2010年12月15日星期三

終於收樓喇

等左成3個月, 終於等到今日去收樓喇....心情真係好興奮! 


其實前日都上過去, 不過業主仲有好多o野, 都唔可以詳細睇! 但係今日就真係唔同...自己用鎖匙開門...好似有台慶送大禮o既感覺.....開到對門層樓就係你喇!!


一開門見到o的o野清走晒....真係好開心呀....我未來o既日子就係呢樹過喇!!  雖然唔係豪宅又唔係好大, 唔係高層....不過有自己一個家o既感覺真係好唔同....個心好warm同好感恩!!


我的客廳



我的睡房



我的小書房



仲有對我好重要o既廚房!!!我鍾意個廚房夠大!!!



海景view!! ^o^



而家要開始努力攪裝修喇...不過對我o黎講裝修真係一頭霧水....我想攪結婚o野多o的!!


不過今日有一種感覺, 收左樓之後覺得我真係好快就要嫁喇!!!

29 則留言:

  1. 恭喜哂 有屬於自己既家, 感覺好幸福呀

    回覆刪除
  2. 恭喜呀^^ 係唔係青衣呀?

    回覆刪除
  3. 有自己屋企係唔同感覺咔,會鍾意返屋企多啲咔!我宜家就算放假都令願留係屋企同男友hea下咔,哈哈!
    恭喜晒呀!

    回覆刪除
  4. 恭喜呀, 收樓後就有自己的家了~ 海景view, 正呀~

    回覆刪除
  5. 恭喜晒呀﹗ 地方好闊落呢﹗ =3= 我地要黎HOUSE WARMING架~~呵呵~

    回覆刪除
  6. 恭喜慈喜~~~~
    我都想快D搵到未來既小天地

    回覆刪除
  7. 恭喜呀!!!! 睇倒都替你開心呀~~~~~~

    回覆刪除
  8. 恭喜你呀~~~~~ 完全感受到你既喜悅~~~~有自己既家~ 好好彩我地屋企已經裝修左 不過要開始買家私同電器.........要不停做RESEARCH.......

    回覆刪除
  9. oh, your kitchen is really so BIG!!

    回覆刪除
  10. 你係成間屋都好大喎!!! 唔止個廚房...好幸福呀!! 咁廚房大咪要多D 煮飯囉~~ 哈哈~~~ 恭喜你呀!!

    回覆刪除
  11. 個景好靚好開心呀, 恭喜晒!!

    回覆刪除
  12. 恭喜恭喜....想當年我間屋搞裝修既時候真係覺得好煩, 又要四維睇傢俱等, 不過當你搞掂晒既時候, 真係好開心, 好滿足!!

    回覆刪除
  13. 恭喜哂~終於有頭家啦...希望你間 home sweet home 裝修一切順利

    回覆刪除
  14. 嘩, 個廚房真係好大呀~~~~~
    哈, 我果時都係呀, 男友話拍板買樓時我個感覺係, "我真係要嫁喇".

    回覆刪除
  15. 咁大都話唔大咩...
    仲有個咁大既kitchen!!好野....你可以整好多野比我食...哈哈哈哈~~~

    回覆刪除
  16. 恭喜你...榮升業主啦....我都好想快d好似你咁...有一個"家"~~

    回覆刪除
  17. 恭喜晒!!! 黎緊真係要俾心機去搞裝修呀, 呢個真係一個大PROJECT!!! btw, 你間屋好大呀, 個view 仲好靚tim!

    回覆刪除
  18. 我都係0岩0岩裝修完, 如果幫到手就出聲啦!

    回覆刪除
  19. wa~~間屋好大呀.....有間咁士正既屋, 你一定會花好多心機落去姐~

    回覆刪除
  20. 恭喜你呀!!大家有自己屋企既感覺真係唔同架~第時一定成日留係屋企姐~

    回覆刪除
  21. 恭喜你呀!!!! 你叫你未來老公主力搞裝修, 你就主力搞婚禮啦~~ 分工合作嘛~~

    回覆刪除
  22. 醜八怪的月芽兒2010年12月16日 上午11:35

    恭喜哂HEHE!!有家個感覺真係不同D的!!!可能第日芝士成日留係家中整野食,,個廚房好正AR!!!間屋大呀,,仲有靚景

    回覆刪除
  23. yeah!!!!!!! 收樓!!
    如果買家電同裝修需要d咩info, 我可以幫幫手呀!!!!

    回覆刪除
  24. 恭喜你~~
    你間屋好大呀, 仲有sea view tim!!!
    我都收左樓喇, 又係煩緊裝修d野, 大家一齊努力!~~

    回覆刪除
  25. 個廚房真係恨c人咩,我好想個廚房大啲呀!!!!
    我遲啲先開始裝修~~到時要多啲share一下(嘻嘻,你快啲裝修啦,到時你啲平嘢我跟住買就得啦~~~lalala~~~~ )

    回覆刪除
  26. 飛‧月 - FLY to the MOON2010年12月21日 上午10:40

    wa~ 個kitchen真係好大喎~~~ 裝修都好煩架,你地加油呀!

    回覆刪除
  27. 恭喜晒,第日我會成日上黎玩架啦,HEHE~~

    回覆刪除
  28. 你間屋D間格...好見使呀!

    回覆刪除