2013年12月3日星期二

Lagostina Cooking Workshop

其實呢,自從有左自己屋企,做左人妻,入左廚房之後,我真係為個廚房付出左好多........$$$$$$$

大家都知我都有唔少寶物,除了cast iron,仲有Copper同埋stainless steel。老公同我屋企人都話我屋企的廚具可以煮十幾二十人飯都冇問題。但.......我冇可能煮到 XDDD 不過買得多就研究多了,對各大品牌都會去了解了解,亦加深了對不同物料的廚具特性都有少少認知。

今次好開心收到Lagostina的邀請出席他們品牌主辦的Cooking Workshop,又可以學野,可以親自煮,仲可以帶回家,我最Like!!!!

今次workshop係新Towngas cooking centre舉行,Towngas開左新centre之後一直未來過,趁今次機會可以用下新設備。入到場之後已經見到好多靚廚具,心情已經好興奮。


今次workshop個主角係Lagostina新出的Salvaspazio鍋具,賣點係可拆式手柄,方便將鍋具收藏,貼心設計完全適合香港細小的家居,可以將長手柄拆起,煲中煲收納,節省不少儲物空間;另一賣點是拆起手柄後可以將鍋具直接放入焗爐,連蓋都可直接入爐,好方便呢。 Lagostina鍋具都係3層鋁鋼所製成,傳熱都快速均勻,而且也很保溫。



呢個系列比較傳統,係根據意大利人煮食習慣去設計,我也很喜歡,因為鍋具都加入木製成份,很美。


我認識Lasgotina都是由佢壓力煲開始的。


令人心動的risotto鍋子,很喜歡佢個木蓋,心心眼呢!我對木製品真係情有獨鍾。好掛住佢呀呀呀!


欣賞完靚廚具之後當然就要開始正正經經地上課啦。今日實習課係紅酒燴牛仔膝,意式番紅花飯。而示範就係燴海皇湯。

材料及工具已準備好

首先是紅酒燴牛仔膝。牛仔膝有4件,而家都厚身的,不過導師就話再厚身少少會更好。煎起上來唔會卷起。
首先是將牛仔膝用鹽及黑椒調味,之後就放入Lagostina煎鍋內煎至金黃色,Lagostina煎鍋傳熱真的快,加上唔需要太耐時間預熱就可以放肉去煎,仲有唔太黏底。


將蔬菜切好。


煎好牛仔膝後先夾起,原鍋炒香洋蔥。


再加入其他蔬菜炒一會。

加入蕃茄碎及茄汁,灒紅酒加水同牛湯粒,再將牛仔膝回鍋後待滾起,蓋上鍋蓋。


放入焗爐用180度焗45分鐘至1小時。


焗好了,又香又正!


跟住就係整Risotto喇!


先燒熱油,加乾蔥碎炒香。


加入意大利米炒1分鐘,加番紅花及灒白酒,待酒蒸發完就加入雞湯及水。


用慢火慢慢將意大米煮熟。


加入牛油。


加入巴馬臣芝士碎。


拌好後調味,加蓋再焗一陣。

煮好了。因為我們都留心導師的示範及試食,所以一直都將Risotto閒置著,到我們將Risotto入盒時打開蓋,仍然有煙冒出的,所以這鍋子的保溫能力也不弱呢!讚!


加埋牛膝就可以上碟了。
導師之後再做了燴海皇湯


海鮮湯材料都好多好吸引呢。


先煮好蜆及青口。
同一個鍋內加入蕃茄,香草及魚湯,煮滾後收慢火煮25分鐘,之後再加回海鮮,加鹽調味。


好足料又好味。


試食時間。


海鮮湯真係好鮮甜。


牛仔膝好淋,意大利飯好香好味,口感Al Dente。
最後多謝Lagostina的紀念品,有一條好靚的限量版圍裙及砧板,砧板仲有個裝置可以令佢企立。


呢道咁美味的菜式成為了我同老公的晚餐。

敗婦煮意小聚

敗婦們不一定聚在一起就敗家,敗得來我們都會努力煮煮煮。

今次去了敗婦Q屋苑會所開Party。地方非常大又設備完善,最好係煮完大家可以拍拍pat pat走人。哈哈!

地方真係好大, 一張大長枱,又有兩個焗爐,open kitchen,炸爐,grill pan都有,好方便。




大家一到達就開工,各自準備自己的食物,不敢怠慢呢。
準備完一輪後,可以上枱喇!
介紹一下各人負責菜式:

敗婦Q:Carbonara 我好喜歡吃


敗婦Q:Buffalo chicken wings 自從偽主婦同熊太都整過之後,大家都愛上了


敗女B:菠菜士多啤梨沙律,個汁尤其美味 大家都讚口不絕


敗婦S:燒牛肉


而我就準備了自家製漢堡包


敗婦M:Cheesecake


仲有敗婦S特意買的燒餅. 好好味!



最後敗婦熊太示範了Pavlova,不過唔夠時間,整完焗完已經要交場了,未攤涼放雜莓我們已經要走了,所以最後留給了敗婦Q繼續完成。


一輪大吃大喝,大家開著電視跳鄭多燕,希望可以減輕罪疚感,大家一齊跳時都好好笑。


最後最後,話明係敗婦,見面時點都要交收一下,今次真係好開心,代敗了Jo Malone,真係開心死我了,但又是另一深淵呢。