2011年6月12日星期日

韓風炒上海年糕

個人好鍾意食上海年糕, 好愛雪裡紅去炒, 不過通常會比較清淡. 而交白筍多數用係湯年糕度, 而且又比較寒..  今次用左係屋企罐韓式辣醬去醃交白筍, 一來可以去寒, 二來個年糕辣辣地, 特別好食, 仲有唔用肉絲轉用肉碎, 肉碎包住年糕啖啖肉, 正呀! 一於試下fusion菜, 效果又唔錯喎! 


材料:


1. 上海年糕             1包
2. 淡口雪裡紅         1棵
3. 交白筍                 2棵
4. 豬肉碎                 $10
5. 韓式辣醬             1湯匙
6. 生抽                     2湯匙
7. 油                         1湯匙
8. 雞粉                     1/4茶匙
9. 水                         250ml
10. 葱花                   少量
11. 指天椒絲           少量

食譜:


1. 交白筍加2片薑先出水, 去水後待乾.
2. 用韓式辣醬醃交白筍, 放入雪櫃.
3. 用材料(6)-(8)醃豬肉碎
4. 於煲內加水燒熱, 放入上海年糕煮至略淋. 盛起過冷河備用.
5. 雪裡紅浸半小時, 切走頭及根部, 其餘切碎.
6. 將煲燒熱, 加入雪裡紅炒至乾身, 備用.
7. 將煲燒熱, 加入一茶匙油, 加入1片薑及1粒已切碎之蒜.
8. 加入豬肉碎炒至半熟, 加入雪裡紅續炒至8成熟, 盛起備用.
9. 將煲燒熱, 加入一茶匙油, 再加入交白筍炒至出汁.  再加入上海年糕續炒.
10. 炒至上海年糕轉為透身後, 加入豬肉碎及雪裡紅炒勻. 再加水續炒至汁滾起為止, 蓋上煲蓋待汁收至杰身. 收火後加入葱花及指天椒絲, 再焗5分鐘, 即成. 

沒有留言:

發佈留言