一直以o黎都冇整過戚風蛋糕, 但其實一直係有戚風模係屋企, 但因為上次gathering小藍帶左佢個戚風蛋糕出o黎請我o地食, 食過又覺得真係唔錯喎, 加埋佢自家製抽子醬真係好正, 所以星期五突然好想自己整, 睇左食譜又唔係好難同複雜, 所以決定星期六整!
原來戚風蛋糕真係有好多唔同o既整法, 但我又好想整濕潤o的, 好似美Xo個o的魔鬼蛋糕咁, 所以就試下用加水整o的食譜. 整o既過程中我覺得個蛋糕糊好liquid. 以為會失敗, 真係好驚....點知焗左10mins左右, 開始見到佢升起, 仲慢慢升得高, 個心都跳左出o黎...好開心呀!!!
焗完之後就用針試下, ok熟左就出爐. 倒扣左1hr多o的就涼晒, 因為屋企好大風好涼!
脫模後攤左一陣就切喇, 個蛋糕都好彈好挺身, 急不及待食左一件, 一o的都唔乾, 好濕潤, 又彈彈地, 唔知係唔係好似小藍講o既Q 潤呢?
屋企人都話好食, 咁我就有信心喇, 星期日去EXPO, 咁我當然就係拎o的伴手禮俾我親愛o既Joe啦, 為Hoolala團隊打打氣. 
下次再試下整其他味先得...咁想整埋果醬呀!
A
回覆刪除