新的一年新的開始

農曆新年都就快到, 我而家先得閒寫返2013年新年的事, 好似慢左少少.  不過有心唔怕遲呢 !! 

平時因為工作地點同住的地點有點距離, 所以平日我好少係家煮飯, 都係假期先會煮下.  所以廚藝進步得好慢.  但係上年年底開始我沉醉於各masterchef, topchef 節目中, 令我好有動力.  先係入左一把Wusthof刀, 繼而入左不少外國烹飪書藉 (最主要係又敗家呢)  所謂工欲善其事, 必先利其器( 又搵藉口).

好啦好啦, 買左咁多野, 一定要整野出來見下人先得架.  所以我下定決心係新年練習一下.  頭號白老鼠當然係17號..  另外唔怕肚子痛的當然就是我父母啦.

之前我買左一大罐鴨油同偽主婦一人一半.  加埋鴨腿. 當然就係想煮duck confit啦.  就順理成章成為我元旦日主菜之一.

為左做好各樣菜式, 我去了ccsuper買法國shallot. 總之希望各樣菜式都似original. 挑戰一下自己.

仲有我希望自己可以做到係餐廳的感覺, 所以要求自己soup, entrees, main, dessert都要有.  所以整到自己一頭煙

辛苦左一日, 終於係夜晚9:00上菜.  因為煮好要立刻俾家人食, 我冇時間拎相機影, 只能用iphone來個快拍

Soup: Clam Chowder

好想整好耐, 跟偽主婦整的.  真係好好飲, 我爸爸好鍾意, 飲左好多碗呢!

Entrees: Fresh Salmon, Tomato, Avocado Tartare with Avocado Puree
呢個entrees又係想整好耐, 又靚仔又好食. 本身有蟹肉的, 但點知用剩的蟹肉變左味冇得用, 唯有就咁啦.  不過都正.

Main: Duck Confit with Braised Red Cabbage, Potato Puree and Orange Sauce

來到重點主菜就係油封鴨腿, 跟Thomas Keller食譜整, 鴨腿醃左一晚之後用90度慢焗左9個鐘再用鴨油浸住雪左成個星期先煎.  鴨腿真係好酥軟入味.  真係估唔到自己整得到呢! 本來想整cherry or berry sauce, 不過17號鍾意orange sauce, 又跟偽主婦整.

Main: Salami and Green Bell Pepper Pizza
本來食鴨腿都夠, 不過平時父母好想試我整的pizza, 所以硬住頭皮整埋.  不過因為係廚房打杖打到天昏地暗, 個pizza焗過左時間少少,  好在未燶. 食落好好好脆!! hahaha

Dessert: Coffee Panna Cotta
去到尾聲啦, 一頓西餐一定要食個甜品先叫完美.  所以我都冇例外整左個panna cotta.  整佢的原因就係因為可以一早整定同埋比較簡單呢.  但愛coffee的媽媽好鍾意呀!

辛苦完一日, 見到我最親愛的家人食得好開心, 我就好滿足. 大家都好喜歡呢!  我好希望新的一年我廚藝會再進步很多很多

【深夜食堂煮婦同樂會第32話】芝麻菠菜

最近在BLOG真係有點先躲懶, 公司年尾好多事做, 又要籌辦Annual Dinner.  忙到回家真想什麼也不幹.

這一話深夜食堂比較簡單, 始終我也會做飯吃, 所以必定會有菜的.  沒什麼理由不做此題目啦!  (不過我都懶到blog到宜家先打, 希望老大唔好鬧我)

芝麻菠菜真係好簡單, 不過我都希望整得不太馬虎呢!

材料:
菠菜        1斤
白芝麻    隨意

醬汁:
醬油      1 tbsp
麻油      1/2 tbsp
糖          1/4 tsp
白醋      1/4 tsp

做法:

1. 先在白镬炒香芝麻, 待芝麻轉為少少黃色便可.

