2013年11月3日星期日

自家製黑蒜大成功

認識黑蒜,係有一次去大埔街市買餸時行經一間舖頭,見到有好多人買黑蒜,個老板介紹我知黑蒜是什麼,我當時買了一粒試下,盛惠$25,一點都不便宜。及後,我行街及去台灣都經常見到黑蒸的蹤跡。
之前看過東方日報一篇文章介紹,黑蒜有益氣活血、清心安神等功效,能促進新陳代謝、增強腸胃功能、調理血液循環、消除體味體臭、增強體質精力、改善皮膚質素、具備殺菌功效等多重保健作用,適合渾身無力、體質虛弱、氣血不旺、四肢痠軟、身體欠佳、常感疲勞、缺乏耐力、面色灰暗等人士食用。值得一提,黑蒜更能促進身體血糖代謝分解,適合關注血糖人士,用以代替鹽、糖和味精,對健康有莫大好處。
黑蒜看似好有益,但實在貴了點,所以我都沒有再買來吃。
但之後我在網上見到有人話用電飯煲都可以自製,但最少要12天先有成品,我都猶豫了。最近,在敗婦們聚會中,敗婦M自製了黑蒜讓大家試試,令我增加了自製的動力。所以,聚會後第二天我便買了兩斤獨子蒜開工了 。

 做法係:
將獨子蒜用乾布輕抹表面清楚一下;


將獨子蒜平均排係竹墊上, 一層一層放入電飯煲內; (我整了3層, 共2斤)


3. 好似平時煮飯咁開啟電飯煲 (cook rice mode);

4. 待煮好後會轉為保溫(keep warm), 維持此保溫狀況12-14日, 即成 ;



黑蒜放在當風的地方吹乾後,放入玻璃樽保存,1-2個月內吃完。


我就會一日食一粒, 飯後慢慢"妹"下, 等o的酵素分泌出來。

Remarks:
1. 蒜頭最好用帶紫的比較好,獨子蒜就最好不過了;
2. 聽人講放係最頂的黑蒜成品沒有下層黑, 所以我去到第7日左右我會開了電飯煲調換黑蒜的排位.


3 則留言: