大閘蟹大晒

秋風起 食臘味.
由細聽到大, 非常正確.
但其實秋風起亦令好多人想起肥美的大閘蟹.  秋天確實是大閘蟹的季節.  面書上都被大閘蟹洗版.
雖然我個人不太好大閘蟹, 但朋友們都很喜歡呢, 我就借我家中的Miele蒸爐出場讓他們蒸過夠.
有Miele蒸爐真係太方便了, 自新年整蘿蔔糕等賀年糕點, 用Miele蒸爐一次過蒸好多底, 不需要看爐火. 今次到蒸大閘蟹都是一次過可以蒸好多隻.
今次6個人買了8隻5兩重蟹, 用Miele個盆一盆過放入爐蒸20-25mins. (買蟹時老板說要蒸25mins, 不過我覺得可以20mins).
成盆蟹送入蒸爐好爽呢. 一盆蒸8隻, 可以蒸3盆, 即係可以蒸到24隻大閘蟹. 一次過可以同好多朋友一齊食, 唔駛等蒸幾轉, 好方便喔!!!!

話咁快就蒸好, 朋友們都急不及待起動了!


雖然現在未係食大閘蟹的最佳時候, 但都好多蟹黃, 但未有好正的"立"口感. 白糕也不夠多.  但一試Miele的方便度, 朋友都讚口不絕.


剩係食大閘蟹當然未夠啦, 我仲整了一個麻辣雞煲, 大家吃得津津有味, 食完雞煲之後仲用了雞煲汁加菜湯做湯底打邊爐添.  大家作戰力都很驚人.


幾位知己朋友共聚, 係自己家不受時間約束, 美酒佳餚下談天說地.  真是一樂也.

北菇木耳蒸雞飯

說來慚愧, 買左Miele咁耐都未試過用Miele蒸飯.  一直都用開LC. 因為用LC煲飯好好吃呢!  但最近見blogger們都用LC soup bowl來蒸飯, 有Miele的我當然都身痕, 來個Miele x LC的北菇木耳蒸雞飯過一過口癮.

分量為Le Creuset Soup Bowl (湯盅) 4份

材料:

雞       半隻

木耳    8朵

花菇    1大朵 

紅棗    1粒 (切絲)

薑        3片 (切絲)

米        2杯 (我用日本米)

雞醃料:

鹽麴     1茶匙

紹酒     1茶匙

蠔油     1茶匙

鹽         少量

生粉     少量

麻油     1茶匙

做法:

1. 雞洗淨抹乾切件; 木耳及花菇用水浸軟瀝乾, 大粒木耳可以切細, 大花菇切4件.

2. 雞加入鹽麴, 紹酒, 蠔油, 鹽拌勻, 再加入生粉拌勻, 最後加入麻油醃半至1小時.

3. 一個湯盅加入半杯半, 洗淨米後加入8至9成的半杯水, 放入Miele用100度蒸15mins.

4. 15mins後將材料放上飯上, 再入Miele用100度蒸16mins, 即成.

下次可以試下加蟲草花, 應該會更好味. 

另外雞件可能會有多的.  視乎雞的大小, 剩餘的雞我蒸後弄了一個芝麻醬手撕雞.  一雞兩食都唔錯呢!

Miele 蒸粹：健康至尚系列 - 依時豉油雞

上次去完Miele個event, 為左要好好善用我部Miele仔, 說好會跟event送的Miele食譜整整裡面的菜式.

在event入面, 各位對豉油雞這道菜非常讚賞, 而我亦都好懷念.  那就不如試做一次吧.

其實材料真係好簡單.  食譜中用半只雞.  我跟17號喜歡啖啖肉, 就選擇買了兩只雞腿.

材料:
大雞脾       2隻  (原食譜為鮮雞半隻)
油               1湯匙 (爆雞用)
薑               10g (拍爛)

豉油雞汁:
生抽           1/2杯
老抽           1/4杯
水               3杯
冰糖           100g (打碎)
玫瑰露       2茶匙
 

準備:

雞先用少許粗鹽清洗乾淨, 再抹乾.