2. 菠菜切根部洗淨, 放在盤上, 加上少許鹽, 放入Miele蒸爐蒸煮1分鐘.

3. 放涼菠菜一會, 再將菠菜放上保鮮紙上, 卷起保鮮紙將菠菜壓成圓柱形.

4. 將所有醬汁材料拌勻, 加入白芝麻拌勻.

5. 將菠菜卷切開幾段, 掀開保鮮紙遂段後放上碟上, 倒入醬汁, 即成.

【深夜食堂煮婦同樂會第31話】奶油飯

有段時間病左好耐, 冇晒心機煮野, 又要食得好清, 所以連深夜食堂功課都冇交.

現在好返了, 終於可以再做功課. 今個星期份功課好簡單, 就係奶油飯.

奶油先放飯佈等30秒, 之後再加醬油就好了.  就係咁簡單呢!!!!

今次用左日本米, 加左牛油好似好邪惡, 但真係好香好好食架!!!!!

2012的最後一天

今日是2012年最後一天.  回顧一年, 感覺這一年真的體驗更多, 無論人或事都起了變化.  當然最重要的是跟17號順利過渡我們的紙婚一週年.  呢個月少左出post, 因為不停病, 但去到今日最後一日, 唔出返一遍blog回顧一下真係對唔住自己啦.  haha

上半年真係過得好快, 尤其是識左一班愛COOKING的bloggers.  日子真的過得好快.  連荷包都清得好快, dayday有野敗, 真係嚇c人.

不過同大家一齊真係好開心的, 有講有笑, 互相關心傾訴.  仲同bloggers一齊去旅行, 呢個以前想都沒有想過呢.  今年真係好有旅行運, honeymoon完同bloggers去台灣, 之後紙婚紀念又去左日本.  如果年年都可以咁就開心死我了.

到左下半年一樣過得好快, 不過身體就開始唔好了, 去完日本之後一直斷斷續續都病, 以前好少發燒, 今年發到夠, 聖誕又感冒菌入腸, 食左一個星期白粥同白麵包.  講起都想, 好在呢兩三日好返少少. 唔駛病住過年.  希望下年身體會好些, 唔好做藥煲啦.

講返開心事, 今年不停敗家, 雖然戶口數字直線向下, 不過我又敗得好開心.  最重要係敗得好敗得精.  要選2012年最佳敗物.  大家可能會覺得我會講LC....... NONONO!!
雖然LC我真係好like, 加上真係好好用, 令我廚藝升晒呢。不過我最like的是....


KM020

呢部機真係令我廚房增添無限色彩, 令我更易handle好多recipe.  最重要係我整包包唔駛搓得咁辛苦.

有左部機, 我的handmade生活真係多姿多彩

而家可以自己碎肉, 乾淨方便.

用food processor 整 green pesto

又可以片青瓜片

打麵團整包包不在話下啦

仲可以加個mill 打粉, 咖啡粉, 花椒粉, 蒜油etc.


當然唔少得整餅啦

仲有仲有, 可以整自家麵麵, 中式麵, 烏冬, 意粉悉隨專便.

其實仲可以榨汁, 整雪糕等等.  真係好方便. 係屋企只係玩呢部機都已經好開心呢.

好似賣晒廣告咁, 但佢真係我今年最最最最最佳敗物兼好幫手.  真係出自內心的.

今年就咁過左喇, 希望下年可以順順利利, 開開心心過每一天. 廚藝更進一步.

我都祝大家2013年會更好, 最重要係身體健康.

Le Creuset Chiffon Pink @ Sogo Thankful Week 2012

識我的朋友都知我喜歡買鍋, 特別是Le Creuset.  繼上次開倉後, Sogo thankful week又到了. 今次thankful 就厲害了.

Le Creuset推出了Chiffon Pink這個新顏色.  之前係日本同台灣推出之後, 大家都已經熱烈討論, 心想sogo thankful一定會推.

