Le Creuset 秋季開倉2011 - 窮追不捨

呢個LC開倉真係害人不淺, 令到眾LC一整個星期都係心如鹿撞, 明明返工, 真係掛住LC, 仲誇張過熱戀O個時!!!

繼再接再厲篇之後, 心癮難滅, 同好姊妹再戰會場, 仲有多得朋友幫忙日日報告, 終於荷包又再出血!

呢幾日O既戰績都唔錯, 買到自己心頭好, 好在按得住自己唔再買煲, 差點想敗埋個24CM risoto...  不過都係忍左手!!! haha

最開心o既係......我終於擁有Cassis Trivet!!!!!!!!  happy 死呀!!! $270

而家有呢3隻色o既round trivet!!! hoho

行左一個圈係個tray到眾紅色shaker中見到有o的藍色, 即時立左, 好靚呀!!!!!!!!  Salt & Pepper Sharker  Caribbean $80

忍唔住又要多個Cassis square round dish $170

 擁有左一隻紅square plate都唔夠, 見有黃又係要買埋!! 因為香港冇ma!!! 而且維維媽講得啱, 裝火鍋料very good!!!!! I buy!!!!!
Square Plate yellow $130

最後再幫細路買多左個26cm rectangular dish light green $170

仲有其他都係幫朋友買左trivet, shaker, 油醋樽咁啦!!!

今次LC 開倉曲終人散, 我荷包真係要休息一下!!! 下年3月再見啦!!!

Le Creuset 秋季開倉2011 - 再接再厲

冇錯....係再接再厲!!! 因為網上大家不斷放毒, 知道原來真係每日有新product出場, 你話個心係唔係跳得好厲害先得o架!!!

今朝一早就去, 不過住得遠又係返工時間, 所以出去都要o的時間啦, 好在收到維維媽通知, Ying Ying 一早去左排隊, 仲要幾前下.... 到場時即刻搵佢啦....大家終於相認, 一見面時只係不斷話好緊張!!!kakakaka

今日好正, 第一批入去, 即時去掃, 不過都係唔夠前面廿幾人搶, 有o的貨都買唔到, 不過好在都有以下戰績!!!!

最開心係買到乜??????

當然係我心愛O既380!!! 好在立到一隻!!!

1. Rectangular Oven Dish 30cm  $380

2. Square Plate $130

3. Petite Round Legumier Ocean Blue $120  見有OCEAN BLUE, 即買啦, Ying Ying話用o黎醃肉都好喎!!! haha



4. Salt Keeper $110  終於買左你!

5. Butter Bell $120 呢個係AMAZON見個, 好得意!

6. Spatula Crock $100 去到俾錢時冇晒satin pink, 不過珍珠色都好正, 配埋Bijou Condiment Spatula.....真係好正!!

7. 仲有修腰mug一隻....仲要係cassis  唔買對唔住自己呀!!! $100

8. 再買埋Round Trivet, 買唔到Cassis, 不過有最後一隻Kiwi色都好靚, 照買左先, 而家諗緊keep唔keep! $270

以下就係幫朋友買o既!!
9.  Round French Oven Burgundy 20cm $1150, 呢隻紅我覺得好特別, 好吸引, 朋友仔係幾隻色中揀左佢, 我見得返一個o乍!

10. Square Grill Caribbean $600, 滄海遺珠o既Caribbean, 一定要佢啦!

11. 仲有心心杯碟! 都真係幾靚呢! $90(杯), $70(碟)

今日係咁大多喇!!!! 今次開倉真係破大產.....仲要唔知仲有冇新o野推出o黎!!!!救命呀!!!!

Le Creuset 秋季開倉2011

終於等到Le Creuset開倉喇!!  等到頸都長, 之後收到通知今日開倉, 已經whatsapp blog友維維媽, 鐵定第一日就去出血!

好在有維維媽無施付出, 一早去排隊, o 的人真係多到呢!!!! 前後都係日本C9.  原本以為排得前, 點知原來落一層仲要排隊呢! 做唔到第一輪入去掃, 都好彩第二輪入到去! 一入去大家就不停立立立, 好在有17係度幫手看住O的貨, 大家就好安心去掃O野.  真係好開心買到心頭好, 有O的又有好心人放返出O黎俾我! 開心屎!!

排隊埋單時幾個靚太o既戰況......我已經唔係最誇o個個!!

