2011年2月1日星期二

新屋裝修 - 材料選擇 (地磚)

由一開始裝修就已經諗住用地磚, 因為本人勁唔鍾意用木板, 同埋因為近海, 用木地板會好麻煩.... 不過整地磚都唔平o架!  之前做research見有好多人都會返大陸買磚, 所以我o地都諗住咁做.  之前一直都有行過旺角同灣仔o的地磚, 大概都知自己想要買乜o野磚, 自己就好鍾意仿古磚, 同埋唔鍾意拋光磚, 睇o黎睇去都係揀返差唔多o既款!


不過係香港睇o既地磚好多都要成$4x一塊, 好在confirm左裝修之後, 師傅原來都成日陪o的客上田貝四路o既家合居買磚, 仲同一o的磚舖, 潔具舖都熟左, 知道邊間o的磚質素比較好. 


因為我o地裝修時間比較趕, 中間又夾左個新年, 好驚o的磚送唔切, 好在師傅同磚舖比較熟, 傾好左我o地月中前去訂, 新年前一定可以送到磚俾我o地, 所以我o地月中就同師傅一齊上左去深圳, 係羅湖過關之後就搭的士去田貝四路家合居.



首先我o地就去左師傅相熟o既地磚舖睇磚


我o地用左唔駛1個鐘就揀好晒全屋o既磚, 師傅都話好驚訝我o地點解可以咁怏, 因為佢前幾日同另一個客揀左7個鐘都未揀好!! 可能我o地平時已經睇開, 所以一入去就知道自己想要o的乜掛, 一揀都係揀仿古磚!


我o地揀左呢隻做全屋地磚. 有少少暗橫紋! 因為傢俬主力都係深色, 襯淺色地板會balance返, 同埋睇落屋企都會光猛舒服o的!



中間大o個塊就係廁所牆身磚, 係比較新o既貨, 係香港我都少見...就算有都唔平...因為有格紋同埋暗閃...真係唔錯!  上面長方型就係廁所地磚喇, 有o的凹凸感,



一直都想係廁所加少少馬賽克用o黎做border...所以去左睇馬賽克, 不過因為我只係買6-7塊, 好多我之前心儀o既馬賽克石都冇現貨, 只訂幾塊o的廠又唔會做, 所以最後就揀左師傅都覺得match o既馬賽克 (左手邊o個塊), 之後拎返去地磚舖拼下, 又真係match返隻磚o既...所以就拍板lu!!!  不過馬賽克真係唔平, 好在只係買幾塊o乍!!! 因為買1塊馬賽克可以買到兩塊有多o既地磚!



Total所有磚都有成2噸幾重!


攪掂地磚呢part...師傅就同我o地上埋樓上兩層睇下潔具同燈, 過左年之後就再上多次o黎買潔具.


師傅話呢隻花洒唔錯, 成set o野佢買o既都係$6xx, 好抵....下次上o黎再買!



行完之後我o地就去食飯, 之後就返香港喇....好開心買磚呢part都好順利!

17 則留言:

  1. 飛‧月 - FLY to the MOON2011年2月1日 上午4:16

    大陸買花洒好抵,但係我細佬之前買左好快就生銹,最後佢叫我地係香港買穩陣d,要小心揀呀!

    回覆刪除
  2. 真係平好多wor~~~

    回覆刪除
  3. 有師傅陪住睇真係好好多, 起碼唔怕俾人呃

    回覆刪除
  4. 我過完年都要買磚喇!! 可以跟你學野 你揀的地磚好靚, 我都打算揀淺色地磚

    回覆刪除
  5. 我都有fd係內地買磚,又平又抵,用左差唔多2年都仲好好...

    回覆刪除
  6. 所以辛苦D都值~~~~加油~~~為自己DREAM HOUSE

    回覆刪除
  7. 其實邊隻係"仿古磚"呀??

    回覆刪除
  8. OO...原來我屋企都一路用緊仿古磚, 真係你唔講都唔知呀~~

    回覆刪除
  9. 淺色地板都真係幾靚, 但就係怕成日都好似會好污糟咁, 要成日打掃, 咁咪好煩law....kekeke 我好懶呀~
    我好唔like 呢隻花洒架, 去旅行的酒店個時, 我成日都好驚架...佢好似朵食人花咁...唔知點解呢, 我都係鍾意拿住來沖個d多d....kekeke

    回覆刪除
  10. 我都覺得地板淺色好啲,睇落空間感多啲咔!
    咁你揀左浴室磚未呀?

    回覆刪除
  11. 我想問磚錢加運費平均幾錢一塊呢??
    我依家都係煩緊裝修呢PART!!!! >.<
    謝謝!!! ^^

    回覆刪除
  12. 我想問你買的店叫什麼名字?
    你覺得服務好嗎?信得過嗎?
    質素跟香港買到的是否一樣呢??
    運落香港的時候有遇什麼麻煩事嗎??
    多唔多磚有損壞呢? (運送時所做成的)
    謝謝!!! ^^

    回覆刪除
  13. 我第時都想整呢d款既花灑
    芝士第時可唔可以請教下你

    回覆刪除
  14. 請問一下你d地磚大約幾錢呀,因為我都係新手,去旺角睇到d磚就頭痛,平至20元,貴至100元都有。我都幾鍾意你買的地磚。還請問你地個間叫咩名,等我都去睇下。thanks.

    回覆刪除
  15. 謝謝你的分享喔~想問下你買的價錢,及在那一間買,我覺得你買的磚和我想要的好似~因為我係新手喔,真係花多眼亂~

    回覆刪除
  16. 我岩岩都幫間新屋買左磚 same as you,我都prefer light d既色系 遲d post出黎俾你睇下丫~

    回覆刪除
  17. 你好呀!!我新居都準備裝修, 都煩緊買磚呀!!
    可唔可以add埋我一齊share 下?

    回覆刪除