芝士的生活點滴

2010年6月20日星期日

向浪漫進發 - 我的蜜月之旅後感

終於完左咗我嘅蜜月之旅創作!

真係好唔捨得呀, 而家剩係plan都未去我已經唔捨得喇! 好想快啲去波蘭同捷克! 實現我嘅浪漫之旅, 同埋真真正正係咁有歷史價值嘅地方影到一輯復古嘅婚照, 實現我嘅復古夢!

今次參加Zuji呢個「ZUJI蜜月創作旅程比賽」真係好機緣巧合, 多謝Mrs Chik Chik嘅邀請, 可以鞭策到我咁早已經plan定出年嘅honeymoon行程, 唔駛到下年先計劃. 盡早做左都安心啲. 雖然行程同內容未盡完善, 不過已經可以令我同17號對兩個陌生嘅國家有咗初步嘅了解.

其實做呢份功課真係好辛苦, 因為係好短時間內要完成, 加上最近好夜先返屋企, 每日都做到好夜, 尋晚仲要做到3點, 今朝一早起身又做, 然後又要趕出去出席blog友小藍嘅婚禮, 今日發覺自己真係好多火, 牙根位又出左一粒好大粒嘅嘢, 仲好痛添! 可能真係唔夠訓上火了! 17號見我咁辛苦, 今日帶左我去食龜靈膠下火, 多謝你咁照顧我呀! (買一送一抵食呀!)

不過整個Planning過程真係好有滿足感, 因為覺得自己好勁o架, 竟然咁短時間都可以完成到份功課. 所以今次贏唔贏係其次, 贏到固之然係開心啦, 贏唔到我都已經賺咗喇! 因為17號好欣賞我同支持我, 見到我plan完個行程之後已經話好想快啲同我去喇! 其實已經好滿足了!

再次多謝大家嘅支持同鼓勵. 希望大家繼續支持我, 大家都要一齊努力喔!

再次提提大家

歡迎大家俾啲意見同留言呀!!

因為比賽規定，希望大家唔好留私人留言呀!

而且網誌內嘅回應數目都會佔比賽中20%嘅分數呀!

希望大家都踴躍去我每一篇嘅網誌留言支持我啦!

篇篇都係嘔心瀝血o架!

多謝各位支持小妹呀!

2010年6月19日星期六

向浪漫進發 - 我的蜜月之旅 Day 13 - Day 15

我嘅蜜月之旅得返幾日咋!

繼續我嘅行程先!

Day 13

我同17號都好喜歡去到每個國家都會體驗一下。特別係佢哋本土釀製嘅酒或特色手工藝品製作過程。咁啱係Zuji發現左一個體驗團，可以去參觀體驗一下捷克最出名嘅波希米亞水晶製作過程同埋啤酒釀製過程，親身去了解捷克嘅文化。

------> Glass and Brewery Trip

當然都會買捷克嘅水晶當手信啦！

(Source: http://www.prague.net/)

好靚呀!!!
(Source: http://www.myczechrepublic.com/czech-souvenirs/czech-crystal.html)

黃昏返到布拉格可以去遊船河，好寫意咁欣賞捷克美麗嘅黃昏。

(Source: http://www.paroplavba.cz/)

(Source: http://www.evd.cz/)

Day 14

今日係最後一日係布拉格喇，因為今晚要返香港了。

今日會再係布拉格走走，先去猶太區嘅猶太人墓地(Stary Zidovsky hrbitov)，墓地附近有好多哥德式教堂，另外亦有展覽館展示猶太人係二戰時被納粹德軍迫害嘅生活情況。

(Source: Zuji)

之後我哋會返去新城嘅國立博物館(Narodni Museum)，館內展示咗好多係捷克出土嘅史前文物、礦物、化石、標本等等。然後就會去國家歌劇院(Narodni divadlo)參觀。

國立博物館

國立歌劇院
(Source: http://www.worldtravelimages.net/WTI.htm, http://www.narodni-divadlo.cz/)

完成埋呢兩個景點, 係時間我哋就要拎行李去機場搭18:10飛機返香港喇!

Day 15

回到香港，我的浪漫之旅結束了。返嚟會好忙呀，因為有好多相要執，再去整相簿記錄我哋嘅浪漫之旅。

所有行程都係初步嘅計劃, 有待再改良. 不過我已經好想快o的去喇!!

