2011年7月3日星期日

笋崗入貨

距離大婚日只係得返3個幾月, 好多o野真係要快手去搞先得!! 如果唔係趕唔切做唔切!  趁呢幾日係long weekend, 就同左17上去笋崗買埋結婚用o既o野.  今日一大早就出發上左去, 去到笋崗都唔夠11點!! 我o地就去左工藝禮品城o個間立興, 而家佢租埋隔離舖, 做埋婚紗姊妹裙添! 大左好多, 不過今日得我o地一pair人1, 所以可以慢慢揀, 一路揀一路同老板老板娘傾偈, 都好開心!  上次o黎o既時候就買左一套茶具同碗, 今次就買埋其他o野!


老板娘好好, 基本上都係按我個list去計數, 今次仲新返左o的新款, 我個人覺得唔錯, 唔花巧但都有o的pattern!!! 仲有紫色添!!! 好襯我o既theme color!


買晒所有o野, 連埋上次o的茶具, 總共四百幾, 好抵啦!!!


o黎張全家幅先!! 買左好多囍字貼!  仲有老板娘送左左手邊o既利是封, 有一條一抽變絲帶花o既裝飾, 仲有左上角7張細o既囍字貼俾我!! 好開心呢!! 



立興營業時間為 9:00am-8:00pm, 老板叫我順便幫佢寫返出o黎, 因為好多人誤會左佢收9:00or10:00, 其實係8:00pm!


又K.O左一樣, 不過未買到啱我著o既掛鞋, 要再去搵


之後我o地就去左行藝展中心同埋工藝禮品城, 買左一o的絲花!! 好開心, 又可以佈置下屋企又可以用o黎DIY!!! HOHO

12 則留言:

  1. 加油呀!!! 得返3個月,會唔會好緊張? 我遲d都要上去走一轉~ 不過人生都不熟呢~

    回覆刪除
  2. 我都係琴日去睇架.不過我2點先到 ,我仲有4個月

    回覆刪除
  3. 哎呀,我哋呢個星期六上去呀,早知搵埋你啦~~

    回覆刪除
  4. 芝士,你剩番3個月,我即係剩番5個月ja .............. 但我仲有好多野都未攪....................點算................. BTW,你O的絲花好靚ar~ 行藝展中心同埋工藝禮品城遠唔遠ga??

    回覆刪除
  5. 我想問D 花大約幾錢呀?

    回覆刪除
  6. 我7月1日上咗去呀!! 老闆娘送咗咁多嘢比你呀, 真係好啊~

    回覆刪除
  7. 我仲早妳一個禮拜添喎~~我都諗住趁暑假上去走一轉,唔知廣州婚紗街平d定笋崗平d呢!?

    回覆刪除
  8. 我都係早一個禮拜前上左去, 我都係揀你個款利是封~

    回覆刪除
  9. 其實我一直都想上去 ~~~但我男友成日話車費都已經響番度啦 ~~~請問上去一次來回要幾耐??車費大約要幾多呢 ??

    回覆刪除
  10. 妳買左好多野噃~ 又幾平呀, 我係廣州買都差唔多呀!

    回覆刪除
  11. candy, 我係b2b cora 呀, 我add左你呀, 你都add我丫, tks~

    回覆刪除
  12. 佢地的囍字利是封幾多錢一包? 係咪50個一包? 百利我見要$18

    回覆刪除