2010年6月17日星期四

向浪漫進發 - 我的蜜月之旅

6月頭有一日收到Mrs Chik Chik嘅邀請參加一個blogger聚會,我當然好樂意出席啦,不過後來收到個email原來係要做功課,參加ZUJI蜜月創作旅程比賽」,仲要寫1,000字添,我即時滴晒汗啦。因為距離我大喜日子其實仲有14個月, 可說是頗漫長嘅時間,好老實我都未有好清楚決定自己honeymoon係點。


但既然應承咗就要做好呢份功……課啦!


其實同男友拍拖已經10年了,一直都有諗過同佢結婚時會去邊度渡蜜月。一直以來我去旅行都係圍繞亞洲區,加上我又係「日本癡」成日都飛去日本,所以我唔想honeymoon都係亞洲,我決定我同17號嘅第一次就係honeymoon度發生……就係我要衝出亞洲!


要衝出亞洲, 17號有個心願講左好多年,就係好想同我去白俄羅斯honeymoon,但因為我平時都唔鍾意跟團,會自由行居多,我怕白俄羅斯治安唔好同埋局勢唔穩定,所以暫時都唔考慮住。而我一直都好想坐遊輪去渡蜜月, 有人話係年紀大嘅人先會咁做, 不過我覺得relax得嚟又可以去到我想去嘅地中海!都唔錯呀!其實前幾年去Travel Expo時都已經拎左好多資料, 不過今年起左好大嘅變化喇!


我同17號都鍾意睇歷史嘢,自然景色,感受當地風土人情,唔鍾意太商業化同人多嘅地方。所以我哋最終決定去東歐,因為上年細路去過,激讚東歐嘅美。加上東歐商業味冇咁重,啱晒我, 完完全全吸引左我令我放棄咗遊輪假期。係邊度令我改變咗呢?


 


登登登登.........就係波蘭同捷克

波蘭其實唔係好多人去,但佢真係好靚,物價又比較底,波蘭人又好人,同埋係波蘭出名多靚仔靚女呢!不過波蘭同捷克其實真係好淒美,因為兩個國家都經過戰爭嘅洗禮,長期處於四分五裂嘅處境,經過艱苦先有今日嘅波蘭同捷克!正如我同17號呢10年來都經歷過,而家終於修成正果一樣,對我哋嚟講真係好有意思。同時間,17號係歷史人,對2次世界大戰好深刻,所以一定要去體會,波蘭正是一個好好去體會嘅地方!


大家都知我好鍾意Vintage style,已經係澳門影左一輯有vintage gown嘅相,但我唔滿足,係搵資料嘅過程中,我睇到捷克CK真係好靚,啲Castle同巴洛克式建築物真係好靚,而且保存得好好,我就諗起要vintage一番就一定要去歐洲,所以我決定要帶住我條vintage gownhoneymoon DIY 我嘅wedding photos,咁就真係好完美,諗起已經好開心呀!仲有因為平時17號都唔浪漫,所以我要去歐洲浪漫一下,希望到時佢俾返個浪漫嘅感覺我啦!



係布拉格影相真係好正好有feel呀!!!  個景加埋我件vintage gown... 一定好正啫! 我已經好想飛過去喇!


(photos from: http://www.prague-wedding-photographer.com/ & http://hk.myblog.yahoo.com/alfa147ssts)


唔講咁多……search機票先!其實平時我都有係ZUJI訂開機票,因為有時有visa card promotion, 又唔收service charge!讚!


我哋諗住big day之後就去15日,不過係出年未有價,所以用左今年做參考先,我哋先去波蘭嘅華沙,再由波蘭玩到去捷克。所以就要去search由香港去華沙嘅機票。



(Source: Zuji)


兩張機票計埋都係$14,534,都ok喎!不過咁大個女第一次坐十幾個鐘機唔知頂得住冇呢?為左夢想同浪漫……我一定得嘅!

1 則留言: