2010旅遊展

尋日去左旅遊展, 其實每年我都會去一去, 趁下熱鬧, 拎o的資料...玩下遊戲.

不過今年有o的唔同, 因為我去拎o的料參考下plan下honeymoon!

未去旅遊展前約左個朋友食lunch, 佢啱啱去左台中, 仲每人買左一盒日出鳳梨酥俾我o地做手信, 佢知17號鍾意飲茶, 仲買左茶葉....真係好有心呀!!!

之後就去左旅遊展喇, 不過今年好似唔多國家咁, 歐洲國家o既攤位比較少...好似靜左o的...不我都有收獲呢!

係新假期攤位估個匣o既重量, 最接近4位有旅行匣送, 不過未有咁快知...不過估o既過程中根據你o既答案, 會有唔同o既紀念品先, 我估完之後話好接近, 就送左我一本東京旅遊書呀...

另外又去左每年都好有規模o既韓國攤位, 今年就玩掟飛鏢, 我同17號都有兩份禮物, 大家都有面具頸繩, 我就有筆袋, 另外17號就再有一本印刷精美o既calendar (好似係大獎, 因為佢掟中首爾, yeah!)

其他遊戲就冇玩喇, 因為太多人排隊又等好耐.. 不過最後我就係自遊人度買左兩張$120同$180green print o既coupon, 可以用o黎印pre-wedding o既相簿.....都唔錯呢!

今日收獲都唔錯呀!