婚禮攝影interview - 123Cheese Production

123Cheese Production其實成立左2年左右, 影相係阿草, 佢轉左full time影相大約半年左右, 其實佢係我朋友介紹o既, 因為佢之前有兩個fd結婚都係用佢. 仲讚阿草好有熱誠, 有heart, 已經好少見到咁有heart o既攝影師...睇埋佢o的相都覺得幾好...完全capture到當日每個人開心o既一面..  睇相o既時候我都覺得好開心.

見到Modernize studio之後就見阿草, 佢同老婆一齊o黎, 仲拖左個手提箱o黎.. 不過打擊就o黎喇, 原來阿草記錯左我係今年結婚, 報錯左價... 真係沉左.  不過唔緊要啦, 都要照傾左先.

阿草帶左佢整o既3本雜誌式相簿, 排版都好靚, 仲有o的相好排得好似一個記錄你結婚過程o既故事咁, 真係唔錯, 原來佢以前係讀design, 所以真係有o的幫助.  睇完相簿之後我o地就開始睇相, same day video同photo slideshow, 佢真係好有heart, 同埋同佢傾時都感覺到佢有一團火... 佢好好咁開左好多相簿俾我o地睇, 連佢未執相o既相簿都俾我o地睇埋..  好少攝影師會咁大膽o架..  佢o的相真係capture到人o個種自然流露o既喜悅, 好開心, 同埋佢會留意身邊o既人, 特別係父母狀態.. 影到好多父母同身邊朋友o既靚相... 阿草亦好鍾意用光同sunlight去構圖.. o的相都有走藝術路線o既傾向...原來佢真係有意走呢條路, 同埋向photojournalist o既方向走, 同佢interview佢都教左我好多o野, 大家都非常好傾, 日後我都會請教佢, 因為我都鍾意影相, 佢又唔介意我煩佢.. 哈哈! 佢係我見左幾個攝影師內見得最長o既一個, 見左成75mins, 不過佢真係好有heart同埋好真心同你分享.  (不過原來佢話佢一做o野時係唔出聲, 好似隱左形咁, 因為太專心影相, 有時都會俾partner話佢).  同佢傾時都一o的都唔覺.

雖然同阿草好好傾, 俾佢o既熱誠感動到, 不過都要等佢再報價先睇下點.. 其實我o地已經都唔打算再in其他喇, 因為已經有左候選人了..

Remarks:  收到阿草o既報價, 真係貴左呀, out左budget添.....不過我都誠意推薦阿草俾大家!

婚禮攝影interview - Modernize Studio

今個星期我o地定左一日出o黎interview, 本來想約Lun Tang, Luster Angle 同Flowerspace, 不過都係約唔成.  咁就約左Modernize Studio阿徐出o黎睇相.

阿徐電郵係用'徐爸爸', 不過真人係好後生同幾靚仔.. 佢好好人呀, 因為佢studio係荔枝角, 不過我同佢講我去唔到, 約佢去旺角, 佢又好好話ok, 仲要叫我唔好介意佢帶唔到好多o野俾我o地睇, 呢o的服務態度一流啦. 

雖然佢唔可以帶好多o野俾我o地睇, 不過佢都好有準備, 其實本notebook內都有好多相, video可以睇, 我o地睇佢o的snap, same day video同photo slideshow, 仲俾埋成輯sanp俾我o地睇, 成800幾張...我都睇到眼突...不過質素真係唔差. 而且佢進步左好多添, 不過阿徐都好坦白話因為器材都好左, 所以一定會影得更好.  另外我都好欣賞佢o地做埋Making of, 都拍得好好. 

了解埋package, 點知.....好多o野要加錢, same day video $3,500, same day photo, $2,000, 加影樓燈又好似要$3,500... 嘩out晒budget啦...雖然兩pairs一齊join會有9折, 不過仲貴過我搵Joseph, Jeff, Dragon, Martin....  所以都係同佢冇緣喇... sorry!!

婚禮攝影interview - Jan Wong

阿Jan一直都係我favourite, 以佢影相o既質數同進步o既速度, 佢個價真係好抵..  不過自從上個知道佢離開左elite, 用左自己個名之後就加左價, 而且加幅都好勁添... 不過我都係想見下佢就約左佢喇.. 見完阿ken之後我o地就去左雅蘭o既starbucks見阿Jan.  不過我一直都好驚佢會同我講加左價, 要用新價.. 咁我就會超左budget喇... 點知, 我真係好好彩, 阿Jan話我o個個係佢係elite時報俾我, 所以佢會keep返個舊價俾我.  OMG...我個心終於可以定返落o黎喇..即刻好有動力去聽.  連帶埋我細路都可以用呢個價...正呀!

阿Jan雖然唔係好鍾意講o野, 佢自己都承認o架...不過佢就真係好有條理, 有準備o黎做present.  佢雖然唔係好講o野, 不過佢就用會識透過張相去講o野, 佢影相個構圖係好好, 唔係只會集中影大頭, 佢o的相會包括四周圍同個人可以產生共鳴o既事同物.. 而且係好真實o架... 加上我睇過佢影pre-wedding o的相都唔錯, 所以我中間有時間去外影時應該會影到o的靚相o既..

