2010年6月7日星期一

Pre-Wedding by Ooops Production

又又又o黎影pre-wedding, 繼上次Brian o個輯係free, 今次又搵到一間都係free, 不過今次就係影studio, 仲要係完完全全free, MUA同衫都包埋, 只係帶Girdle, 男恤西褲就ok....好方便呀, 仲要係studio唔駛怕熱添!


我就book左夜晚6:00-10:00...之前同17號去左青衣城係阿拉廚房食左個tea, 然後就搭巴士去studio, 我o地好準時到, 化妝師係好後生o的Hsiao, 都係啱啱到, 而攝影師就係Karma, 我就開始化妝, Hsiao都好快手, 而17號又施展佢吹水o既本色同Karma吹水...差唔多化完Icy就到喇....



完成第一個造型準備去影相喇!


中途ICY唔想我次次o的相都係用birdcage, 所要幫我換過大花!

影相o既過程都好開心, Karma會有一o的指定o既post, 而我都print左一o的reference俾佢, 係Rex同Mars之前o既相, 佢o地覺得好有用, 有o的post都跟住去試下影, 佢o地話好靚... 到轉妝時因為我帶左我件斗蓬去, 所以揀左件吊帶lace WG再加件斗蓬, 真係正, 同埋原來Icy都鍾意vintage, 仲有係satisfactory買過gown仲整左個headpiece, 佢竟然出動佢個珍藏俾我影相呀........ 真係好靚呀個headpiece....所以全個過程都影得好開心呀....

好靚同好貴o既satisfactory headpiece呀!!!

點少得同17號o黎張合照呀!!


影完之後Karma送我o地去搭車, 佢都同我o地講佢o地7月個檔期已經好full...而8月開始如果想拍就要俾$500喇....真係好彩喇! 影studio真係好舒服同輕鬆, Karma又會播o的好舒服o既音樂, 真係好正!

1 則留言: