2010年5月30日星期日

My Wedding Color & Theme

最近比較得閒...因為大項目已經confirm左...而家可以抖一抖!  最好o既就係諗o下自己個婚禮係點!!


首先當然係個wedding color同theme啦..


其實一早都已經決定左, color方面因為彩福個setting都係以紫色為主...加上又係我o既最愛...所以我就當然係用返紫色啦!! 不過有一晚我訓覺時突然間諗起, 如果好似天空藍加埋地上o既綠...而中間就係好浪漫o既紫色圍繞住我同17號...諗起就覺得好似擁有左全世界咁!!!  (真係好誇張) XDDDD  不過又唔係唔可行...因為紫色同藍色個tone都係好似...而綠色又好夾呢兩隻色...感覺又好舒服! 咁都可以係decoration度試下!  諗起都好開心喇!


Purple & Blue



Green (襯左落紫色度都好sharp, like it!!)



Color theme方面...因為自己都幾愛vintage同lace...所以我都會以呢個為藍本去做decoration同埋我o的diy item...不過vintage o既o野都難搵..而且都唔平...所以都係構思一下先得...不過用lace就一定冇問題...加上我已經買定一o的lace布...平時見平又買o既o黎diy同埋做decoration...有更多ideas再同大家share啦!! ^^

2010年5月22日星期六

Monalisa Pre-Wedding 預約確定

其實訂彩福時有張免費coupon可以去Monalisa影婚照...不過我又唔想咁熱去影, 所以原本諗住出年先影...點知班monalisa jm同我講唔upgrade係只影內景...就唔會有熱唔熱o既問題啦!  我即打電話去問原來係真喎...咁就趁尋日去CWB Sogo book埋. 早o的影左佢算啦!


當然sales真係想說我upgrade啦, 我同17號o既策略都係唔upgrade, 因為對香港o既婚紗公司影o既相都冇乜好感, 當係practice一下就算...加上我又有紅豆o個輯會重點出擊...而免費o既Brian o個輯又影得好過Monalisa o個o的...所以一於唔upgrade, 到真係影完係好好好靚o既先買返張soft copy囉.


而家影要排到去9月...都ok啦, 可以去紅豆之前再practice一下!


試衫: 16/9/10


拍攝: 30/9/10


睇版: 待定


因為所有都係平日, 17號又唔多假...可能去試衫同睇版都係得我自己去lu!!!!

薑汁撞奶 (附食譜)

上次整MUFFIN俾各位babies食時剩左一盒奶, 尋日到期所以又整左薑汁撞奶俾媽媽食!

因為媽媽好鍾意食...所以好耐之前就學識左整...而家久唔久阿媽就話要食!! 好在我仲教識細路整...有時佢會整!! 我唔駛刨薑刨得咁辛苦!!




未影相媽媽已經急不及待食左先! = ='

食譜

材料:
鮮奶  1盒  (我用維記高鈣低脂奶)
老薑  1大舊 (可取足夠1湯匙薑汁)
糖      1茶匙

造法:
1. 先將薑刨皮再磨薑變成蓉. 用"西"盛住, 用匙羹壓薑蓉取汁. 需要薑汁1湯匙.
2. 鮮奶倒入煲中, 用中慢火將奶加熱, 至少許冒煙, 煲的邊緣牛奶已開始有小氣泡凝聚, 但不是大氣泡及滾起的, 熄火.
3. 加糖入煲中, 不用攪拌.
4. 將已加熱的奶倒入另一個煲內, 此為1下, 再將另一煲內的奶倒回第一個煲內, 此為第2下...來回撞10下, 鮮奶便大約在70-85度左右.
5. 將熱奶撞入有薑汁之碗內.
6. 不要攪拌碗內的奶及不能移動碗. 靜止2-3分鐘至鮮奶凝結為止, 即可.

注意:
1. 薑汁可以視乎喜好多o的都得, 因為媽媽喜歡辣所以我會用1.5湯匙.
2. 兩個煲互相撞奶好似拉茶咁拉法但不要太高, 此為令空氣走入令奶降溫.
3. 熱鮮奶撞入碗前前需再攪拌一下薑汁...因為薑汁內的白色澱粉質會沉底...要將澱粉質攪勻, 成功就係靠呢o的白色o既澱粉質.
4. 撞入碗時在碗旁邊撞入, 效果會更理想.

