2013年8月22日星期四

初試法棍

做包已經有一段時間, 17小時包包玩過, 而家連天酵都玩埋.  但一直我都未玩歐式包, 個心都總係好驚好驚唔成功.

我特別喜歡食法包, 所以真係好想整.  見師傅豪姐的法包真係好靚, 好希望可以整得好似佢咁靚.  工具我已經準備好, 但一直未去整.

剛好星期六約左敗婦Q為佢新買的KM開光, 豪姐又順道示範一次法包做法. 睇完豪姐示範一次之後我自己信心大左.  所以即晚做好Poolish.

Poolish:
法包粉     40g
水            40g
白神酵母  0.6g  (如用天酵則8g)

法包粉我試用了在富澤商店買的由鳥越製粉出的"France"粉.



將所有材料拌勻, 放室溫發酵至第二日. 第二日Poolish會升高又有泡泡.

photophoto (1)

第二日完成好個poolish之後, 就可以開始做個主麵團了.

主麵團:
法包粉     65g
高筋粉     35g
水            50g
鹽            2g
蜜糖        小許 (原食譜為麥芽, 不過我冇, 所以用蜜糖代替)
poolish    所有

做法:

1. 將所有主麵團材料拌勻, Autolyse 30分鐘.  (此時麵團都比較乾身)

IMG_8298

2. 30分鐘後進行第一次翻麵, 上下左右向中間用膠刮協助翻麵.  每隔30鐘再翻麵, 總共翻3次.

IMG_8301
IMG_8304

3. 第3次翻麵後發酵1.5小時. 此時可以先用220度預熱石板.  發酵完成後就將麵團輕力倒出至撒滿麵粉的發酵布上.

IMG_8305

4. 輕手將麵團搓成長條型, 再在發酵布內最後發30分鐘.

IMG_8306

5. 尚餘20分鐘發酵時間,將SS盆 (我沒有用了一個大焗盤) 放入焗爐跟石板一同預熱20分鐘.

IMG_8307

6. 法棍發酵完成後撒高粉, 用刀片進行割包. 再噴水. 法棍入爐蓋SS盆焗15分鐘,再取走SS盆焗多15分鐘上色.

出爐都見到有好明顯的爆裂, 見到少少耳仔.  我已經興奮得好緊要.



最緊張就係睇下入面有冇窿窿啦.  切開之後我仲好開心呀! 因為見到窿窿呀!!!!!!!!!!!  我一路係屋企跳舞.  對住17號我差點哭了.  係開心到想哭.  因為我成功了.



我的第一條法棍.  我好滿意呀!!!!  終於自己整到了, 唔駛再出街買喇!   我要再努力整得更好.  唔好失禮師傅豪姐.





食譜源自:莎莉豪  貪玩

2013年8月19日星期一

仙姐「無包不歡」體驗

由喜愛做包不久, 已經找不同方法嘗試減低包包老化的情況, 希望包包可以維持幾天都是軟熟的.  就是因為這樣, 接觸到仙姐17小時包包.  做過之後真的沒有再做直接法.  最近書展仙姐出了新書.  當然我也不會錯過買了一本啦.  呢幾個星期都是練習書內的包包.  做了數款包, 真的好好吃呢.

紅菜頭桂圓包, 散發陣陣桂圓味, 好養生似的.



菠菜芝士包, 呢個包17號激讚'



法式忌廉吐司, 個包內裡非常之軟熟, 沒有加牛油只用法式忌廉都可以好正



仙姐包包真係好多款式, 有o的真係唔常整.  要多多練習先得了!!

2013年8月13日星期二

籠仔奄仔蟹蒸糯米飯

其實我不常吃蟹,因為懶惰的關係,要咬開蟹殼覺得麻煩,所以比較少吃。但前陣子朋友們都弄了籠仔蟹糯米飯,我也很想試試看,看似很好吃似的。所以趁假日同17號去了大埔街市買食材,在海鮮檔看到一斤奄仔蟹才$72,價錢很合理,就買了一隻接近1斤的奄仔回家($68),回家那天沒有時間弄,我就將奄仔放入28cm staub 入面,加一點水,再將蓋蓋上,留下少許隙縫,第二天要劏蟹時,蟹仍是非常生猛的。



 
材料: (2-3人份量)
奄仔蟹            1(1)
糯米               1
乾荷葉            1
蒜頭               7-8 (切粒)
芫茜               2 (切小段)
                  3(切粒)
                  2湯匙
蔥花               1
雞湯               5-6湯匙

調味:
紹興酒            1.5湯匙
生抽               4茶匙
老抽               2茶匙
                  1茶匙
 
做法:
1.    糯米先用水浸3小時,每隔一小時換水一次,隔水備用。
2.    奄仔蟹用小刷洗淨,去鰓後,拆蓋及蟹鉗後,將蟹身斬開2件。


3.    荷葉先用滾水煲至軟身,抹乾後放上蒸籠,按蒸籠大小裁剪荷葉,在荷葉表面掃上一層麻油。
 

 
4.   油下镬燒熱,加入蒜粒及薑粒,待蒜粒炸至金黃,下糯米扮勻後關火。

 


5.   下調味興糯米炒勻,將糯米平舖於荷葉上,用筷子在飯內開一些洞(方便把糯米蒸熟),灑上3湯匙雞湯。
 

 


6.    將糯米飯放入蒸爐,用100度蒸15分鐘,再灑上2湯匙雞湯再蒸15分鐘。
 

 
7.    糯米飯蒸好後將蟹舖在飯上,再入蒸爐蒸10分鐘。趁出爐時灑上芫茜即可。

 
味道真係好好。加入炸蒜及薑粒在糯米飯內,真是非常夾的。整個糯米飯充滿了蟹的香味,好鮮甜呢。

2013年8月5日星期一

我的專頁

自從嫁左為人妻之後, 我建立了另一個興趣, 就係下廚.  中西日韓東南亞菜式我都會整, 加埋做包.  每天的時間都唔夠用. 令我沒有太多時間去做手作.

所以令我FACEBOOK手作專頁停了運作已好一段日子了.  真係有點不好意思.  但我又想繼續係FACEBOOK跟大家有多點交流, 始終FACEBOOK我會UPDATE得快些.

所以我開了一個新的專頁, 以後我的生活點滴, 下廚實驗, 包包分享, 以致係手作, 都會係FACEBOOK第一時間同大家分享的.

請大家多多支持及分享交流啦!!!  多謝大家!!



https://www.facebook.com/cheezehomemade