阿Jan俾左好多相我o地睇, same day video同photo slideshow, 仲有佢後期製作o既4-min Tailor-made Epsiode of Memories同4-min Snap Shot Music Video, 開左o的photo album俾我o地睇.  佢o的相真係唔駛點執同埋佢都唔鍾意大執...其實已經好靚, 因為佢都覺得執相係pre-wedding做得多, big day當日主要係自然同capture到當日氣氛就已經好足夠(同我諗法好似).

阿Jan唔會收晚宴後o既OT費... same day video就用3hrs去整, 因為video做剪接會耐o的同埋唔求其, same day photo就2hrs..全部係婚宴場地整就ok.  包埋一支影樓燈, 影相就唔會有黑影.. 

見完阿Jan之後, 我o地都覺得佢唔錯, 好有heart又好organize. 對佢都好有信心.  不過例牌都要見多幾間先決定o既..

婚禮攝影interview - Ken Chu @ Coffee Studio

因為我同我細路都係下年結婚, 所以好順理成章地一齊去睇攝影啦, 如果大家都鍾意同一間, 咁用團購o既概念應該可以bargain到一o的discount o既..

上星期我o地兩pairs人就約左Ken Chu見面, 佢就遲左少少, 坐底時佢就拎左本佢個package送o既水晶相簿俾我o地睇, o的相都影得幾靚, 17號幾鍾意佢會capture到人活潑o既一面, 相簿排版就好普通咁將o的相砌埋一齊就一版.  除左相簿之外佢就冇帶其他o野俾我o地睇喇, 我希望可以睇下一o的新人o既album, 不過佢就話o的客唔想...其實好少會咁o架喎, 通常都會keep record儲profile起sell客, 點解冇得睇呢? 

跟住我o地就傾左個package, 佢都包幾多o野, 成長片段, same day video edit, 有影樓燈等, 而且價錢真係平o架... 兩pairs一齊join仲會有discount添, 我問佢可唔可以揀same day photo slideshow, 佢話唔suggest我o地做, vdieo 要整2hrs, photo就要成4-5hrs.  因為執相好耐.....  最後佢都有sell我即日派相..既然佢冇o野俾我o地睇, 咁就唯有叫佢send返 same day video/photo o既link俾我睇下啦.

Remarks: 直至今日都未收到阿Ken send返o的 same day video/photo o既link.  不過我都唔會考慮佢, 因為一來佢冇準備去見我o地, 只係帶左本水晶相簿, 二來當我in 左其他公司之後就發現冇理由冇得睇相, 同埋same day photo唔應該執咁耐o架...除非o的相....真係需要執啦... 加上我喜歡攝影師present要比較沉實穩重haha!

攝影攝錄 - 我的要求

呢兩個星期, 我o地終於開始搵big day o個日o既攝影攝錄, 其實我之前都提過亦睇左好多.. 因為我o地得一萬左右budget, 所以真係考起我啦, 因為而家間間都加價, 仲要加得好犀利..  不過我都搵左幾間心水喇...  因為interview真係好花時間, 加上要係interview之前睇晒各間公司o既相, 做埋分析...所以我真係好配服blog友vivian o既毅力, 可以in 30幾間...我都可以o既, 不過唔會咁做, 因為17號都冇咁多時間...

呢兩個星期我思考左一個問題好耐, 就係自己要求我big day當日o既相係要點, 係乜o野feel? 想個output係點?  因為呢個問題好影響我揀邊個影相... 走型格藝術路線定係真實路線呢? 因為走型格藝術路線係一定好靚o架...不過我自己就諗, 咁o既feel其實係pre-wedding係可以完全滿足得到.. 婚禮當日唔係應該要係好真實, capture到最自己, 所有賓客, 最開心, 最感動o既一刻咩?

我o既答案終於係睇過好多攝影師, 係WPHK逐個睇相之後就明朗化喇, 我會揀選真實路線, 雖然唔會有好大o既驚喜, 不過我希望o的相係好warm, 好平易近人o既, 唔要太多effect, 補捉到最真最自然一面就非常好了.  我好鍾意見到人開心, 所以我希望睇相時見到相中人都係好開心, 而會令我都開心.  其實咁樣反而考起photop o既功力.  所以就基於呢個信念就去interview喇!

留住美好一刻

究竟乜o野係留住美好一刻呢? 當然就係留住大日子當日最美好o既一刻.  點樣留得住呢? 就一定要靠當日偉大o既攝影同攝錄啦!

