完成2011渣打馬拉松

2011年2月20日係一年一度渣打馬拉松o既大日子, 今年係我第二年參加10km.

4am就起身, 之後約左朋友一齊去搭地鐵, 轉左幾程車先到天后, 已經係6:20am, 之後食左少少o野就去放水, 再入去寄存行李! 今年醒目喇, 係出面去左洗手間先, 唔駛係維園排隊, 上年排到開跑都仲有幾十人係前面, 去唔到之餘仲遲左起跑, 今年就好o的喇, 一早上左東廊之後就熱下身, 唔夠5mins就去到等開跑喇!  不過等開跑時突然落左場大雨, 大家都濕晒身去跑!

整體o既講今年係跑得舒服左, 因為天氣比較涼, 係地下有o的濕要跑得小心o的! 加上平時練習唔多夠, 跑到8km時大脾外側都有少少抽抽地, 要不停揼鬆返o的肌肉...好在都冇抽筋, 順利完成10km.

不過今年冇上年咁勤力去操練, 冬天又凍, 上兩個月又病, 好少正經咁練習..

好在今日得到最後o既結果係1:07:43, 比上年快左5mins左右...都已經好開心了, 希望下年再繼續努力, 再跑個好o的o既成績返o黎! 而家真係跑上癮了!!!

今年終於有官方相睇, 上年冇人影我!! XDDD

 

裝修進度 (四)

今日跑完馬拉松返屋企又訓唔著, 所以又拱左上新屋睇下呢兩日o既進度!

呢兩日師傅已經加厚左大門同廚房o既牆身, 而家都水平, 冇之前咁凹左入去咁核突!

廚房牆身都舖好磚, 不過有o的磚運o黎o既時候都打爛左, 唔係好夠, 要再去補返一o的先得!!  不過見師傅o的手工都ok, 柱邊做標角位都好似唔錯!!

廚房U型廚櫃地台都已經整緊!

廁所亦都舖緊牆身磚, 真係好鍾意隻磚....留空左o既位就會有條馬賽克o既border!

企缸位o既地台都已經整緊, 之前師傅換喉call窿已經將原本好高o既去水位移底左...而家個地台冇之前咁高, 感覺好好多! 

外牆o既喉都已經換左, 加左間氣, 亦都加左個閘位, 等第二時要整室內喉時唔駛關晒成座o既喉..方便好多!

花洒位置亦已經移左另一邊, 唔會俾個熱水爐阻住!

書房間牆已經填左英泥灰!

聽日就開始倒地台喇, 希望繼續順順利利啦!!

 

Celebrate my last single birthday & Valentine's day

2月14日之翌日就係我生日, 好似之前個POST咁講, 我年年生日同情人節都係同一日慶祝埋, 今年都唔例外啦!! 不過今日17一大早就做好功課, book左間餐廳, 帶我食比利時菜!!

放工佢接埋我之後就一齊搭地鐵去尖沙咀o既Okapi!

入到去環境都係暗暗地, 好似好浪漫咁, 餐廳預備左張四人枱係裡面一個角落, 好靜, 好舒服. 

我o地叫1人叫左1個main dish, 之後就加左兩個前菜, 配埋個set一齊.

先o黎頭盤

法國鵝肝伴蕉糖蘋果配砵酒汁

鵝肝好creamy, 加埋酸酸o既蘋果咁食真係好正.

再o黎頭盤焗雲吞蕃茄汁

一直都好鍾意食意大利雲吞, 雲吞真係好好食, 好多cheese....蕃茄汁又好香濃....勁like呀!

之後就o黎兩個湯, 一個係雜菜湯, 一個係忌廉湯...雜菜湯就一般啦, 不過忌廉湯就唔錯呀!

到主菜喇...17叫左法國紅酒煮兔仔腿, 我就叫左炭燒西班牙極黑豬扒伴蘋果.

兔仔腿都ok, 我覺得好似食滑版火雞肉...而豬扒雖然係硬o的, 不過好香好好味...

食完主菜之後已經好飽, 不過17專程訂左個心太軟俾我食....佢話好出名o架.....o黎到o既時候都已經好吸引, 我係影相之時就有個staff拎左另一個蛋糕o黎唱生日歌, 17都有一齊唱...好驚喜呀!!! 個staff同我o地影左合照.

跟住當然係許願啦, 不過許左乜就唔開估喇!! XDD

 我就開始食甜品, 個心太軟就真係好好好食....雲尼拿雪糕又係好香好滑, 而個蛋糕就麻麻啦!

加埋杯好好飲o既肯雅咖啡作結

真係好滿足呀!! 整體上間餐廳都唔錯呀, 食物o既質素都好ok, 最好o既就係service, 真係超級好, 尤其係人人都讚o既李小姐!! 服務態度一流!!!

今年o既last single birthday真係好甜好難忘呀, 17號多謝你呀!! 希望以後都可以開開心心!

