2010年2月28日星期日

尋找我的MUA

當我決定左要結婚時, 最快去睇o既唔係酒席, 而係MUA, 女人愛靚真係天性... 不過一上網睇到暈左, 原來好多好多MUA......我都唔知點揀, 何況我有選擇恐懼症呢!!

用左成3個月去做Research, 得出左一個字, 就係 "煩" 字.. 真係好煩呀, 搵到個啱心水好難, 更難o既係唔可以個個都試粧, 動輒都$400以上, 平時買衫過$300都要諗, 食飯貴o的都係要諗o既我, 就真係好頭痛喇..

因為我唔鍾意太誇張o既粧, 喜歡簡約, 加上行復古路線, 所以其他人話化得好好, 可以變左另一個人, 畫到對眼照大o個o的我都唔啱(不過佢o地真係好勁又靚係真o既)..另外我覺得而家好多公認好o既MUA其實化妝已經好natural, 技術唔會差好遠, 不過set頭就好參差, 我覺得set 頭呢part好重要, 我見有o的MUA真係麻麻地, all back 好扁, 有o的就好多時候都係將o的頭髮放低就算, 其實難度唔大. 所以我希望搵個MUA set頭真係好o既.  初步睇過一大堆MUA, 以下係我初步o既心水MUA:

1. Joe Yuan @ Hoolala

阿Joe係我一開始搵MUA時已經睇中左, 佢化妝好靚好natural, 最重要係佢set頭立體得o黎又靚, 頭飾都好靚, 仲好creative添! 睇佢個blog o的新娘都好靚! 不過問左價之後都好貴呀, 早, 午同全晚要 $7,500, 只係包新娘o乍, 所以睇完個價真係卻步, 只可以係睇下發一發夢. 不過去左wedding expo之後就重燃左我對佢o既希望, 因為有9折, 而且試妝都係$200.  所以諗都冇諗就俾錢啦, 而家好期待呀!

Hoolala Wedding Production: http://www.hoolala.com.hk/en/scripts/main/index.php

Joe Yuan's blog: http://hk.myblog.yahoo.com/opopredcat5

2. Kiko Au

另一個我o既favorite, 睇左佢化o既妝好自然, 突顯左新娘o既自然美, 個妝又唔係太濃, 化出新娘子氣質的一面.  加上各JM都讚Kiko好細心, 大日子又會好幫得手, 唔介意extra workload, 非常好. 對我來說, 就算你有幾出名, 化得幾好, 態度同修養係好重要的.  應該都會搵佢試妝!

Kiko's website: http://www.kikomakeup.com/

Kiko's blog: http://hk.myblog.yahoo.com/kikomakeup

3. Catis Man

Catis化妝又係好自然, 亦能突顯新娘o既氣質.  佢亦都係出自Gary師門, 亦係陳貝兒御用化妝師, 應該質素有返咁上下.  不過都算平, 早, 午同晚都要 $6,980.  諗諗先!

Catis's blog: http://hk.myblog.yahoo.com/makeup-catis/

4. Sandy Wong

Sandy又係好多JM讚o既, 我見佢o的妝都唔錯, 好自然. 而且價錢合理.  但係set頭款式唔係太多, 亦只係ok. 所以都係waiting list先!

Sandy's website: http://www.fotop.net/merrymarry

5. Gipsy

全日package都係$5,800, 而且質素穩定, 化妝技巧都唔差.  set頭都可以. 亦好細心, 好多JM都係讚的.  可以考慮呢!

Gipsy's website: http://www.fotop.net/gipsymua

Gipby's blog: http://hk.myblog.yahoo.com/gipsy_pps

6. Christy Li

Package 好平, $4,600早, 午同晚. 睇過o的相都化得幾好, set頭變化唔大.

Christy Li: http://www.fotop.net/Christylky

其他都有考慮o既MUA:

Ada Yip

Sum Sum

Sum Wong

May Chong

Coco Wong

Ami Ng

以上MUA化妝都好靚o架, 不過一來貴啦, 二來太著重對眼, 化得好大, 我唔係太鍾意, 所以唔考慮住.  另外有o的set頭麻麻地又係唔太鍾意!

