芝士的生活點滴: 6月 2010

2010年6月28日星期一

又睇場

自從年頭去過彩福睇場, 一直係佢翻新左之後都冇再去睇過! 趁上去再交訂時順便睇埋, 咁啱又冇人擺酒, 咁就可以去加大o左o既新娘房睇下喇!

車立位一出地氈都換左, 我覺得唔錯, 好靚呀, 到時我會整個welcome board. 圓枱位置至知客位應該會係相簿區!

Reception位都ok, 不過我可能到時會唔要個框! 但佢o地reception佈置有o的殘, 到我big day時都應該會換左, 而我又會自己佈置一下, 應該冇問題! 旁邊會放candy corner!

個場真係越睇越靚, 樓底好高又冇柱位, 晚宴時會有紫色o既LED燈令個場營造成紫紫地o既色, 合晒我個theme color, 個backdrop白白地襯乜o野色衫都得, 唔駛咁煩, 任我發揮!

幫水晶燈來個close up先!!!

檣身怖置, 晚宴時紫色LED燈就係度出喇! 到時會變成紫色!

新轉o既地氈, 我好鍾意呀, 比起之前o既暗紅玫瑰花更明亮, 唔會令o的相出o黎好暗!

台又係加高左, 而家個高度都好好, 同埋應該唔駛加錢整毛毛地氈, 因為本身紫色台個絨面都幾grand!

近o的影下個台! 真係已經夠晒靚, 唔駛再用錢去怖置, 可以慳返o的錢!

到左重點o既新娘房, 之前都未睇過, 但知道係好細, 不過佢o地翻身時加大左個新娘房!真係大左好多, 而家好闊落呀, 簡簡單單o既設計, 仲有部電視可以睇到出面o既情況!

今日睇場匯報到此為止, 整體上我對個場o既喜愛有增無減, 已經合符我o既要求, 因為已經好靚了, 又唔駛我用好多錢去佈置. 其實個場唔需要最perfect, 唔一定要係頂級靚o既, 總之o個日大家開開心心o黎分享我o既喜悅, 最重要係我最靚就得啦, 唔好俾個場搶左我風頭!

另外落左去4/F睇, 雖然有人攪event, 不過我望過個場又唔係好似o的jm咁講好唔得, 我覺得都靚喎, 地氈轉左同個場有o的decoration改左, 令個場冇之前咁暗紅, 其實好多攝影師之前都講個場太暗紅影相效果唔好, 而家明亮左應該o的相會好好多, 各位jm可以放心啦!

唔知到我big day又會唔會再有變化呢? 有機會待續......

2010年6月26日星期六

上個星期做完份Zuji功課, 我知道我都冇機會會贏到機票, 我心目中已經有一個人選了, 不過今日就係我o地gathering嘅日子喇!!

今日真係不宜出門, 我用左2hrs先出到去, 因為一出東隧就塞, 落到北角又塞...攪到我要落車轉搭地鐵.....但都遲左25mins......真係唔好意思呀各位靚靚blogger!

今日好多謝Mrs Chik Chik嘅安排, 令我o地一班jm有機會聚一聚, 開始時由Zuji負責人Kitty同我o地介紹Zuji網上訂票同埋一系列o既配套服務.

然後就請左婚禮統籌師兼當紅司儀Tim Lau為我o地講下plan蜜月旅行注意o既地方同埋邊個蜜月地方係比較特別. 原來Tim都係2011年結婚o架! 恭喜晒!

阿Tim share完之後就等唔切開始我o地嘅tea time呀, 好驚喜呀, 有Cake2 嘅蛋糕食呀....各位jm超興奮呀, 可以試6款味道, 仲有cup cake同朱古力tart, 仲有其他o野食添呀!!!

奇景o黎喇, 大家唔係第一時間食o野, 係第一時間餵飽部相機!!

呢份係我o既, 有綠茶紅豆, 咖啡, 綠茶栗子, 榛子朱古力, 仲有一件係有桃o既, 另外再試埋栗子cream cup cake.....多到擺唔晒, 食完之後就再試埋黑森林味!!

真係食到好飽呀!! 我連dinner都唔駛食!

我o地一路食一路欣賞攝影大師Ben Tang為我o地分享海外拍攝o既資料同埋需要注意嘅地方. 睇左好多靚相同埋video, 各位blogger睇到嘩嘩聲呀!阿Ben仲特別為左今次活動整o左條片, 真係好正呀!
http://www.blog.photobyben.hk/oversea-pre-wedding/2010/6/26/photobyben-overseas-pre-wedding-2010-1st-half-summary.html|

最後我o地就share返我o地o既蜜月之旅同埋參加比賽o既感受....跟住就公佈比賽o既得主, 一如我所料, 係由靚女Cherry (chekenken)得獎啦!! 佢贏到雙人阿姆斯特丹來回機票呀!!! 因為佢真係好勁, 個行程真係好details, 真係比唔上佢啦! 恭喜你呀Cherry!

