2010年11月29日星期一

未曾想過會擁有它

未曾想過可以擁有它......


係....真係發夢都冇諗過....但係今日真係實現左!!


那個它是指乜o野!!!!  它就係Vera Wang o既gown....  當然我唔係指WG啦....因為太貴喇...我都唔會買得起...學查理斯話齋...我都係民女一名!!!


不過退而求其次....我可以捉得到o既就係bridemaids dress 喇!!! 但係之前睇過都要over $3,XXX, 亦都係唔平喎!!!


不過最近收到消息, Vera Wang會暫停bridemaids dress o既系列.....而家white bridal salon有緊clearance sale..... 所以星期六收到Malau電話報告sale情況之後, 我已經好心急喇, 俾左個藉口自己, 細路大婚當日我做家姐, 人o地o既姑奶都唔可以失禮人o架!!! 一定要有一件好o的o既衫先得....所以今日唔理咁多就飛左去White度睇衫!


上到去好在仲有款可以揀, 不過我鍾意o既輕紗款已經唔係得返好多....仲要係長裙款, 我又唔係好想買長裙, 因為比較少著, 所以集中火力係短裙度!!


試左一輪......係徵求左17o既同意之下......我終於敗了...........仲要係2條咁多!!!!


呢件係細路大婚日著o既!!! 可能之前都會著都唔定....一定要著返夠本先得!!!



呢件formal o的啦, 返工去宴會都著得, sales 姐姐話個款好襟著, 可以有好多combination喎!!!



真係好開心, 發夢都估唔到可以擁有Vera Wang一件半件o既名物, 而家仲要變成絕版喇!!

2010年11月20日星期六

畢業賀卡

踏入11月, 又係各大院校o既畢業禮... 我上年master畢業時仲有o的同學仔未讀完, 仲有幾個今日先畢業!  所以上星期返左學校同佢o地一齊影相, 賀一賀佢o地啦!!


原本真係諗住就咁返學校影相算, 因為整左wedding card之後冇時間再整咭俾佢o地, 不過返學校之前突然好想整張賀卡送俾佢o地, 所以臨急臨忙開壇!!!  最終只係整到兩張咭, 咁就送俾我o地兩個perfect group o既成員啦, 之後就要飛奔出門口喇!


呢張送俾Kelvin


呢張送俾Meg


希望佢o地鍾意啦, 仲有祝福佢o地事業有更好o既發展!!

2010年11月18日星期四

1113大好日

1113真係好忙呀!!!! 因為呢日係大好日, 好多人結婚. 


今次係邊個, 就係1113小隊 - 迪比, 泡泡同Sonia!!! 一日要走3場.....唔係.....係4場!!


第一場去左AH M o既畢業禮....讀MBA真係唔易O架...我上年都讀完Master畢業, 真係感受到好辛苦先捱過左....不過捱得過左就會好開心...終於畢業..都替AH M開心呀!!!



不過真係唔好意思, 因為仲有3場要趕住去, 我同Malau真係同佢來個快影就要走喇!!


離開poly下一站就去Sherton o既伊甸園, 參加泡泡o既証婚.....阿泡....你真係好靚呀!!!!  靚泡之名實至名歸呀!!!! 我又再傾慕你呢!!  見到你結婚真係好開心呀!! 仲有monalisa o既姊妹都有o黎....雖然短短半個鐘...大家都好開心, 亦感受到你同阿懶真係好sweet....好開心!!



Monalisa姊妹團....好鍾意呢張相呀!!!



見到你o地好開心....我都好開心呀!!!! 滾動ing!!!!


完左阿泡之後我o地又去左朗豪酒店, 去探探靚靚sonia!!!! 雖然冇時間出席佢婚宴, 但係都想同佢影張相....



Sonia用玫瑰做主題, 個backdrop真係好靚, 連件EG都係玫瑰....靚到冇O野講呀!



同Sonia影完相之後我o地就出返尖沙咀, 係pacific coffee飲杯o野休息一下...就去holiday inn 迪比比o既婚宴喇!



又見到你o地喇!! ^o^


比比....真係唔可以唔講....你真係好靚呀!!! 愛屎你!!!!



6:00PM証婚....雖然人唔多...不過真係好舒服..靜靜地咁完成個儀式....真係好開心!! 而家攪到我都想早o的証婚呀!! 唔想開席先o黎証婚!!!


