2011年2月17日星期四

Celebrate my last single birthday & Valentine's day

2月14日之翌日就係我生日, 好似之前個POST咁講, 我年年生日同情人節都係同一日慶祝埋, 今年都唔例外啦!! 不過今日17一大早就做好功課, book左間餐廳, 帶我食比利時菜!!


放工佢接埋我之後就一齊搭地鐵去尖沙咀o既Okapi!



入到去環境都係暗暗地, 好似好浪漫咁, 餐廳預備左張四人枱係裡面一個角落, 好靜, 好舒服. 


我o地叫1人叫左1個main dish, 之後就加左兩個前菜, 配埋個set一齊.


先o黎頭盤


法國鵝肝伴蕉糖蘋果配砵酒汁



鵝肝好creamy, 加埋酸酸o既蘋果咁食真係好正.


再o黎頭盤焗雲吞蕃茄汁



一直都好鍾意食意大利雲吞, 雲吞真係好好食, 好多cheese....蕃茄汁又好香濃....勁like呀!


之後就o黎兩個湯, 一個係雜菜湯, 一個係忌廉湯...雜菜湯就一般啦, 不過忌廉湯就唔錯呀!



到主菜喇...17叫左法國紅酒煮兔仔腿, 我就叫左炭燒西班牙極黑豬扒伴蘋果.



兔仔腿都ok, 我覺得好似食滑版火雞肉...而豬扒雖然係硬o的, 不過好香好好味...


食完主菜之後已經好飽, 不過17專程訂左個心太軟俾我食....佢話好出名o架.....o黎到o既時候都已經好吸引, 我係影相之時就有個staff拎左另一個蛋糕o黎唱生日歌, 17都有一齊唱...好驚喜呀!!! 個staff同我o地影左合照.



跟住當然係許願啦, 不過許左乜就唔開估喇!! XDD



 我就開始食甜品, 個心太軟就真係好好好食....雲尼拿雪糕又係好香好滑, 而個蛋糕就麻麻啦!



加埋杯好好飲o既肯雅咖啡作結



真係好滿足呀!! 整體上間餐廳都唔錯呀, 食物o既質素都好ok, 最好o既就係service, 真係超級好, 尤其係人人都讚o既李小姐!! 服務態度一流!!!


今年o既last single birthday真係好甜好難忘呀, 17號多謝你呀!! 希望以後都可以開開心心!

9 則留言:

  1. soooooo sweet!
    亦都再次祝生日快樂!!

    回覆刪除
  2. 兔仔腿........今年係兔年呀,唔好食佢哋啦,我反而好有興趣你個炭燒豬呀!!!!好似心型咁o既?

    回覆刪除
  3. 好浪漫呀~~~~~~生日快樂!!!
    by笨豬小慧simple

    回覆刪除
  4. wow....好浪漫呀....17號好錫你呀....不過兔仔真係好食嗎? 一聽到個菜名, 好似好驚咁...XD

    回覆刪除
  5. 雖然遲左幾日, 都補祝你生日快速呀芝士~~~~

    回覆刪除
  6. 哈哈, 打錯字tim, 生日快樂先o岩~~~

    回覆刪除
  7. happy birthday !!
    你點解剪左碎陰既? 唔駛留長BD SET頭?

    回覆刪除
  8. 你係唔係15/2 生日架?
    原來我同你同一日生日架...哈哈哈...
    BELATED HAPPY BIRTHDAY AR~~

    回覆刪除