2011年7月8日星期五

南瓜排骨飯 by Staub

尋晚又用左我心愛o既18cm Staub整煲仔飯!! 今次唔係齋煮飯喇!!


買左南瓜排骨, 就整左個南瓜排骨飯!!


不過今次好驚險, 因為我唔記得左個電磁爐溫度, 開左之後行開一陣, 點知聞到好香, 返去睇時見到滾瀉左, 應該係我開得太大火!! 之後急急腳加返少少熱水, 等佢再滾起時落餸.  初時好驚o的南瓜就咁放係面會唔熟唔淋, 點知過左15mins之後一開蓋就見到佢爛爛地, 好似好淋咁, 我就再焗多佢十幾分鐘, 開蓋一夾, o的南瓜淋到夾唔起咁濟!!


o的飯真係好香好好味呀, 我完全唔落豉油就咁食都好入味!! 特別係o的排骨同南瓜o的汁流左落煲底, o的飯好鬼好食!!



真係唔用飯煲煮飯都得, 而家愛上了煲仔飯!!

5 則留言:

  1. 我今晚都打算整煲仔飯... 不過我麻麻地南瓜.. 等我諗諗先...

    回覆刪除
  2. it's lovely 好吸引哦!!
    攪到我心思思都想買個煲tim

    回覆刪除
  3. 睇見就想食~~~~ 我仲煩緊買 20cm 夠唔夠煮二人份量既煲仔飯 或 滾下湯 .炆野就絕對唔担心.... 24cm 就可以 滾下湯同炆野,但煲仔飯又好似大得滯咁....

    回覆刪除
  4. 好靚仔呀!!!!煲仔精髓係個飯度呀!!!正呀!!!

    回覆刪除
  5. 果然係入得廚房,出得廳堂呀~

    回覆刪除