2012年11月29日星期四

Le Creuset Chiffon Pink @ Sogo Thankful Week 2012

識我的朋友都知我喜歡買鍋, 特別是Le Creuset.  繼上次開倉後, Sogo thankful week又到了. 今次thankful 就厲害了.

Le Creuset推出了Chiffon Pink這個新顏色.  之前係日本同台灣推出之後, 大家都已經熱烈討論, 心想sogo thankful一定會推.

點知真係估中左啦.  但知道個結果時既歡喜又憂心.  因為今次推o既係限定數量.  而pink pink 係好多人都會好喜歡, 一定會有好多人買, 但sogo個場好細, 一早就諗到慘過開倉了.

唱了等了又等好多次之後, 終於等到Sogo thankful week了.  真係一如所料, LC個counter好多人, 仲要好亂, 買左咁多次都係第一次係咁恐怖.  我都嚇親呢.

而家諗起我都仲驚緊.

不過唔講呢o的野.  最緊要買到心頭好呢.

第一眼見到呢個setting, 真係暈左.  之前係日本都見過, o個時都已經暈暈地, 因為chiffon真係好亮麗.  特別我係日本第一眼被chiffon 飛心迷得一陣陣呢.


之後望下個price list.  pot list之前都知道, 係stoneware唔知... 不過真係唔平囉......  幸好我係有台灣的LC補返數. 唔駛係香港出咁多血.


第一日恐慌完, 第二日LC已經改善左好多, 知道左原來係SOGO安排得麻麻, LC一早都傾左要搵地方排隊(例如係地下排隊拎籌), 點知SOGO都係安排係7樓排, 仲要未READY條line up , 搞到好混亂.  其實LC staff都好無奈.  不過見第二日LC同sogo反應左之後即時係另一邊搵地方俾LC專賣煲, 已經有所改善.

上午我冇去, 不過dating完夜晚去左巡視下, 真係有個場地sell 煲好左好多, 仲要有好多煲剩(第一日一早冇晒o既18risotto同16round都仲有貨, 係之第一日唔駛搶啦, ), 我同朋友等左一陣過左8:00就可以free返o的煲來賣, 幫朋友買左個18risotto之後就走lu.





今次chiffon 我係日本已經中左毒, 所以唔買唔得, 最後我敗左:

18cm同24cm Risotto, 一大一細risotto. 真係靚到死

近鏡望下, 真係好亮麗, 好令有o的反光咁.


同Antique Rose比較一下, 愛粉色的人一定死左係chiffon度.   好多人都話chiffon同antique rose好似, 但我係日本見過後堅持係唔似, 到家下買左返家之後一比真係有分別架. 不過我都仍然好愛Antique Rose 呢.

隨左煲之外, 我仲買左少少stonewares.  因為係台灣週年慶係冇的.  同埋我只集色, 每色一隻夠了. hehe



全家福.  靚到暈.  我對住佢o地笑左好耐


今次thankful week之後, 真係要俾個荷包休息下先得了. 

2012年11月27日星期二

【深夜食堂煮婦同樂會第20話】調味醬炒麵 【附食譜】

之前去左旅行, 所以深夜食堂有幾話我都冇整.  當中有一話就係25夜的調味醬炒麵.

係漫畫入面, 風見小姐每次入店內都會叫調味醬炒麵, 炒麵上加上一隻荷包蛋, 食的時候刺穿蛋黃混入炒麵中一齊食. 好似好吸引.

不過我唔知

四十萬川的青海苔係咩味,  不過加左青海苔味道更好.

其實炒麵入面想加咩都可以, 可以用雞肉, 火腿, 腸, 而我就係雪櫃找到了墨魚條.  一樣會好好食的.



材料:
炒麵包            2個
雞蛋                2隻
甘荀                半條
椰菜                半個
墨魚條            3條
海苔碎            少量


做法:
1. 先將甘荀及椰菜切絲, 墨魚條切片.

2. 鑊內下油燒熱, 先加入甘荀絲炒至軟身, 加入墨魚條炒香.

3. 再加入椰菜絲炒一會, 加入少許料理酒續炒至椰菜絲至軟身.


4. 加入麵一起炒, 可加入少許水比較將麵條炒鬆.


5. 炒好後加入調味醬料包抄勻便可上碟.


6. 鑊內加油燒熱, 打入雞蛋煎成荷包蛋. 將蛋放在炒麵上.  在蛋邊灑上海苔碎. 即可.

