2013年3月11日星期一

初試白神酵母

做了包包一段日子, 對做包會產生一份堅持同想做得更好.  麵粉會用日本麵粉, 瘋狂至由日本訂粉回香港.  而酵母則不限於金yeast.  更開始留意什麼什麼天然酵母.  當中經常聽到的是白神天然酵母.

白神天然酵母是來自於日本秋田縣的世界自然遺產的「白神山地」,由「白神山地」的腐葉土分離出來的天然酵母。擁有極大的抗凍抗壓能力,在極低溫度下亦可生存,非常之珍貴的一種酵母。

其實買左白神酵母都一段時間, 終於一試其利害。 我做了好普通的全麥吐司,用的是仙姐17小時發酵法去做一條吐司的份量。

白神酵母唔可以好似普通酵母咁直接加入粉到攪,要先用1份酵母:5份水(35度-40度)開勻喚醒酵母. 先將酵母加入小中不要攪拌, 待2-3分鐘之後就可以用小匙攪勻酵母,酵母會溶晒係水度,即時我已經聞到一股好香的味道,比起普通酵母更香,少了一份酸酸的味道。

用KM打好個中種,我再用手搓左一陣,應該好soft,好彈手。



入盒了,放入雪櫃雪17小時。


雪完之後,我就將中種同其他材料用KM再打成麵團,打好之後又拎出來手搓感受一下,真係好彈手,好柔軟呢,仲有係好輕易就拉起薄膜,比我之前用的普通yeast強。


第一次發酵完成了,聽說白神的發酵力會慢少少,實驗証明係真的,發酵需要長些時間,我發了45mins以上先完成,仲有我放左入Miele開40度協助發酵。但發酵完的氣味好清新,有淡淡的香氣,有人用花味來形容佢。


分割好麵團,靜止15mins。


靜止完之後就造型入麵包箱進行第二次發酵,大約1hr之後就發到9成滿關蓋入爐。


可能好久沒有造方包,手勢不太好,所以做不到頂角包包,但係成品令我好滿意。


包包texture好好,細密,撕開都見到好靚的起筋,一絲絲的,仲要好好食,又冇普通yeast的酸味,食落仲好清香,好Q。




白神山酵母真係非同少可,好滿意好滿意。

下次會與北海道十勝酵母結緣喇! XDDDD

2013年3月8日星期五

越洋敗18 Marmite

呢篇Blog一路出一路笑,真係忍唔住。

年頭已經有留意大根國LC的消息,知道會出18 Marmite同16 Saucepan,全部都係try me 價 12,000 yen。


一眾FANS們都歡喜若狂,當然仲有我們一班敗婦啦。

真係好開心有一位好有雷的義氣婦人立刻訂機票,更有雷係搬8個煲回香港俾我們止渴。我們真係好好好開心呢。

日子一日一日咁過,大家的心就越跳越快,好擔心第一日就會賣晒

終於,義氣婦人不負眾望,成功速購8個Marmite回港。

大家仲約左一日出來拎煲,我就見到我的Chiffon Pink 18 Marmite.  真係靚到冇朋友,同埋好QQ呀!!!!  仲有LC出用Maple Wood做的镬鏟同湯勺。



大家急不及待為18 Marmite進行開光大典,就係整鮑魚公仔麵



8煲齊發......簡直係奇觀。大家都笑到肚痛。



食個麵都正過人呢!

真係好開心可以擁有佢呢!

之後正正式式我為Marmite整左個薑蔥雞煲開個光,都有半隻雞,仲有空間呢,比我想像之中容量大同埋都幾好炒的。





2013年3月5日星期二

Miele蒸爐入手了

真係冇諗過.....當初入伙時都有想過買Miele的焗爐, 但就係太太太貴了, 價錢令人卻步.   所以我入伙時沒有敗下Miele.

一直都同自己講, Miele太貴了, 發下白日夢算啦!

點知越不買返而個心好唔舒服,  經常留連各大電器舖, 甚至去德國honeymoon, 出trip北京, 都不由自主地留意Miele, 加上敗婦們有MIELE 蒸爐令我坐立不安.

到我煮除夕大餐時, 得兩個爐頭的我, 發現真係唔夠爐頭用, 烚薯仔, 蒸南瓜等需要時間的工序佔用了我的爐頭, 拖慢我煮其他野的時間, 腦裡就浮現左Miele蒸爐的樣子, 把心一橫就決定下訂.

order左唔夠一星期就有貨了, 一返屋企一大箱


拆左之後, 真係好靚仔呢.......



今期買爐仲額外有個盆同蓋送, 賺左呀!!


急不及待set好機試左水就開始了第一蒸, 燒賣...  真係好方便呢, 又唔駛睇火, 又快.


再來就係燉湯了, 一個爐我可以燉4盎, 再加LC Stoneware ramekin 同pot係上層, 一次可燉好多份量.  慳水慳爐火. 讚呀!!!!


訂Miele時臨近新年, 開始了我自中學之後冇整過的蘿蔔糕, 就係因為有Miele我先再開始整, 因為實在太方便了, 可一次過蒸好多底糕.


而家Miele可一次過蒸3樣野, 我當左多了3個爐頭, 真係好抵買, 而家煮飯冇之前咁狼狽, 完全輕鬆左好多.  好開心呀!!

而家要好好運用部Miele仔, 希望可以令我入廚生活再多姿多采些.   亦希望Miele可以多開workshop等我可以參加, 再學下點樣用下部機啦!

2013年3月3日星期日

【深夜食堂煮婦同樂會第37話】紅豆湯 (附食譜)

好耐好耐........ 冇交功課....... 就來被人追殺喇.

所以今個星期點都要交返功課先.

今個星期深夜食堂題目係紅豆湯.... 亦即係我們的紅豆沙.  我就最鍾意食喇.

係深夜食堂內的紅豆湯是以罐頭整的, 不過我都係喜歡自己煲呢



材料:

十勝紅豆      150g
水                  4碗
冰糖              適量
陳皮              1片

白玉丸子:
白玉粉           40g
水                   40ml
抹茶粉           少許

做法:
1. 紅豆先用水浸過夜, 如果沒有隔夜, 可將紅豆放水內, 加入冰塊, 放入雪櫃雪最少4小時.

2. 煲內加水, 煲滾水後加入紅豆, 再加入陳皮.  待再煲滾時轉小火煲1小時30分鐘至2小時. (如果煲好後覺得水份太多, 可開太火讓水份快點蒸發.


3. 加入冰糖煮溶後關火.
4. 白玉粉逐水加入水份慢慢搓成團. (如果粉團太乾或會搓出粉粒, 可加入少少水搓勻)


我將粉團一開為二, 其中一團加入抹茶粉搓成抹茶粉團. 再將粉團分割搓成小丸子.


5. 燒滾一煲水, 將小丸子放入水內, 待丸子熟透浮面即可盛起.  再用凍子沖洗過冷河.

6. 最後, 用碗盛起紅豆湯後加入丸子在面即成.

真係好好吃呢, 用白玉粉整的丸子加埋紅豆湯, 真係好正, 令我想起在宇治吃甜點那個情境呢.