2011年8月14日星期日

自家製車頭花

今日又完成左一個item喇!!

因為big day當日我已經有一架花車, 所以冇租主花車!  所以唔會有車花提供啦!  上網搵左一輪, 發覺車花都幾貴, 起碼做一個都over $600, 所以同自己講, 又唔係唔識整, 點解唔自己試下整呢!!!

所以上星期上開大陸, 又去左買左一大埋絲花返o黎, 加上之前係買左個專係for車花用o既絲花泥.

星期尾就開始開工喇!!

開工前狀況, 呢度只係一部份絲花only




整整整, 插插插之後就變成咁喇! 真係好鍾意呢, 一路整時已經好開心, 整完之後好有滿足感呀!! 



多謝泡泡提醒我可以同簽名筆襯返同一個theme, 所以我係o的繡球花度又加左o的珠珠, 感覺好襯同埋好Grand咁呢!!

得閒要再整埋車門花先得!!  努力努力!!!

2011年8月9日星期二

My Ribbon Bag

呢排不停shop shop shop, 買左好多絲帶, 準備搞我o的大project!!!  不過太多絲帶唔知點放好, 每次用o既時候都覺得好亂, 好煩!!  不過好在之前睇過Jessica o既blog, 又上左youtube睇下, 真係發現新大陸咁...所以我就買左個化妝袋整左屬於我自己o既ribbon bag喇!!!

真係好彩買左個波點化妝袋, 打左成晚eyelet, 成身汗, 終於完成...  同埋而家可以一次過睇晒所有ribbon...原來我唔係紫色最多, 係藍綠色最多.....咁即係.......可以再買多o的!!!  不過我打左好多個, 而我o的絲帶原來又唔算太多喎!!!



呢個方法真係好好, 以後一襯ribbon就拎佢出o黎, 攪掂!!!

2011年8月4日星期四

自家製簽名筆

幾經辛苦, 終於完成左我o既簽名筆, 之前個人太hea, 最近開始緊張, 所以今個星期就專注係屋企整簽名筆.

一路整一路好興奮, 自我陶醉添!!
不過我自己就好滿意喇!

來張大合照先!!


呢六枝都係配合我個THEME Purple+Green.

整左3支Purple, 3支Green, 不過o的襯花都會配合返個theme, 來個 purple+green o既crossover!!!

有埋我鍾意o既lace, 加埋珍珠即刻覺得grand左!! hehe




放左落個玻璃樽真係好靚呢!


而家諗緊整唔整埋蝴蝶結同埋加唔加隻蝴蝶係花上面!!!  好多心咁呢!!