我O既戰利品!

好開心買到Cassis 油醋樽, terrine 可以用o黎整漬物, 之前想係美國order返o黎都好貴唔捨得, 點知今次開倉有, 仲要係$250, 真係抵到呢!!!  前面兩個bowl $60一隻又係好平, Cassis沙律盤不能錯過!!!!

今日真係好開心, 同大家一齊作戰, 仲見到happy everyday同sweet S&P...好高興認識大家!! ^O^

完成過大禮

耐都冇update喇, 因為實在係忙忙忙.....
好多o野開始湧埋o黎, 真係應接不暇...

希望有時間逐一blog返..

星期日 4/9 係大好日, 所以我揀左呢日過大禮喇!  我o地過大禮其實唔係好傳統, 唔大陣匠o架....不過為左都有意義o的, 我o地一大早就去左奇華訂定個過禮盆, 用左一層裝餅, 另一層裝生果!!

之前去左上環買左o的海味, 加埋兩枝紅酒, 一罐茶葉, 仲仲仲有一定唔少得o既禮金盒啦!!! 裝住晒禮金同mama要派人o既餅咭!

咁就係我o既過大禮陣容!

奇華個過禮盆真係好靚, 點都要影返個全身先得

個盆真係好鬼重, 全實木, 真係唔呃人, 裝晒o的o野入去連 17號都拎唔到, 好兄弟話應該要用擔挑先拎到!! 其實係新屋返娘家都係15mins路程, 之不過樓下去的士站都要行一段路....真係辛苦晒17號同佢個好兄弟!! 好在上到的士, 不過司機都唔多like!!! 

我就躲左係阿MA 間房等...o個日真係熱到抽筋呢!!  之後佢o地上o黎傾左幾句我就閃返出廳, 影合照啦!!!

咁就簡單地過完大禮喇!!!

而家要開始炸炸炸!!!!!

自家製車頭花

今日又完成左一個item喇!!

因為big day當日我已經有一架花車, 所以冇租主花車!  所以唔會有車花提供啦!  上網搵左一輪, 發覺車花都幾貴, 起碼做一個都over $600, 所以同自己講, 又唔係唔識整, 點解唔自己試下整呢!!!

所以上星期上開大陸, 又去左買左一大埋絲花返o黎, 加上之前係買左個專係for車花用o既絲花泥.

星期尾就開始開工喇!!

開工前狀況, 呢度只係一部份絲花only

整整整, 插插插之後就變成咁喇! 真係好鍾意呢, 一路整時已經好開心, 整完之後好有滿足感呀!! 

多謝泡泡提醒我可以同簽名筆襯返同一個theme, 所以我係o的繡球花度又加左o的珠珠, 感覺好襯同埋好Grand咁呢!!

得閒要再整埋車門花先得!!  努力努力!!!

My Ribbon Bag

呢排不停shop shop shop, 買左好多絲帶, 準備搞我o的大project!!!  不過太多絲帶唔知點放好, 每次用o既時候都覺得好亂, 好煩!!  不過好在之前睇過Jessica o既blog, 又上左youtube睇下, 真係發現新大陸咁...所以我就買左個化妝袋整左屬於我自己o既ribbon bag喇!!!

真係好彩買左個波點化妝袋, 打左成晚eyelet, 成身汗, 終於完成...  同埋而家可以一次過睇晒所有ribbon...原來我唔係紫色最多, 係藍綠色最多.....咁即係.......可以再買多o的!!!  不過我打左好多個, 而我o的絲帶原來又唔算太多喎!!!

呢個方法真係好好, 以後一襯ribbon就拎佢出o黎, 攪掂!!!

自家製簽名筆

幾經辛苦, 終於完成左我o既簽名筆, 之前個人太hea, 最近開始緊張, 所以今個星期就專注係屋企整簽名筆.

一路整一路好興奮, 自我陶醉添!!

不過我自己就好滿意喇!

來張大合照先!!


呢六枝都係配合我個THEME Purple+Green.

整左3支Purple, 3支Green, 不過o的襯花都會配合返個theme, 來個 purple+green o既crossover!!!

有埋我鍾意o既lace, 加埋珍珠即刻覺得grand左!! hehe

放左落個玻璃樽真係好靚呢!


而家諗緊整唔整埋蝴蝶結同埋加唔加隻蝴蝶係花上面!!!  好多心咁呢!!