要令到自己能夠係將來o既日子都能回味同細味大日子當中的一點一滴, 同時間會令自己會心微笑, 當中照片同video都扮演著好重要o既角色, 所以搵一個好o既攝影攝錄就係我同17號o黎緊o既目標!  不過而家攝影攝錄真係好海鮮價, 一o的都唔平, 好o既出名o既已經去到二萬以上, 中價都要萬三至萬五左右,  而我就budget有限喇!  所以要搵個又平又正o既就真係考起我啦!

係有限o既資源下, 以下幾間都會係我心水:

1. Jan Wong

我諗大都知道阿Jan, 佢係blogger界都薄有名聲, 網上好多人都讚, 加上佢短短出道幾年已經見佢進步好大.. 佢o的相其實唔係好有好大驚喜, 唔似Lawerance等大師o既手法.. 佢影出o黎係好自然, o的相唔係執得好厲害. 其實pre-wedding真係好需要特別一o的, 但係大日子o個日應該係要影到最真o既一面, 雖然可能睇相o既時候冇乜太大驚喜, 不過我就覺得有一種平易近人o既感覺, 比較warm, 親切同真...Jan已經自立門戶, 仲加左價, 貴左好多呀!

Jan's blog: http://hk.myblog.yahoo.com/puison618

Jan website: www.janwongphoto.com

2. 123 Cheese Production

呢間都係比較fresh o既公司, 不過係我朋友介紹的, 因為佢有兩個朋友之前都join佢影, 讚佢影相好有heart, 仲影得唔錯添! 我睇過阿草捕捉image都幾好. 佢有佢自己o既style, 都係走得o的型o的o既路線.. 感覺都唔錯, 價錢都合理呢!

Grass's blog: http://www.grasstso.com

123 Cheese Production website: http://www.123cheese.net/

3. Modernize Studio

欣賞佢o地好有觸角, 以佢o地o既價錢都可以做到大師有o既風格, 而且手法運用都好新潮.  不過有人都話佢o地有時會失手.  但我欣賞佢o地個pre-wedding making-of..係我想做o既..睇左幾個making-of都好有feel.  呢個making-of都係一個賣點.

Modernize Studio's blog: http://modernizepro.blogspot.com/

Modernize Studio website: http://www.modernize.com.hk/

4. Ken Chu @ Coffee Studio

睇左o的相都ok, 都係average, 不過價錢好相宜, 又包埋水晶相簿..budget好tight可以考慮! Studio係旺角, 如果係九龍區擺酒要早拍晚播服務都好方便.

Coffee Studio website: http://www.fotop.net/CoffeeStudio

5. Luster Angle

都係平價之選, 質素亦選平均. 影product影得幾好. 不過影人就好似差o的, 慢左一拍咁.

Luster Angle's blog: http://hk.myblog.yahoo.com/luster-angle

Luster Angle website: http://www.luster-angle.com/

Luster Angle album: http://www.fotop.net/luster-angle

6. Tony Image

睇佢o的相都唔錯, 影得都好有feel, pre-wedding都唔差呢! 價錢都好合理! 不過我想搵佢影pre-wedding多o的.

Tony's blog: http://hk.myblog.yahoo.com/tony_image

Tony website: http://www.tonyimage.com/main.html

7. Lun Tang

走藝術同型格路線, 幾有feel.  價錢好平..不過網上好少相, o的相edit之後比較暗..但唔知點解睇左佢o的相之後覺得好似冇乜重點咁. 可能因為太少相睇唔清楚.

Lun website: http://www.luntangphoto.com/

另外有o的我都好鍾意, 不過因為budget所限, 所以唔考慮住了:

Jeff Production: http://www.JeffProduction.com/

Joseph Photo & Video Services: http://www.josephphoto.com.hk/

ToLove (Kung): http://www.tolove.com.hk/

ToLove (Tony): http://www.tonytsui.com/

繼續尋找我的MUA

呢段時間自己其實一o的都冇偷懶, 因為一放工返屋企就係searching o既工作, 睇到眼都花... 繼上次o個幾個心水MUA之後, 而家又多左兩個都覺得幾好o既..

1. Jacko Lee

又係人氣新娘化妝師, 睇過佢o的job, 化妝同髮型都好ok喎..之前真係miss左佢添...我鍾意佢set all back 頭, 好清楚好整潔, 而且要立體有立體...不錯不錯!! 不過佢而家o既價錢都貴左喇!!

Jacko's blog: http://hk.myblog.yahoo.com/jw!iebZLhqYExvn9ila8wiDR66J6Z7o

Jclassy website: www.jclassy-makeup.com

2. Yen @ deNovia

呢間唔係咁多人討論, 我都係無意間search到, 不過佢係我o個type, simple, elegant, natural.  佢o的妝都係earth tone, 好自然.  set頭唔老土都好乾淨.  我鍾意佢係好有觸角, 好update, 化妝後新娘都係清麗脫俗咁.. 佢o的飾物都唔錯添... 我覺得佢可以同kiko, catis比...

deNovia: http://hk.myblog.yahoo.com/denoviahk

至於除左book左Joe Yuan試妝, 我都book埋大家推薦o既Sandy喇!! 期待ing~~~