今日跑完馬拉松返屋企又訓唔著, 所以又拱左上新屋睇下呢兩日o既進度!
呢兩日師傅已經加厚左大門同廚房o既牆身, 而家都水平, 冇之前咁凹左入去咁核突!
廚房牆身都舖好磚, 不過有o的磚運o黎o既時候都打爛左, 唔係好夠, 要再去補返一o的先得!! 不過見師傅o的手工都ok, 柱邊做標角位都好似唔錯!!
廚房U型廚櫃地台都已經整緊!
廁所亦都舖緊牆身磚, 真係好鍾意隻磚....留空左o既位就會有條馬賽克o既border!
企缸位o既地台都已經整緊, 之前師傅換喉call窿已經將原本好高o既去水位移底左...而家個地台冇之前咁高, 感覺好好多!
外牆o既喉都已經換左, 加左間氣, 亦都加左個閘位, 等第二時要整室內喉時唔駛關晒成座o既喉..方便好多!
花洒位置亦已經移左另一邊, 唔會俾個熱水爐阻住!
書房間牆已經填左英泥灰!
聽日就開始倒地台喇, 希望繼續順順利利啦!!
沒有留言:
發佈留言