2011年1月31日星期一

裝修進度 (二)

尋日上左新屋, 師傅終於駁好晒電!



電線全部都用膠喉整好, 會藏係地下!  原來上手O的線有好多都冇用喉藏起, 師傅做得辛苦O的!



不過師傅都收爐喇, 要初八先再開工, 到時先再搭棚!

2011年1月29日星期六

Wedding Card for Suet Sum

今日係舊同事雪心o既大日子, 之前我都應承左佢一定要整咭俾佢, 雖然呢排忙到癲左, 不過都抽左時間整, 因為有人欣賞自己做o既o野真係好開心!


今次張咭唔太花巧, 只係上一張stair step card o既變化版, 係中間cut開左, 一邊係stair step, 另一邊就似easel咭咁, 都唔錯呀, 好立體又可以企係度!



祝雪心永遠幸福快樂!

2011年1月28日星期五

裝修進度 (一)

收左樓都成個月, 一直都未有時間寫進度, 因為真係忙到嘔, 同埋報左分左2次搵左4個師傅報價, 原來裝修真係唔平, o的師傅好海鮮價, 不過最後都搵左由地產朋友介紹o既師傅....都唔錯, 而且價錢算係合理...唔係最平, 不過大家有傾有講, 意見亦比較中肯....


不過間屋真係好多出乎意料之外o既事發生 (六合彩又唔見我中)...又要成日同師傅夾o野....真係吊頸都冇時間.....


之前一開工拆o野第二日就俾樓下投訴整到佢o地天花有裂紋, 又話我o地影響樓宇結構, 又話我O地裝修嘈 (裝修點都會有嘈o架啦 = ="), 要我o地停工, 又要我o地出錢同佢o地驗樓.....總之成個星期17號冇停過收到管理處電話...真係火都o黎埋....邊有咁易裂呀, 乜都未攪, 完全唔make sense......攪左成兩個星期, 好在房署肯介入, 睇左佢o地天花都話冇乜理由話係我o地整成咁, 同埋唔關我o地事, 真係god bless... 所以今個星期終於可以正式開工!  希望趕得切, 同埋樓下唔好再玩o野....不過我唔怕佢的....


報告一下進度先


師傅第一日開工, 之後第二日就炸地板.....點知就俾樓下投訴喇!



足足過左成十日, 件事算係停下來, 而家師傅已經炸晒間屋



師傅已經開始做電, 上去夾左電掣. 



之前同埋師傅上左大陸買晒全屋o既磚, 已經運左o黎, 不過有隻磚送少左同錯左, 好在師傅同佢o地都熟, 完全唔駛我煩, 佢o地會攪掂.



因為confirm左樓下唔關我o地事, 所以o的師傅開始進場, 前兩日o的英泥沙已經送左上o黎. 



不過水電師傅睇左我o地個廁所, 原來之前屎塔位同沖涼去水位都係冇隔氣, 所以容易有味, 仲有我o地個出水位上面有熱水爐, 裝唔到o的高身向日葵頭花洒, 要將o的喉做去另一面牆 , 所以師傅都係建議我o地要搭棚, 順便換晒出面o的喉, 加返個水閘, 順便搭左個棚可以俾煤氣公司換喉改鼓.... 仲有電箱太舊都係建議換, 其實水電都真係好緊要o既, 所以我都係乖乖俾錢做好水電呢part!!!!


就係呢個廁所啦, 拆晒o的o野先知道有o野要做, 而家要搭棚啦!!!



師傅話過年前會搭左棚先, 過年後即開工.


 

2011年1月16日星期日

Casablanca 年度開倉

自從去年年中Casablanca專門店減價之後已經一直留意佢有冇大減價, 因為返想買套龍鳳被, 之後佢減價時我已經睇中左一套紫色, 不過當時實在太早, 而且屋企又冇位放, 所以放棄左...但係久唔久我都會經過專問店問阿姐有冇減價....早幾星期行經旺角專門店又入去問阿姐, 佢話專門店減價係每年7月, 不過1月會有開倉, 叫我上網睇詳情.


所以知道1月13日開倉就已經好興奮...仲要有我o個set被賣, 所以我13號一放工就衝去火炭, 去到真係好多人呀, 不過好在唔駛搶, 因為睇啱就可以搵staff拎俾你...就算出面冇都唔緊要!  不過真係好好彩, 因為我主力係想買一套當龍鳳被, 另外再買一套for新屋入伙時用...我睇中左 560針全套有埋被o既king size都係 $690, 所以買左 一套我鍾意o既紫色做龍鳳被, 之後可以用得返.  另外想買一套同一價錢但係有830針o既, 個staff好好人叫左我入埋去擺貨o既地方買買揀, 點知冇晒king size, 之後又唔會返貨, 所以佢推薦左另一套淺色o既俾我, 仲要同我換返新packing, 真係十級好人!!