唔知邊個會係我個MUA呢, 又唔可以個個都試, 都幾貴呀, 樣樣都貴, 而且自己要求都高, 就注定要豪駛..希望唔會out-budget啦!

2010年2月25日星期四

Book試妝

上星期係wedding expo confirm左酒席同衫之外, 另一樣就係book左試妝!!

由開始search mua, 搵到holala joe yuan, 我就好似中毒咁, 因為佢o的妝好靚, set o的頭又靚又創新, 頭飾都好靚添, 見到佢wedding day同trial o的相真係嘩嘩聲...不過睇埋佢個package之後就冷靜左, 因為都好貴呀.. 而且唔包伴娘化妝同set頭.  心諗out晒budget, 唔好浪費$500試妝啦.

不過之前見到佢會擺expo, 所以去到就去八下啦, 見到阿joe同佢holala同事, 都幾好傾, 了解埋佢試妝只係$200, 仲有9折添, 而家我big day佢又有期, 心諗當俾自己o既禮物試下, 影返o的相留意都係抵啦, 而且阿joe真係化得好靚!

所以諗左一陣就即刻拎左$200出o黎喇! 期待試妝呢!!

Confirm租衫呀

上星期日去左wedding expo, 主力係睇攝影, 不過Vanesse L.有擺booth, 當然去睇下有冇特別優惠啦.

去到就見有Van, 同佢打左招呼佢就坐低同我o地傾, 因為上次試衫時冇好留意o的EG, 所以就再睇下相薄, 因為自己都心大心細, 唔知係咪真係可以係佢度租得晒o的衫. 不過睇左相薄都唔錯, 就同Van傾package, 上次佢已經俾左個expo價我, 我再問佢有冇多o的優惠, 佢就俾個offer我, 上次送多一件EG可以唔要減$500, 如果downgrade一個package就減$300, . 不過我同佢講而家有好多舖頭都有折, 連Peony都有, 加上我個同學o個間又幾好, 傾多兩傾佢見我咁早join就再額外送多一件EG俾我...  downgrade個package如果upgrade伴娘裙去EG又唔加我錢, 另外額外租媽咪衫, 伴娘, 男禮都係一律$600, 唔計減$500, 而家$6,898就有7件衫, 真係好抵..  仲有Van話佢o地o的衫唔會有撞期, 如果真係撞左就會做件新o既俾我, 叫我放心, 所以我就係抵受唔住佢o既引誘下我就俾左$2,000訂喇!!  咁就攪掂左一單..

唔知好唔好呢, 我鍾意simple, vintage & elegance.. Vanesse o的衫好重釘工, 但我試o個兩件都好靚, 會唔會後悔呢? 

女人真係煩呢...不過我都會繼續去睇下其他衫!

仲有, 要同Gloria講對唔住, 原本好想搵你, 不過我俾個優惠吸引左, 但我仲好記掛住你件vintage gown, 而家諗緊租唔租o黎影相好! 希望再見到你啦! 不過Peony個pre-wedding package又好吸引, 都係$2,280有1WG+1男禮.....又係好煩呢!!!

2010年2月20日星期六

過大海試衫

尋日終於要過大海喇!!  唔再停留係尖沙咀試衫.  因為今日去wedding expo同埋去拎馬拉松o既物資, 所以就約左兩間係銅鑼灣o既婚紗店試衫.

1. Vol.1 Hair & Wedding Studio

呢間係開左大約一年左右o既婚紗店.  不過之後睇blog search到o的衫都ok, 所以特登上去試.. 一上到去大家都嘩左一聲, 原來係我一個小學同學開o既, 不過唔係好熟, 但係都認得 (又要唱返句 "世界真細小小小")...原來Gloria同佢partner一齊開o既, 以前佢o地專係幫artist化妝, 而家就做埋出租婚紗.. 佢可以free 試兩件, 佢o的WG同EG都幾靚, EG主力係A-LINE, 而WG有一件係復古款, 比berfa o個件靚, 荷葉領係用lace做, 另外係有點deep V, 又復古得o黎又sex.  我試左真係好靚呀... 另外我就試左一件銀藍色EG, 又係唔錯喎! 個package都ok, 即join有9折, 如果2人同行有85折, 早18月join就可free一件男禮/8折, 另外早10個月join就可free一件裙掛..