做法:

1. 先做豉油汁: 將生抽, 老抽, 水, 冰糖及玫瑰露放入碗內略拌勻.

2. 在雞腿及轉彎的位置插一些小孔  用鐵籤或叉從雞肉那一面穿過, 便不會把雞皮弄破.

3. 燒熱1 湯匙油, 爆香薑約1分鐘.

4. 加入雞, 把皮的一面略煎, 倒入預先拌好的豉油汁滾起, 收至中火滾約2分鐘熄火.

 (用左新買的銅鍋煎雞脾好正, 完全不痴.  我仲可以扮大廚拎起隻雞脾先掂下個PAN, 唔痴之後仲將隻雞脾係PAN上拖行先再煎.  雞脾暢泳完全唔痴, 好爽呢!)
 

 

 

5. 立即把雞及豉油汁放入蒸碗內.
 

6. 放入Miele蒸爐以85度蒸40分鐘.
 

7. 出爐後將雞夾出來放涼一會斬件.



成品非常好, 肉質亦很嫩滑. 17號都話好食.  因為平時以鑊浸製豉油雞, 需要不斷在雞身淋豉油, 或者係不停浸煮雞.  這種烹調方式會令肉質較易變老.  以Miele蒸爐烹製豉油雞就不但不需要睇火, 以85度烹煮, 連雞胸部分也做到嫩滑可口, 效果出眾呢.


大家都快些試試看啦.

初試法棍

做包已經有一段時間, 17小時包包玩過, 而家連天酵都玩埋.  但一直我都未玩歐式包, 個心都總係好驚好驚唔成功.

我特別喜歡食法包, 所以真係好想整.  見師傅豪姐的法包真係好靚, 好希望可以整得好似佢咁靚.  工具我已經準備好, 但一直未去整.

剛好星期六約左敗婦Q為佢新買的KM開光, 豪姐又順道示範一次法包做法. 睇完豪姐示範一次之後我自己信心大左.  所以即晚做好Poolish.

Poolish:
法包粉     40g
水            40g
白神酵母  0.6g  (如用天酵則8g)

法包粉我試用了在富澤商店買的由鳥越製粉出的"France"粉.

將所有材料拌勻, 放室溫發酵至第二日. 第二日Poolish會升高又有泡泡.

第二日完成好個poolish之後, 就可以開始做個主麵團了.

主麵團:
法包粉     65g
高筋粉     35g
水            50g
鹽            2g
蜜糖        小許 (原食譜為麥芽, 不過我冇, 所以用蜜糖代替)
poolish    所有

做法:

1. 將所有主麵團材料拌勻, Autolyse 30分鐘.  (此時麵團都比較乾身)

2. 30分鐘後進行第一次翻麵, 上下左右向中間用膠刮協助翻麵.  每隔30鐘再翻麵, 總共翻3次.

3. 第3次翻麵後發酵1.5小時. 此時可以先用220度預熱石板.  發酵完成後就將麵團輕力倒出至撒滿麵粉的發酵布上.

4. 輕手將麵團搓成長條型, 再在發酵布內最後發30分鐘.

5. 尚餘20分鐘發酵時間，將SS盆 (我沒有用了一個大焗盤) 放入焗爐跟石板一同預熱20分鐘.

6. 法棍發酵完成後撒高粉, 用刀片進行割包. 再噴水. 法棍入爐蓋SS盆焗15分鐘，再取走SS盆焗多15分鐘上色.

出爐都見到有好明顯的爆裂, 見到少少耳仔.  我已經興奮得好緊要.

最緊張就係睇下入面有冇窿窿啦.  切開之後我仲好開心呀! 因為見到窿窿呀!!!!!!!!!!!  我一路係屋企跳舞.  對住17號我差點哭了.  係開心到想哭.  因為我成功了.

