天酵...不歸路

玩左包包已經一後長時間, 個個星期無包不歡, 由普通instant yeast 玩到去白神, 櫻花酵母,  仲有星野, 蘋果酵母都未玩....  自己養天酵真係冇諗過.

不過世事真係說不準.  有些事情話來就來, 想擋也擋不住

一直都好仰慕好多天酵達人.  Sally Ho就是其中之一.  係機緣巧合下, 終於認識了她.  係耳濡目染下......我被毒了.

Sally Ho送了一些酒粕天酵液同種給我試玩,   睇睇天酵的威力.

真係唔試由自可, 一試上晒火, 加左乳酪之後睇住樽天酵液一日一日生長, 活潑非常, 我在家看得如痴如醉, 跳晒舞.

第二日已經有泡泡啦!!  雙酵液經以完成.

之後我就試左餵粉同天酵液1:1加埋豪姐俾左我少少千年種入去, 攪勻置室溫2hrs等佢發到兩倍大, 可以入雪櫃或做包喇

我用左豪姐辮子包個食譜, 先打好個麵團, 非常之有彈性同油光... 感覺非常不一樣.
之後有時間就置室溫發酵至兩倍大, 沒有時間就雪入雪櫃12hrs就可以拎返出來回溫.

發得幾大!!!  呢個天氣好適合玩天酵!

回之後我就分割麵團滾圓再鬆弛15mins.  然後就做型啦... 我都好耐冇整辮子了!!

焗好了, 自己都覺得好靚靚, 好滿意呢!

焗好之後真係發覺個包好彈手.我係咁按完佢又彈回原型, 好過癮呢!  入面又好軟熟喎! 天酵包果然名不虛存呢!