2011情人節 + 裝修進度 (三)

每年情人節都沒有特別o既慶祝, 一來怕人多, 二來唔鍾意o的o野太貴...所以唔會特別食大餐, 都會留返15號生日加情人節一次過慶祝, 起碼o的o野冇咁貴!

今年都係, 我同17都返左我屋企食飯, 食完飯o既情人節節目就係去新屋睇下裝修進度, 順便預習一下下年情人節就係我o地o既安樂窩過喇! ^o^

師傅們初八就開工, 已經搭好個棚, 準備好換外牆水喉.

另外亦都整好晒o的電掣位, 換左個電箱, 真係細過之前o個個好多, 而且又有個蓋, 安全o的! 唉.. 有o的錢真係唔慳得!!!!

廚房牆身亦都開始批灰喇!

書房外牆門口改位亦都已經造好

去完新屋我o地又去左樓下間燉奶佬食燉奶, 當係今年情人節o既甜品!! 簡簡單單咁渡過都已經好開心喇!

 

Happy Valentine's Day Card

尋日係情人節, 特登整左張咭送俾我的情人!

之前係youtube見到呢張waterfall card, 覺得簡單得o黎又得意好玩, 所以今次就用呢個concept o黎整啦!

個尺寸啱啱好整到四格, 原本諗住整成相簿咁, 不過趕唔切晒相! 所以整左LOVE, 剛好每個字一格! 但真係唔多夠時間整, 所以拉出O黎個部份搵左幾個Stamp 印左去就算...希望下次再整好o的!

迎接兔年

一年易過又新年

今日係虎年最後一日

聽日就係兔年

我仲有9個月就成為兔新娘

係度祝大家兔年事事順利

心想事成, 每日都開開心心

特別祝願各位兔新娘幸福快樂, 籌備過程順利

仲有各位兔媽媽同兔bb開開心心, 健健康康!

新屋裝修 - 材料選擇 (地磚)

由一開始裝修就已經諗住用地磚, 因為本人勁唔鍾意用木板, 同埋因為近海, 用木地板會好麻煩.... 不過整地磚都唔平o架!  之前做research見有好多人都會返大陸買磚, 所以我o地都諗住咁做.  之前一直都有行過旺角同灣仔o的地磚, 大概都知自己想要買乜o野磚, 自己就好鍾意仿古磚, 同埋唔鍾意拋光磚, 睇o黎睇去都係揀返差唔多o既款!

不過係香港睇o既地磚好多都要成$4x一塊, 好在confirm左裝修之後, 師傅原來都成日陪o的客上田貝四路o既家合居買磚, 仲同一o的磚舖, 潔具舖都熟左, 知道邊間o的磚質素比較好. 

因為我o地裝修時間比較趕, 中間又夾左個新年, 好驚o的磚送唔切, 好在師傅同磚舖比較熟, 傾好左我o地月中前去訂, 新年前一定可以送到磚俾我o地, 所以我o地月中就同師傅一齊上左去深圳, 係羅湖過關之後就搭的士去田貝四路家合居.

首先我o地就去左師傅相熟o既地磚舖睇磚

我o地用左唔駛1個鐘就揀好晒全屋o既磚, 師傅都話好驚訝我o地點解可以咁怏, 因為佢前幾日同另一個客揀左7個鐘都未揀好!! 可能我o地平時已經睇開, 所以一入去就知道自己想要o的乜掛, 一揀都係揀仿古磚!

我o地揀左呢隻做全屋地磚. 有少少暗橫紋! 因為傢俬主力都係深色, 襯淺色地板會balance返, 同埋睇落屋企都會光猛舒服o的!

中間大o個塊就係廁所牆身磚, 係比較新o既貨, 係香港我都少見...就算有都唔平...因為有格紋同埋暗閃...真係唔錯!  上面長方型就係廁所地磚喇, 有o的凹凸感,

一直都想係廁所加少少馬賽克用o黎做border...所以去左睇馬賽克, 不過因為我只係買6-7塊, 好多我之前心儀o既馬賽克石都冇現貨, 只訂幾塊o的廠又唔會做, 所以最後就揀左師傅都覺得match o既馬賽克 (左手邊o個塊), 之後拎返去地磚舖拼下, 又真係match返隻磚o既...所以就拍板lu!!!  不過馬賽克真係唔平, 好在只係買幾塊o乍!!! 因為買1塊馬賽克可以買到兩塊有多o既地磚!

Total所有磚都有成2噸幾重!

攪掂地磚呢part...師傅就同我o地上埋樓上兩層睇下潔具同燈, 過左年之後就再上多次o黎買潔具.

師傅話呢隻花洒唔錯, 成set o野佢買o既都係$6xx, 好抵....下次上o黎再買!

行完之後我o地就去食飯, 之後就返香港喇....好開心買磚呢part都好順利!