Package A: 1WG + 1男禮  $3,388

Package B: 1WG + 3EG + 1男禮  $6,988

Package B1: 1WG + 2EG  $4,888

Package B2: 3EG  $4,088

2. Peony Bridal

Peony我知道唔平, 不過我約唔到satis factory, 所以就去呢間試下啦, 因為呢間o的衫都幾elegant. Sales好好人又好落力介紹.. 我都可以揀到好多衫出o, o的衫冇乜釘工, 著重質料同剪裁, 我又揀到o的復古款同埋佢o的晚裝都幾靚我就試左一件V領婚紗, 比我預期中好睇喎, sales話好襯我有o的古典味另外一件兩邊有絨花oEG, 都好靚, 不過就著得肥o的啦.. 之後就聽埋佢個package, 都同預料一樣比較貴, 但係又做緊新年promotion至月底package C85, package D 8咁又acceptable!

Package C  1WG + 2EG + 1 + 1男禮   $7,998

Package D  1WG + 3EG + 1 + 1男禮   $8,998

仲有佢有個pre-wedding package好吸引, 真係$2,280就有1WG+1男禮... 不過好似o的款唔會好多可以揀, 但都唔錯呀!

而家真係心大心細添, 兩間都唔錯呀!!

又係尖沙咀試衫

今日又去尖沙咀試衫喇...約左Rosebay同berfa.  不過早到就去walk-in睇下其他舖頭, 睇下o的媽咪衫先.

1. 蝴蝶樹

上到去都好多人喎, 不過o的衫比較普通, 唔係我喜歡的, 媽咪衫就ok啦, 不過不失, 不過租一件要件$1,800, 租兩件就每件$1,500.  可以有8折, 不過都好貴..

2. 溫馨

溫馨好似舊式婚紗舖...真係好多衫, 不過就好難揀, 因為o的衫好迫..不過我主力睇媽咪衫, 佢有新款同傳統款, 我同媽咪都想租o的晚裝款, 冇咁老土.. Sharon好好人又好細心咁同我睇衫, 又介紹俾我.. o的款都幾好又多, 問左都係$800租一件, $1,500兩件.

3. Rosebay

原來呢間係我個朋友o既朋友開o既, 所以我book左之後就可以俾我試多一件, 我就試左兩件婚紗, 一件比較vintage, 另一件就有好靚o既拖尾, 再試左一件紅色有黑色lace o既EG, 不過就冇'叮'一聲o既感覺..但係佢o的EG真係幾靚...而家新年o的package做緊promote至月底可以減$500.

Package A: 1WG + 1EG  $3,688

Package B: 1WG + 1EG + 1男禮  $4,888

Package C: 1WG + 2EG + 1男禮  $5,888

Package D: 1WG + 1EG + 1男禮 + 1伴娘  $6,388  (全部package不包括手飾)

4. A Wedding Role

試完Rosebay就行左去A Wedding Role睇下, 佢冇free trial, 所以都係拎上身照下, 佢就樣樣款都有o的, 都有vintage款, EG就ok啦.  不過不失. 不過租5件都$6,680, 好似其他可以free trial又係咁o既價錢吸引o的喎.

5. Princess

Princess 都好多人上去睇, 不過我冇約就冇得試住, 所以都係睇下o的款, 佢平o的o個條line基本上都係bell shape, 我完全唔like啦.  之後睇左佢V.L Collection 就好o的, 多o的A-line同elegant o的o既款. 原來因為加租問題, 所以佢而家冇左樓上o個層喇..  佢offer到9折. 不過大拖尾要加$980.. 睇左一陣發覺都唔係好啱自己, 所以就走喇!