點知真係估中左啦.  但知道個結果時既歡喜又憂心.  因為今次推o既係限定數量.  而pink pink 係好多人都會好喜歡, 一定會有好多人買, 但sogo個場好細, 一早就諗到慘過開倉了.

唱了等了又等好多次之後, 終於等到Sogo thankful week了.  真係一如所料, LC個counter好多人, 仲要好亂, 買左咁多次都係第一次係咁恐怖.  我都嚇親呢.

而家諗起我都仲驚緊.

不過唔講呢o的野.  最緊要買到心頭好呢.

第一眼見到呢個setting, 真係暈左.  之前係日本都見過, o個時都已經暈暈地, 因為chiffon真係好亮麗.  特別我係日本第一眼被chiffon 飛心迷得一陣陣呢.

之後望下個price list.  pot list之前都知道, 係stoneware唔知... 不過真係唔平囉......  幸好我係有台灣的LC補返數. 唔駛係香港出咁多血.

第一日恐慌完, 第二日LC已經改善左好多, 知道左原來係SOGO安排得麻麻, LC一早都傾左要搵地方排隊(例如係地下排隊拎籌), 點知SOGO都係安排係7樓排, 仲要未READY條line up , 搞到好混亂.  其實LC staff都好無奈.  不過見第二日LC同sogo反應左之後即時係另一邊搵地方俾LC專賣煲, 已經有所改善.

上午我冇去, 不過dating完夜晚去左巡視下, 真係有個場地sell 煲好左好多, 仲要有好多煲剩(第一日一早冇晒o既18risotto同16round都仲有貨, 係之第一日唔駛搶啦, ), 我同朋友等左一陣過左8:00就可以free返o的煲來賣, 幫朋友買左個18risotto之後就走lu.

今次chiffon 我係日本已經中左毒, 所以唔買唔得, 最後我敗左:

18cm同24cm Risotto, 一大一細risotto. 真係靚到死

近鏡望下, 真係好亮麗, 好令有o的反光咁.


同Antique Rose比較一下, 愛粉色的人一定死左係chiffon度.   好多人都話chiffon同antique rose好似, 但我係日本見過後堅持係唔似, 到家下買左返家之後一比真係有分別架. 不過我都仍然好愛Antique Rose 呢.

隨左煲之外, 我仲買左少少stonewares.  因為係台灣週年慶係冇的.  同埋我只集色, 每色一隻夠了. hehe

全家福.  靚到暈.  我對住佢o地笑左好耐

今次thankful week之後, 真係要俾個荷包休息下先得了. 

【深夜食堂煮婦同樂會第20話】調味醬炒麵 【附食譜】

之前去左旅行, 所以深夜食堂有幾話我都冇整.  當中有一話就係25夜的調味醬炒麵.

係漫畫入面, 風見小姐每次入店內都會叫調味醬炒麵, 炒麵上加上一隻荷包蛋, 食的時候刺穿蛋黃混入炒麵中一齊食. 好似好吸引.

不過我唔知

四十萬川的青海苔係咩味,  不過加左青海苔味道更好.

其實炒麵入面想加咩都可以, 可以用雞肉, 火腿, 腸, 而我就係雪櫃找到了墨魚條.  一樣會好好食的.

材料:
炒麵包            2個
雞蛋                2隻
甘荀                半條
椰菜                半個
墨魚條            3條
海苔碎            少量

做法:
1. 先將甘荀及椰菜切絲, 墨魚條切片.

2. 鑊內下油燒熱, 先加入甘荀絲炒至軟身, 加入墨魚條炒香.

3. 再加入椰菜絲炒一會, 加入少許料理酒續炒至椰菜絲至軟身.

4. 加入麵一起炒, 可加入少許水比較將麵條炒鬆.

5. 炒好後加入調味醬料包抄勻便可上碟.

6. 鑊內加油燒熱, 打入雞蛋煎成荷包蛋. 將蛋放在炒麵上.  在蛋邊灑上海苔碎. 即可.