2011年6月29日星期三

五穀煲仔飯 by staub

其實買左staub同LC一段時間, 睇左好多bloggers share整煲仔飯o既post, 攪到我都心思思想整...奈何一來冇機會, 二來怕整衰左!!! 好驚o架ma!!!


不過越睇越多, 就越來越想整!! 但個個post o的recipe都唔同, 我可以跟邊個呢???


尋晚因為要上yoga唔返baba mama屋企食飯, 突然諗起不如整個煲仔飯咁就可以帶飯啦!! 咁就係咁search 食譜, 終於俾我搵到個大家都覺得唔錯o既做法, 多謝魚腸媽o既貢獻....尋晚上完堂返到屋企supermarket買左少少材料就立即返去開工!


我屋企得五穀米, 所以我就落多少少水去到1:0.8分量, 用左 staub 18cm煮...good fit ar!!


成個煮o既過程用左20mins左右, 中間水滾時攪過下, 然後就收慢火煮15mins, 之後我就唔理佢焗多一陣! 因為我仲要煎下豬扒, 炒下菜!! 煮好晒餸之後一開煲蓋.....真係好開心, 整煲仔飯最開心係見到o的米一粒粒好乾爽!  個煲有少少飯焦唔燶, 因為用o黎帶飯就very good!!!

一粒粒o架真係!!!!



呢煲飯係1人份量, 18cm用o黎整2人份量煲仔飯真係好夠!!一煲上, 爽呀!


煮完第一次之後, 我多左信心, 下次要整有餡o既煲仔飯先得!!!

沒有留言:

發佈留言