Package A: 2 Gowns $3,999

Package B: 3 Gowns $4,999

Package C: 4 Gowns $5,999

6. Berfa Wedding

Berfa我主要都係試下衫同埋睇下佢賣走o既衫係點.. 上到去個感覺好舒服..揀左o的衫就試左2件婚紗同一件EG, 都冇乜印象, 唯有有一件WG係復古款有荷葉領..不過個荷葉領係紗o黎..唔係lace, 所以好怪, 而且佢o的布料唔係太靚..  不過我睇左佢賣走o既婚紗都幾平, 都係$1,000至$2,000.. 好多都係$1,000左右..可以考慮一下呢!  臨走前著鞋見到佢門口有幾對鞋, 見到一對lace做o既鞋, 問左訂造價錢都係$399.. 都幾ok喎...如果係出面搵唔到好靚o既lace鞋, 可以返去搵佢做呢!!

Package A: 1WG + 3EG  $6,299

Package B: 1WG + 2EG  $5,299

Package C: 1WG + 1EG  $3,999



試完之後, 我都係念念不忘Vanesse 試o個兩件衫呢!!!!

終於落左訂喇!

今日終於去左expo落訂喇, 落左每圍$1,000訂就換o黎一堆紙啦!!




知道彩福係The One會開, 一問之下要成22萬 min. charge, 真係好貴呀, 所以都係冇得諗! 專心係始創擺啦, 佢o地plan緊會重新執過個場, 換過地氈, 執過佈置, 改大新娘房.. 都好期待添!

今日就開始倒水之旅喇!

2010年2月9日星期二

宴客場地

其實場地我o地已經confirm左好耐, 不過唔記得post出o黎...

經過御苑皇宴同彩福睇場之後, 最後我都係選擇左彩福6/F, 因為傾得好開心!  不過我o地成30圍, 可能會比較迫, 但都ok o既, 熱鬧o的lor!

辛苦晒Connie喇, 有成1年幾會繼續煩你的!





2010年2月7日星期日

再戰尖沙咀

今日又出發去尖沙咀試衫喇!  不過今日好大雨, 對鞋濕晒仲脫色添, 真係好黑仔. ..  不過一試衫就開心返!

今日去o既地方都係自己睇中o既舖頭, 總共去左3間..

1. Vanesse L. Couture

呢間係我一開始搵婚紗時已經睇中左, 所以今日上去試時已經好興奮..  上到去係阿Van serve我, 睇左相簿之後揀左一o的款, 佢已經知道我好鍾意lace, 所以就搵左幾條俾我, 我一睇就好鍾意一條維多利亞款, 當然跟satis factory vintage gown有o的分別啦, 不過我一著就覺得好靚喇, 就係我杯茶... 跟住再試另外兩款lace就麻麻地, 因為我都係鍾情A-line款, 而且又唔會拱起o既...之後我就試左1件紅色o既中式EG, 真係好靚呀...勁鍾意...試得太開心又同阿Van幾好傾, 傾左佢係彩福擺酒o既o野添, 試完之後我就興奮得濟冇再試其他, 然後阿Van就講左一次package價錢俾我, 同各位bride-to-be講o既一樣, 個價錢都係within我budget.  不過我今次試o既目的就係係expo前試左先, 如果啱就等expo再join, 睇下仲有冇o的優惠ma, 所以我當然冇落訂啦, 忍到手, 不過阿Van都冇乜o野, 叫我慢慢諗, 仲俾張expo邀請咭俾我添...我諗我好大機會會租佢啦!




我就試左呢兩件好鍾意喇, 其他兩件就搵唔到o的相!

2. Grandness Co.

試左差唔多個半鐘, 我o地又出發去加拿芬道o既Grandness Co. 又係落緊雨啦, 對鞋仲係好濕, 所以好唔舒服...

因為早左到, 而且又有新人試緊, 所以我o地就睇相簿mark相先.. 我見佢o地又有人試妝, 又有新人睇緊相, 都幾好生意喎! 