我o地好榮幸....座22號枱...原來好近台o架...仲用你屋企人一齊坐添.....突然之間我覺得自己升左呢!!!


呢個look好襯你, 好young好靚呀!!!


中式look又係要讚...真係好優雅...一o的都唔老, 仲好靚添呀!


紅色呢件都好正, 好sharp, all back頭你carry得好好, 即時覺得好似明星呀!!


真係好開心...好開心可以係1日內走訪晒4單喜事....真係好替你o地開心...


雖然真係有o的攰...o個日仲係病緊食藥...好似朦朦地咁...攰到而家先至寫返blog!!!  但係見到你o地好幸福, 我都一樣好幸福呀!!!


希望你o地以後都開開心心, 幸福快樂呀!!! 仲有早o的生返個b 俾我玩呀! ^o^


最後我要好鄭重咁講一次.....其實我o地先至係1113小隊lor!!!!


1113小隊4成員!!!!



 

2010年11月15日星期一

倒數一個月

今日17號突登o黎我度食飯


因為倒數一個月就到


收樓喇!!!!!!!


突然之間有o的緊張, 但又好期待呀!!!


 


不過, 我而家都唔知做乜o野準備好喎!!!


 


究竟而家我有o的乜o野要做???


我剩係知收樓前我會去驗樓, 有o的乜o野要注意呢???


 


有經驗o既你o地, 可以俾o的tips我嗎???


而家真係一片空白呀!!!

2010年11月12日星期五

Wedding Card for 1113 JMs

繼上星期1107 bubibu大日子之後, 1113又係一個重要日子!!!!!!


呢日係屬於1113小隊3位JMo既!!!!


開始分別識左MASA x 紅豆 JM 迪比, 加埋Monalisa 9妹 泡泡... 先知道佢o地原來係1113小隊成員, 真係好有緣...及後識埋1113另一成員sonia...所以大家都變左朋友了.  終於等到喇!  見住3位JM係同一日出嫁, 我o既心情真係好緊張呀!!! 好似自己嫁咁!!!


好期待聽日o既來臨, 我同一班好jm 會連趕3場, 務必要見証晒你o地3個o既重要時刻, 來個快閃快拍!!  儲齊你o地o既閃卡合照先得!!!


送上我o既祝福, 特意整左3張配合你o地婚禮o既theme o既卡! 希望你o地鍾意啦!


呢張係送俾迪比o既, 紅紅粉粉咁, 夠喜慶!!!  第一次整trishutter card..  都幾好玩呀!!! 不過襯紙真係襯左好耐!


呢張係送俾鍾意綠色o既泡泡!! 配合返佢o既theme color!!  我都幾鍾意呢個設計, 唔太難整但又有o的特別!


最後一張就係送俾Sonia, Sonia wedding theme 有玫瑰花, 我就用左張玫瑰花紙整左一張有少少機關o既Easel Card俾佢.....雖然唔係整得太好, 但係整完出o黎個感覺非常好.



係度祝你o地聽日順順利利, 永遠幸福快樂!!

Recent Shopping

最近....我買左好多o野...大家見我冇出post...其實我冇停過!!!!


好開心之前知道個朋友係USA會返o黎香港...所以我當然唔放過呢個機會, 叫佢幫我拎o的o野返o黎啦, 第一次叫朋友拎o的tools返香港, 我都唔敢太狼死...唔好意思o既


我的收獲.....


一直想買o既making memories tools, 有instant setter, ribbon setter同埋edge scraper!! 



仲有當然係MS punch啦, 我好鍾意佢個花花punch & stamp呀!!



仲有幾pack stamps!! 同埋有MS o既 scorer....



另外, 係tanny度都入左好多tools!!!! 竟然有我訂唔到o既score board......而家可以擁有佢....好開心呀!!



仲有仲有...為左拎多o的idea, 去左Dymocks 買左幾本magazines參考!!


呢本專for scrapbook...仲有右手邊o既 pattern paper同tags送.....入面都有教點整花花!!



下面兩本for card making....左手邊o個本仲有個stamp送...  o的card真係整得好靚lor....


 


暫時都係咁多....之前都有入左o的貨....不過入得太多....唔記得lu!!!! (扮矇先!!!!)