sonia用玫瑰做主題, 個backdrop真係好靚, 連件EG都係玫瑰....靚到冇O野講呀!



同Sonia影完相之後我o地就出返尖沙咀, 係pacific coffee飲杯o野休息一下...就去holiday inn 迪比比o既婚宴喇!



又見到你o地喇!! ^o^


比比....真係唔可以唔講....你真係好靚呀!!! 愛屎你!!!!



6:00PM証婚....雖然人唔多...不過真係好舒服..靜靜地咁完成個儀式....真係好開心!! 而家攪到我都想早o的証婚呀!! 唔想開席先o黎証婚!!!


我o地好榮幸....座22號枱...原來好近台o架...仲用你屋企人一齊坐添.....突然之間我覺得自己升左呢!!!


呢個look好襯你, 好young好靚呀!!!


中式look又係要讚...真係好優雅...一o的都唔老, 仲好靚添呀!


紅色呢件都好正, 好sharp, all back頭你carry得好好, 即時覺得好似明星呀!!


真係好開心...好開心可以係1日內走訪晒4單喜事....真係好替你o地開心...


雖然真係有o的攰...o個日仲係病緊食藥...好似朦朦地咁...攰到而家先至寫返blog!!!  但係見到你o地好幸福, 我都一樣好幸福呀!!!


希望你o地以後都開開心心, 幸福快樂呀!!! 仲有早o的生返個b 俾我玩呀! ^o^


最後我要好鄭重咁講一次.....其實我o地先至係1113小隊lor!!!!


1113小隊4成員!!!!