終於到我試喇, 其實WG唔係好多心水, 因為我太鍾意Vintage款, 而佢o的款比較elegance, 所以係好難揀底下都揀左兩件, 再加一件我覺得好靚o既EG.. 佢o的款同質料真係唔錯的..仲有因為我比較高大, 好多衫都比較細, 個sales見我fitting完效果唔多好, 特登即刻入去改大o的俾我再試, 又好細心fitting, 呢樣真係要讚下, 咁o既服務態度先啱o架ma, 不過因為我太鍾意vintage款, 所以都係未有"叮"一聲o既感覺, 佢個package都ok, 不過就唔包首飾, 所以我o地都係再諗諗先就走喇!

3. Elegance

跟住我o地就去左金巴利街o既Elegance, 入到去得一個sale, 而且佢又serve緊另一個客, 咁就唯有睇相先啦, 之後等左好耐我o地都好眼訓佢都仲serve緊個客... 到後來個sale行過o黎問我想要乜o野款, 我揀左o的, 有o的出左街有一件vintage o的就賣左...ohoh!! 咁就揀左兩件試啦, 點知入去fitting佢就叫我自己試就走左, 著左佢都有入o黎幫幫我o既...但係整個過程好快, 好求期咁, 試完就咁俾個pricelist我, 跟住講得好快, 然後佢又去serve返個客..之後17號都有同我講佢究竟想唔想做生意, 好似唔想做我o地生意咁, 偈都冇傾多句, 又好cool...我心諗如果你咁忙serve唔到兩個客就唔好應承我試衫啦...個package又唔係平, 所以我o地就好失望咁走左喇!!  相對Vanesse L.同Grandness o既服務態度, 真係冇得比啦, 負分!  呢間, 我一定唔會租lor!!!

今日試住咁多先, o黎就過年, 大家都休息, 過年之後再試過, 亦都會去expo睇下有冇優惠先!

祝各位新年快樂, 甜甜蜜蜜, 心想事成, 萬事如意, 最緊要籌備dream wedding事事順利!!

2010年2月4日星期四

台灣購物篇

事緣我同17號咁啱要去台灣出席飲宴, 雖然只有3日2夜, 不過我o地都唔放過去台灣尋找一下結婚用品, 因為好多網友都讚台灣出品又平又靚, 所以我o地都唔執輸啦, 今次我o地就走訪左台北同高雄兩個地方.

1. 台北 (華陰街, 重慶北路一帶)

呢帶好多結婚飾品賣, 好多又好靚, 價錢都好合理.  唔只結婚o野, 仲有好多可以平時用得添.  我就買左對結婚手套, 一個頭箍同埋一條珍珠頸鍊 (原本想買膠o既, 不過見到呢條, 好重手o架, 佢話係真, 我諗係養珠啦, 不過佢好有誠意拆開俾我試, 而且又真係好靚所以我就買左, 半價左都係$200幾, 都唔錯呀).  這一帶仲有其他頭飾, 手飾都好靚o架, 真係行得好開心.

2. 高雄 (中央公園站新田路)

原本係想去食德國菜, 點知遇正佢o地尾牙休息, 所以就行去新田路再轉去新堀江商圈行, 點知一轉彎就見到一間DIY舖頭, 入面有好多DIY材料, 結婚用品, 小禮物等, 有o的係現成整好可以買的, 我就因為好多o野都未plan, 所以都係睇左先, 不過見到有兩個著左婚紗o既公仔stand好得意, 所以就買左用o黎佈置相薄table都得, 另外亦買左幾包水晶珠用o黎整簽名筆.

3. 高雄 (美麗島站中正路, 中山一路一帶)

呢區有好多婚紗同攝影舖, 我主要係去魅麗拎我訂左o既蝴蝶結, 佢o地o的手工真係好靚, 不過因為我未揀衫, 所以都係唔買手飾住.  之後就係附近行下o的結婚用品舖, 藏愛同其他婚紗攝影舖門口睇下相.

今次旅程雖然好趕, 不過都好開心, 可以買到o的心頭好, 準備好我o既婚禮.. 下次去台灣影婚紗相時再去買過..  哈哈!