向浪漫進發 - 我的蜜月之旅 Day 10 - Day 12

多謝各位blog友咁大力支持小妹!! 小妹實在感激不盡! 希望大家繼續支持我啦! 俾多o的意見俾我等我可以完善我個plan!

繼續我捷克之旅先!!!

Day 10

今日會再係CK逗留半日，再四周感受一下呢個寶石城。

中午就會搭巴士返去布拉格喇！

行程去到最後幾日，好想住啲好正嘅酒店呀！

呢間個feel真係好正呀!! 好古舊vintage style!!! 好似返左去十八世紀咁!

------> Hotel Caesar Palace

五星級酒店, 呢間房好有希臘渡假feel!

------> Mamaison Hotel Riverside Prague

好豪華呀!!!!!!!! wow!!

之後就去古城(Stare Mesto)，去古城廣場(Staromestske namesti)、提恩教堂(Matka Bozi prod Tynem)、聖尼古拉教堂(Kostel sv.Mikulase)、查理斯橋(Karluv Most)，感受布拉格嘅美同夜景。另外一個重點就係去舊市政廳(Staromestska radnice)，因為廳外有個好出名嘅天文鐘(Orloj)，真係好靚好宏偉！好多人都係度影婚照o架！

查理斯橋

(Source: http://www.discoverczech.com/prague/old-town-square.php4)

Day 11

今日要去布拉格城堡區(Prazsky Hard)，包括要去睇士兵換班儀式。

城堡區主要參觀地方有城堡區廣場 (Hradcanske namesti)、聖維塔大教堂(Katedrala sv. Vita)、舊王宮(Stary Kralovsky Palac)、聖喬治教堂(Bazilika sv. Jiri)、黃金巷(Zlata ulicka)、火藥塔(Prasna vez)、玩具博物館(Museum Hracek)

好多人都會係大教堂結婚, 用佢嚟做background影相真係好靚呀!

(Source: http://www.discoverczech.com/prague/castle.php4)

Day 12

今日會去捷克溫泉小鎮KV(Karkovy Vary)。捷克嘅溫泉係用飲嘅方式而唔係浸嘅。當然我都唔會放過要試飲溫泉水啦，仲有要買返隻溫泉杯先得, 同埋要食溫泉餅呀！走訪不同嘅迴廊，最後會去到好特別嘅韋杜尼長廊(Vridelni Kolonada)，一睹迴廊前廳中央溫泉水池，每隔幾分鐘噴出高達14公尺以上嘅水柱。

(Source: http://www.karlovy-vary.cz/en/, http://en.wikipedia.org/wiki/Karlovy_Vary)

啲溫泉杯好靚好特別呀! 我真擁有一隻呀!

(Source:http://hk.myblog.yahoo.com/jw!OLt5M4qYHw4vYThkc9pOuA--/article?mid=1865)

唔知件溫泉餅係咩味呢?

(Source: http://hk.myblog.yahoo.com/jw!7Pfmzn6aFRs4pfYQut13upw-/article?mid=2478)

探訪完KV就會返去布拉格。去行下新城區(Nove Mesto)，去行下有被稱為布拉格的「香榭麗舍大道」嘅華克拉夫斯基廣場(Vaclavske Namesti)。

右邊幢建築物好得意呀, 好似識跳舞咁! 同附近傳統嘅建築物形成好強烈嘅對比呀!(Source: http://www.worldtravelimages.net/WTI.htm)

我哋嘅蜜月之旅已經進入倒數階段喇!

向浪漫進發 - 我的蜜月之旅 Day 7 - Day 9

終於出發去捷克喇!

Day 7

一大早到左布拉格(Prague)，到埗之後就搭國營巴士去小鎮Telc，香港人去捷克唔多去Telc，但一search台灣嘅網站不難發現台灣超級愛這個文化遺產小鎮。雖然Telc地方好細，但有著一種寧靜舒適的美，加上小小鎮上已經有湖，唔駛長途跋涉先可以睇到。係度住一晚更正，因為Telc古城廣場旁邊嘅建築物已經係民宿，同埋有運更可以租到騎樓屋仔添。