2012年11月25日星期日

【深夜食堂煮婦同樂會第25話】蛋包飯 【附食譜】

今個星期深夜食堂煮婦同樂會的題目其實我都驚驚地架.   係咩?  又係關於煎蛋的.  哈哈, 係蛋包飯.

之前去過東京, 係自由之丘一間舖頭食過蛋包飯, 感覺好好, 覺得好好食.  今次自己整真係有O的緊張, 繼上次玉子燒之後, 真係有O的驚整煎蛋. 好驚失敗.

所以今次都係抱住戰戰兢兢的心態去整呢.

係漫畫入面故事係一個好感人, 有情人終成眷屬的故事來的.  好Sweet sweet!



材料: (二人份)
德國肉腸  2條 (切粒)
洋蔥          半個 (切粒)
紅椒          半個 (切粒)
蘑菇          6粒   (切片)
罐頭蕃茄  1罐
茄汁          2湯匙
蒜蓉          1湯匙
香葉          1片
白飯          2碗

蛋皮: (將下面材料拌勻)
雞蛋          4隻
忌廉          2茶匙
鹽              少許



做法:

1. 先將洋蔥, 紅椒, 德國腸切粒, 蘑菇切片.


2. 镬內加油燒熱, 下洋蔥炒至軟身, 再下紅椒炒至軟身及洋蔥抄至透明為止.


3. 洋蔥及紅椒撥向镬邊, 再下少許油, 放入德國腸炒, 再與泮蔥及紅椒拌勻.


4. 加入磨菇炒至軟身.


5. 加入蕃茄, 茄洋, 香葉煮至收汁濃稠. 抽起香葉.  下白飯抄勻.


6. 炒好的飯先用碗仔盛好備用.


7. 然後平底镬加油燒熱,  下蛋液煎至剛熟, 熄火後加入飯在蛋皮中間位置, 再將兩邊蛋皮摺向中間, 然後將一隻平碟反轉蓋在平底镬內, 再將平底镬反轉.


8. 最後在蛋包飯上隨意加上茄汁裝飾.  而我今晚就整左日式咖哩薯仔炆雞翼, 就用左佢來做埋伴碟囉.


第一次整蛋包飯, 煎蛋都好緊張, 幸好蛋皮沒有破裂, 不過唔算太靚, 下次要再努力先得!

Le Creuset: 26cm Marmite, Tatin



其他煮友作品:

阿咪




OL醉愛廚房




Little-Bird Blog



妹子



Helen的方太小廚



鬼嫁



Mrs. Horse



WongC9


偽主婦


花花世界



肥師奶小學龜

Jo 姐姐



Mrs. J

2012年11月18日星期日

【深夜食堂煮婦同樂會第24話】勝利豬排丼 【附食譜】

終於來到呢一話了.  較早之前已經做過親子丼.  仲好有印象那位拳手好喜歡食豬排丼, 每次勝利後都會食, 所以叫胯利豬排丼.

呢個豬排丼我成日都會食, 去日本都會叫來食, 係香港日本餐廳更加會叫啦.  實在太好食了.

其實要整唔係太難.



材料: (2人份)
豬排               2塊
洋蔥               1個
雞蛋               2個
麵粉               3/4杯
麵包糠           1杯
蔥粒               少許

醃料:
鹽麴               1茶匙
醬油               1茶匙
味醂               1茶匙
料理酒           1茶匙
胡椒粉           少許
麻油               少許

醬汁:
味醂                1湯匙
料理酒            1湯匙
醬油                1湯匙
水                    50ml



做法:
1. 豬排洗淨抹乾水份.  加入醃料醃最少1小時.  可以的話醃過夜.


2. 醃好豬排拍上一層薄麵粉, 再沾蛋汁, 再撲上麵包糠. 放置一會兒備用.




4. 鍋內加油燒熱, 待油熱好後, 放入豬排炸至金黃色. 盛起放涼.


5. 待豬排放涼後用刀切件. 備用.

6. 另一鍋內加油燒熱, 加入洋蔥炒軟. 再加入醬汁煨5分鐘.



7. 將已切件豬排放在洋蔥上, 加入蛋汁.  待蛋液半熟後盛在白飯上.  加上蔥花. 即成.


一碗好美味的膀利豬排丼就完成了.  yummy.


其他煮友作品: