Cake 2 試食

一直知道自己唔鍾意係婚禮上切假蛋糕, 呢個文化係香港先有, 但真係唔明點解要切假蛋糕, 為左影張相?? 要切o既就切個真的好了, 不過我知道如果開席後先切蛋糕, 可能酒樓方面再搵人分蛋糕會有一定難度, 因為已經要不停招呼賓客, 又要上菜, 所以我諗我應該會取消開席切蛋糕呢個程序, 不過我會係席前註冊, 可以註冊之後就切蛋糕, 咁都唔錯呀!  知道譽宴送o既蛋糕係Cake 2, 就係因為咁, 我就好開心喇, 因為可以整個靚o的o既!

知道Cake 2有得試食, 終於係前日去左天后Cake 2試食. 平時搭車都有經過, 已經覺得間shop好靚, 今次入到去真係好靚, 有好多靚靚蛋糕同埋有關wedding o既各式用品.

坐低之後, 職員就已經準備左兩杯薄荷茶, 飲左好舒服

之後主角就o黎喇, 試食係有6件餅, 而家轉左係卷蛋喇! 由較清味道開始試!

1. 雜果蛋糕

2. 綠茶紅豆

3. 綠茶栗子蓉

4. 朱古力啫喱

5. 朱古力軟心

6. 咖啡軟心

好鍾意綠茶紅豆同栗子味, 綠茶個味道好有回甘, 而朱古力軟心有o的脆脆都好有咬感!

一路試食一路會睇下o的蛋糕款, 飲下茶真係好嘆.  仲有好飽添!

試完忌廉蛋糕之後, 職員話不如試埋糖衣蛋糕啦, 咁我當然冇問題啦!

佢拎左檸檬牛油同朱古力牛油蛋糕俾我試, 都好好味, 而糖衣入口就即溶, 做得唔錯, 不過我唔想太甜, 所以我一定唔會揀糖衣蛋糕啦!

試食完之後就講返個價錢, 咁我可以選擇upgrade, 咁就可以諗下整多一兩層, 可以每層揀一種味, 不過我未落訂, 等我返屋企諗清楚要幾多層同磅數先再返去落訂!