我的第一條法棍.  我好滿意呀!!!!  終於自己整到了, 唔駛再出街買喇!   我要再努力整得更好.  唔好失禮師傅豪姐.

食譜源自：莎莉豪  貪玩

仙姐「無包不歡」體驗

由喜愛做包不久, 已經找不同方法嘗試減低包包老化的情況, 希望包包可以維持幾天都是軟熟的.  就是因為這樣, 接觸到仙姐17小時包包.  做過之後真的沒有再做直接法.  最近書展仙姐出了新書.  當然我也不會錯過買了一本啦.  呢幾個星期都是練習書內的包包.  做了數款包, 真的好好吃呢.

紅菜頭桂圓包, 散發陣陣桂圓味, 好養生似的.

菠菜芝士包, 呢個包17號激讚'

法式忌廉吐司, 個包內裡非常之軟熟, 沒有加牛油只用法式忌廉都可以好正

仙姐包包真係好多款式, 有o的真係唔常整.  要多多練習先得了!!

籠仔奄仔蟹蒸糯米飯

其實我不常吃蟹，因為懶惰的關係，要咬開蟹殼覺得麻煩，所以比較少吃。但前陣子朋友們都弄了籠仔蟹糯米飯，我也很想試試看，看似很好吃似的。所以趁假日同17號去了大埔街市買食材，在海鮮檔看到一斤奄仔蟹才$72，價錢很合理，就買了一隻接近1斤的奄仔回家($68)，回家那天沒有時間弄，我就將奄仔放入28cm staub 入面，加一點水，再將蓋蓋上，留下少許隙縫，第二天要劏蟹時，蟹仍是非常生猛的。

 
材料： (2-3人份量)
奄仔蟹            1隻(約1斤)
糯米               1斤
乾荷葉            1塊
蒜頭               7-8瓣 (切粒)
芫茜               2棵 (切小段)
薑                  3片(切粒)
油                  2湯匙
蔥花               1條
雞湯               5-6湯匙

調味：
紹興酒            1.5湯匙
生抽               4茶匙
老抽               2茶匙
糖                  1茶匙
 
做法：

1.    糯米先用水浸3小時，每隔一小時換水一次，隔水備用。

2.    奄仔蟹用小刷洗淨，去鰓後，拆蓋及蟹鉗後，將蟹身斬開2件。

3.    荷葉先用滾水煲至軟身，抹乾後放上蒸籠，按蒸籠大小裁剪荷葉，在荷葉表面掃上一層麻油。
 

 

4.   油下镬燒熱，加入蒜粒及薑粒，待蒜粒炸至金黃，下糯米扮勻後關火。

 

5.   下調味興糯米炒勻，將糯米平舖於荷葉上，用筷子在飯內開一些洞(方便把糯米蒸熟)，灑上3湯匙雞湯。
 

 

6.    將糯米飯放入蒸爐，用100度蒸15分鐘，再灑上2湯匙雞湯再蒸15分鐘。
 

 

7.    糯米飯蒸好後將蟹舖在飯上，再入蒸爐蒸10分鐘。趁出爐時灑上芫茜即可。

 
味道真係好好。加入炸蒜及薑粒在糯米飯內，真是非常夾的。整個糯米飯充滿了蟹的香味，好鮮甜呢。

我的專頁

自從嫁左為人妻之後, 我建立了另一個興趣, 就係下廚.  中西日韓東南亞菜式我都會整, 加埋做包.  每天的時間都唔夠用. 令我沒有太多時間去做手作.

所以令我FACEBOOK手作專頁停了運作已好一段日子了.  真係有點不好意思.  但我又想繼續係FACEBOOK跟大家有多點交流, 始終FACEBOOK我會UPDATE得快些.

所以我開了一個新的專頁, 以後我的生活點滴, 下廚實驗, 包包分享, 以致係手作, 都會係FACEBOOK第一時間同大家分享的.

請大家多多支持及分享交流啦!!!  多謝大家!!



https://www.facebook.com/cheezehomemade