就係買唔到紫色上面o個套830針, 不過都散賣左!! XDD



仲有1100針都好正



其實仲有幾多o架...仲有o的330針平套裝, 羽絨被, 枕頭等等.


不過我真係唔甘心呀, 見佢830 o個套都有賣, 但都係收560針o既價錢, 我就買o左set 床笠連枕袋用o黎替換. 埋單 $1,610. 好抵呀!!! 


我o既龍鳳被...



呢set係staff推介o既, 睇睇下又唔錯喎!



如果大家都有興趣, 就快O的去啦, 開倉係至有23號o乍...


http://www.casablanca.com.hk/20110113.htm


 

2011年1月12日星期三

新屋電器 - 焗爐選擇

一直都冇update新屋情況, 因為都未confirm到裝修, 不過而家總算搞掂, 好快就可以動工, 之前一直都係四圍去睇傢俬, 潔具等等!


不過一買左樓我第一件事就係去search焗爐, 因為我一直都好恨有一個大焗爐可以俾我整蛋糕!! 所以有理冇理我第一時間去search, 我就一早決定左要買一部built-in 焗爐, 但真係花多眼亂, 唔知邊部好, 而家網上o既comment真係唔多, 有人又話一定要買made in italy!! 真係睇到頭都痛! 當然, 如果我有錢o既就買 Mielle, Gaggengau...不過我真係冇錢, 唯有遲o的先!


而家有幾部心水, 大家俾o的意見我呀!


La Germania


佢係made in Italy, 而且都出好多成座o既爐, 都有comment話佢幾個brand都幾穩陣, 不過佢有成65L, 但係得2550W, 好多人都話咁大個焗爐要有over 3000W先好喎, 真係唔知點?



嵌入式焗爐
65公升
9種烤焗功能 + 風扇功能
易潔焗爐內壁
計時器
3層玻璃焗爐門
能源效益: A
不銹鋼
開孔尺寸: W560 H583-585 D606-616 (mm)

2550W

Electrolux


呢個brand都好多人用緊, 好似都唔錯, 佢有3500W, 大昌行做代理, 應該維修方面唔係好大問題!



Brandt


呢個brand都有人用緊, 又係話唔錯, 好似係德國都多人用佢! 不過佢得2層玻璃!



2635W


真係好難決定呀!!!!  點好呢???

2011年1月8日星期六

Malau 1219 大日子

過左好遲先寫呢篇, 因為最近為新屋o既事忙過不停...


經過左1218 bridal shower之後, 我o地就一齊迎接1219大日子喇!


一早起身, 為的是食早餐 XDDD  前一日已經叫左M記外賣, 一早已經送到! 係酒店露台食M記真係第一次, 不過好正...一級享受啦! 仲有天色真係好正!! 今日一定會好順利又有sunshine!!!



食完早餐之後我O地都hea左一陣就落去malau個結婚場地, 係一個室外搭建o既帳篷, 白雪雪好正!


當然唔少得影影影啦! 


Stunning Malau!!! 件gown真係超級襯你!



Candy corner



我整o既welcome board呀!! ^o^



Cupcakes tower



到咁上下, 大家都入席喇, 聽完ladybird o既音樂, 一對新人就進場, 全場人一齊起身吹泡泡.....個場面真係好靚, 大家都好投入, 我覺得好正!



佢o地兩個新人又重溫一次宣誓o既儀式....真係好感動....


之後我o地就開始食buffet喇, 又係第一次婚宴係食buffet, 感覺都唔錯, 仲要o的o野食都幾好味o架!


因為掛住食..剩係影左第一碟!! XDDD



到左差唔多尾段o既時候就播左一段新人o既成長片段, 之後重頭戲就o黎喇, PP整左一段the making of...係佢前一日整花球o既making of, 而Malau手上 一直拎住o既兩個花球, 其實都係由PP整O架....Malau真係好驚喜呀, 因為佢完全估唔到o架!!! PP真係好有心機整兩個花球, 你真係好幸福呢....



整個婚禮場面真係好感人, 又溫馨..... 係我去過咁多婚禮當中最舒服, 最warm, 最開心o既婚禮.....Malau一句最想身邊o既人開心, 佢就會好開心.....真係好touching...我到而家都仲記得佢呢一幕, o個個tone, 個樣, 同我當時o既心情...所以婚禮當中唔需要多環節, 又唔需要太複雜, 簡簡單單出自新人o既分享, 那種真實係最難忘o既!!!


Malau, 祝你同PP永遠都幸福快樂!! 最緊要係日日都開心!!!


最後當然唔少得就係1218+1219團團員大合照, 為呢兩日畫上完美o既句號!



 

2011年1月1日星期六

新年快樂

各位bloggers


踏入2011年


祝大家新年快樂


日日都開開心心


幸福滿瀉


身體健康


事事順心


仲有仲有


祝各位2011年b2b


大日子籌備順順利利


一齊擁有一個難忘o既big day!