當然大家都一齊影返張合照啦!! 得獎真係有大支票o架!!

雖然我中唔到機票, 不過我o地每人都有一張$500 ZUJI Cash Coupon (我之前都估紀念品係cash coupon). 我10月紅豆之旅又可以平$500喇!!

今日真係好開心呀!!! 可以認識各位準新娘, 仲有同我同一日big day 嘅陳家新抱, esd monalisa 9妹 Nornor相認左. 超開心呀!!! 大家繼續加油呀! 遲o的有聚會再見大家啦!

後記: 原來Zuji將我o地o既行程放左佢個website度, 仲度身訂造左段caption俾我o地每個行程添呀!

我o個段係 "東歐一向都是一個既浪漫又神秘的國度，來看看怎樣擁有一個公主式的蜜月假期吧!" 好正呀, 不過我要強調一下, 我想浪漫一番, 不過我冇公主病o架!

http://www.zuji.com.hk/site/travel_deals/promotions/honeymoon_ZH.html?source=SOCIAL_facebook_since20091120

2010年6月25日星期五

屬於我倆的wedding logo

由3月15日等到今日, 之前係 4marry.net申請嘅免費wedding logo終於到手喇!!

免費嘅嘢都真係唔錯喎! hehe!!

睇下個logo可以做啲乜先!!

題外話:

有jm都會講等左個logo好耐都未有. 其實佢o地會將個logo放係一個website度, 大家定期去check下出左未啦!

http://4marry.net/forum/forum-50-1.html

如果出左個logo, 你就留言叫佢send返個原稿俾你..不過我留左2次言都冇回音, 後尾直接send email問佢o地拎就好快有reply喇!! 可能佢o地真係太忙太多logo要design啦! 都可以體諒o既!!

2010年6月20日星期日

令人感動的Wedding party

偶然間發現我嘅第100篇網誌原來係呢篇, 我將佢奉獻咗俾你呀 - 小藍!!!!

尋日係訓得4hrs 嘅時間我出席咗blogger小藍嘅婚禮, 我同小藍都有好多共通點, 其實大家已經係masa x 紅豆好姊妹了, 佢係我哋一班babies中第一個結婚, 我哋當然係好興奮一定要同佢一齊分享佢嘅喜悅啦!

一大早扑左出尖咀, 約咗MM, Carol, Fi, 阿風食早餐, 之後就去註冊處見証小藍同袁先生嘅重要一刻! 仲有見到我big day photography - 阿Jan添!! (佢都好意外見到我同阿Fi).

小藍真係好靚呀, 個樣好典雅, 仲有個MASA頭真係好靚好襯你, 恭喜你可以將佢帶左嚟香港!

下午我同MM, Carol就join埋紅豆班jm去咗Ease Cafe繼續參加wedding party. 第一次參加婚禮係喺cafe o架, 感覺好得意, 大家好relax好close. 感動嘅時刻就係度發生. 原來成長片段嘅歌係由小藍作詞同主唱o架..講述咗佢哋7年以來嘅經歷. 另外, 袁先生都為小藍帶來驚喜, 就係特登去學咗結他自彈自唱咗一曲Oasis嘅Wonderwall送俾小藍! 真係好sweet好幸福呀! 真係好感動, 袁先生仲喊咗兩次, 攪到我哋一班jm都眼濕濕.

仲有仲有, 小藍真係好利害, 有好多diy嘢, 回禮曲奇, cupcake, wedding cake, 相架, 簽名筆, 食物牌等等...真係好勁, 仲有係好好食呀!!

我哋成班留守到最後一刻先走. 之後就去左買貢茶飲, 多謝小車!!! 然後就去左金都同Ling Ling睇WG, confirm埋轉款, 係一班jm壓力下, 金都阿姐冇得say no. 最後就去左M 記DIM JACK, 多謝迪比呀! 食完之後就搭車返屋企繼續作戰. 完成埋我ZUJI份功課!!

今次Wedding party真係好特別, 我經歷咗好多我嘅第一次, 多謝小藍, 祝你永遠幸福快樂, 早啲同袁生有你哋嘅愛情結晶品!

我的第一次 - Scrapbooking

上星期收到一間Amor Wedding & Workshop 嘅msg話有一個free嘅workshop, 教大家整bridesmaid invitation card. 真係好正呀, 因為佢係以scrapbooking為藍本去教, 我都想學好耐, 所以我即刻報咗, 仲叫埋紅豆幾個jm報! 好在都有小露比同malau報到, 小車同美玉就要下一堂先有位喇!

因為Amor好近我返工地方, 所以好方便, 上到去環境真係好舒服, 地方都ok大, 原來佢o地都做埋好多wedding一條龍service, 不過老板之一嘅Olivia鍾意教scrapbooking!