Sogo Thankful Week

尋日佛誕係sogo thankful week開始....當然我就去趁下熱鬧啦!

我去左CWB同TST兩間...每間都有買到O野, CWB o個間真係太多人喇...俾錢都要等好耐...所以有o的TST有o既舖頭我就去TST先睇!  因為TST比較少人行得舒服o的!!

戰利品:




聽講佢洗面支product唔錯所以特登買o黎試下...送左卸妝, 爽膚, 乳液同一塊mask! 如果買滿$500仲可以抽獎, 大獎我見有人抽到一支美白精華素同重點去斑筆...成$900o架..不過就係舊版!




每件都唔過$300...合乎我買o野o既原則!!

2010年5月20日星期四

My Cooking World

因為之前學業o既關係, 已經有成兩年有多冇乜點整o野食....最近認識左一班jm之後令我重燃對烘焙o既興趣, 日後我將會嘗試作多o的o既嘗試....整多o的好o野食o既!! 仲會將所整o既同大家分享!! 希望我做得到啦!!!










以前o既製成品!! 發覺原來自己成日都整cheesecake喎!!! 因為太愛吃了!  希望日後可以嘗試更多啦!!

2010年5月16日星期日

珍珠錬

記得上次去台灣買左條幾平o既養珠鍊...可以用o黎big day同影pre-wedding用...

不過一直都有買開CX同KA staff sales o的o野....上次見到有Misaki o既珍珠鍊..真係平喎....所以又將佢o地收為己有..... 唔知幾時可以用...不過可以留好長時間...一定會有o的event可能戴得到o既... 女人天生鍾意買o野...特別你買到平o野....我就係一個例子喇!! XDDDD  當然今次唔只買鍊...都有買左o的makeup同護膚o既product!!




右邊o個條係台灣買o既!



2010年5月11日星期二

澳門Pre-wedding之旅

終於完成左我o既澳門pre-wedding喇....真係好攰呀....星期日又熱又辛苦...不過都好在冇落雨o乍....我寧願熱!  成個過程都好開心...不過就係趕左少少....攪到大家都好攰...我都係貪心左o的!! 同Brian, Jessica都好好傾...不過對我o地o黎講好多都係第一次...因為佢o地冇去過澳門...我o地就好似去探路咁影....所以有時都miss左o的好靚o既地方...到上左的士見到先知道...不過都ok啦...總有第一次o既...我又唔介意...都係一個好好o既體驗!!

我o地澳門pre-wedding o既最後行程如下:

下午

路環聖方濟各教堂

氹仔龍環葡韻

盧家大屋

戀愛巷

婆仔屋一帶

黃昏

南灣湖水上活動中心

雖然未知o的相影成點...又未收到相...不過開頭都有少少花絮!! 下個私有化post再post俾大家睇啦!

2010年5月6日星期四

My finalize pre-wedding bonquet

終於finalize左個花球喇!! 之前都想用呢條lace 絲帶...但係原本係米黃色...不過尋日漂左佢...而家變左白色...可以用得!!  另外就加左個心口針係蝴蝶結....效果又唔錯喎!! 好似好elegant咁!!  XDDD (自我陶醉中)







好...可以繼續整其他o野喇!

2010年5月5日星期三

澳門Pre-wedding行程

今個星期就去澳門影相喇! 因為攝影師Brian同MUA Jessica都未去過澳門, 所以我o地都要發揮我o地小字宙, 希望順順利利啦!! 澳門唔係好大, 仲有搭的士就會穩陣o的啦!

因為大家都唔熟...咁就由我去plan行程啦!!  不過17號都好雀躍...佢都有份做後期工作...同埋佢最叻o既 ---- "搵食"

因為我好鍾意古舊, 自然...同埋係歷史o野就更好, 所以我個行程都冇plan 萊斯, 威尼斯人o既景點...咁就去多o野特色o既建築物啦!

澳門Pre-wedding行程:

上午至中午

1. 路環聖方濟各聖堂

2. 龍環葡韻住宅式博物館

下午

1. 盧家大屋

2. 玫瑰聖母堂

3. 戀愛巷

4. 望德堂彩色大街, 崗頂前地

黃昏至晚上

1. 婆仔屋

2. 南灣湖/西灣湖碼頭

希望一切順利啦...o個日唔好落大雨就ok!!!



2010年5月4日星期二

My Pre-wedding Bonquet

呢兩個星期為左澳門Pre-wedding而努力準備, 不過上星期腸胃炎又嘔又瀉..攪到o的進度慢左尋日就開始繼續努力初步完成左個花球啦!

係度同大家分享一下啦!

1.      首先整花球就係要買花啦…o的花我都係花園街伯伯度買o! 有愛麗絲, 小倉蘭, 紫藍同白色繡球花! 另外買左紅掌其實係想要o的葉不過最後冇用到!




2.      跟住就開始處理o的花材喇將所有要o既花都剪晒出o黎留返一o的花枝… (如果o的花自己已經有好長o既花枝就唔駛..盡剪就得, 可以直接用唔駛駁鐵線) 愛麗絲就咁用鐵線拍埋再用花貼將佢捲實. (大部份花材包括繡球同襯花都可以咁整..方便好多)




3.      小倉蘭因為個接花枝個位可以除走咁就有個洞, 就將鐵線直接穿上去再屈倒U型插返實個洞就ok!




4.      用左白繡球o既葉, 用倒U方式插入葉面勾實, 之後就用花貼捲實鐵線




5.      整完之後就係咁咁個柄全部都係鐵線會比較幼..個花球冇咁好睇所以之前我已經將所有花材o既粗花枝剪晒出o然後將o的花枝圍住鐵線再用膠紙捲實定型




6.      定好個型再執下o的花, 花枝同葉..就用絲帶捲實個柄.. 絲帶頭尾可以用雙面膠紙以便貼實個柄唔走位, 再加絲帶或者其實裝飾都得!




完成品不過可能會執一執, 加個靚靚扣針!!




大家有興趣都可以自己試下DIY屬於自己o既花球...唔係好難o架...大家努力呀!

2010年5月2日星期日

笋崗探路記

5月1日勞動節我同17號就返左大陸"疏呼"一下...就係去左揼骨喇!! 咁難得上去...當然就早o的揼完就去笋崗探下路啦!!

我o地下午食完晏仔差唔多3點左右係東門出發...大將14蚊人仔的士就去到帝豪酒店附近!  而聞名已久o既笋崗同百合隆就係隔離!  帝豪旁第一幢橙色building就係百合隆...百合隆隔離就係笋崗!  其實兩幢building都係賣精品, 文具等o既批發o野...賣結婚o野都係o個幾間!  不過包裝, 回禮禮物o既舖頭就比較多o的!




我o地去左笋崗, 先去左3樓...有o的絲花舖...咁我就入去睇下啦!  不過就冇買...但出奇o既事就發行生喇!  當我睇緊o的花樽時...竟然俾我見到一個candy jar呀!!!  OMG.....一問之下, 35蚊人仔!!!  咁當然即買啦!!  因為我想買好耐喇!!  之前係E&M見過...不過呢個SIZE都唔平所以冇買...而家竟然俾我搵到....開心死啦!

之後去左2樓經過鵬鵬...地方真係好細...不過好多jm係度買o野..所以我都係巡視一下就走啦!!




之後就去左百合隆...賣結婚o野都係地下...我就去左各位jm推介o既立興, 佢o的茶具套裝真係最齊全!  我去到見到有龍鳳o既茶具同碗筷....心諗下次都係要買...今次買左下次唔駛拎咁多o野...佢又好大件下.. 所以就買埋先啦!  佢o地o的價企得好硬..不過我講多幾講佢送多兩對筷子俾我...仲有下次我再買時就平o的俾我...仲話一定會認得我喎! XDD  不過都OK啦! 90蚊人仔! (掛住買o野唔記得影相 XD)

買完o野我o地就坐的士, 20蚊人仔就去到羅湖喇! 然後去左上水街市食小菜...之後就各自回家喇!! 阿媽見到個candy jar都話又正又抵!  o的茶具都好鍾意...仲話好平呀!!  我今日去金都問過! 茶具都要$118..

今日又可以"疏呼", 又買到心頭好!! 讚呀!

我的戰利品:




茶具及碗筷




同場加影Candy Jar