芝士的生活點滴

2013年6月1日星期六

話梅豬手 (附食譜)

上個月收到鬼嫁返來香港的消息, 大家都好興奮同埋要約出來見見面啦. 不過大家都未想到要去邊度食晚餐, 鬼嫁就提議想食住家飯, 因為成日見我們一班敗婦人home gathering 好開心呢. 好, 大家就決定來個pot luck home gathering, 仲俾鬼嫁點菜添

我都主動提議左整個話梅豬手, 可以在家先整定再拎上玻璃朱屋企翻熱就可以了. 呢個豬手我覺得好味, 已經整第二次了, 不過今次我改良了, 味道會比較balance.

材料:
豬手 1隻(豬手買時請肉檔代為燒毛, 清潔乾淨)
白醋 1茶匙
話梅 10粒
乾蔥 6粒
薑 2片
蒜頭 3瓣
片糖半片

調味:
蠔油 2湯匙
老抽 2茶匙
紹酒 2湯匙
白醋 1茶匙
水 700亳升

Le Creuset Round Casserole Coastal Blue 22cm

做法:
1. 話梅先用250亳升熱水浸泡.

2. 先煲滾水, 豬手連同1茶匙白醋)汆水5mins.

3. 豬手汆水後瀝乾, 用小刀刮去表皮的污物. 乾蔥及蒜頭先去皮並先調好調味料.

4. 燒熱2湯匙油, 下乾蔥, 薑, 蒜頭爆香.

5. 加入豬手爆炒一會.

6. 加入調味料, 水, 話梅水及白醋煮滾, 中火煮10mins. 加入片糖同小火煮50mins至淋身即可.

我用左Le Creuset去煮, 所以我改用了慢火煮15mins, 熄火焗15mins, 共3個循環. 如果發現豬手仍未夠淋, 可再做多一個循環. 食前再翻熱.

話梅豬手 (附食譜)

上個月收到鬼嫁返來香港的消息, 大家都好興奮同埋要約出來見見面啦. 不過大家都未想到要去邊度食晚餐, 鬼嫁就提議想食住家飯, 因為成日見我們一班敗婦人home gathering 好開心呢. 好, 大家就決定來個pot luck home gathering, 仲俾鬼嫁點菜添 (laughing)

我都主動提議左整個話梅豬手, 可以在家先整定再拎上玻璃朱屋企翻熱就可以了. 呢個豬手我覺得好味, 已經整第二次了, 不過今次我改良了, 味道會比較balance.

4. 燒熱2湯匙油, 下乾蔥, 薑, 蒜頭爆香.

5. 加入豬手爆炒一會.

6. 加入調味料, 水, 話梅水及白醋煮滾, 中火煮10mins. 加入片糖同小火煮50mins至淋身即可.

我用左Le Creuset去煮, 所以我改用了慢火煮15mins, 熄火焗15mins, 共3個循環. 如果發現豬手仍未夠淋, 可再做多一個循環. 食前再翻熱.

2013年5月23日星期四

出走大根國

上年10月紙婚去完九州, 又挑起左我日本條根. 不過當時仲係成十算真係令人卻步. 但日圓由我回香港之後一直向下滑, 我條日本根又被挑出來. 個心好癢. 一月頭先到FANFARE有平機票去日本. 仲要係可以揀5月1日出發. 唔理三七二十一. 一於買買買. 來一個速食大根國之旅 (laughing)

係寫玩過什麼之前, 先寫敗左什麼會令人更興奮, 是嗎?

今次出走大根國, 我肩負著重大使命, 背後有十幾人的希望在我身上.. 就係為左敗LC. (laughing)

所以第一篇當然要送俾LC啦啦啦!!!

去日本買LC, 當然想買香港買不到的東東. Outlet就是一個好地方啦. 去到Outlet, 大量satin pink, satin blue係我眼前. 仲有飛心buffet, antique rose fafa pot. 雖然我好想買, 但實在有defects. 所以忍痛放下沒有敗了........... (好傷心及失望)

不過outlet都會有特別殺價貨, 加上係日本黃金週, 今次有5小心, 杯, medium multi bowl 再50% off. 我就買左satin pink medium multi bowl. 真係抵到冇朋友.

經過一輪撕殺, 我就集齊所有target啦, 好開心有pink spoon rest, 當然要買啦, 仲一次掃晒俾各位好姊妹, 不過都係唔夠分 (tongue)

返到酒店影個大合照留念. 哈哈

去完outlet, 當然要去返LC SHOP朝拜下, 見到Buffet同fafa真身真係好靚, 令人暈陀陀. 不過我家中太多chiffon, 所以都係唔買, 但係都幫朋友買左個buffet同fafa. 代敗好開心.

盛放的花花.

所有LC的戰績, 見到都好開心呢. 買到過晒磅, 不過好在揹晒上身, 最後都不用罰一分一毫.. 好好彩呢. (tongue)

上面好多都係好姊妹的, 不過我當然唔輸蝕, 有買野啦.

因為靚靚馬太要buffet, 我只想要trivet, 所以皆大歡喜. 讓我可以擁有呢個trivet. 好靚好靚好鬼C靚.

呢對小碗仔又係好cute cute. 最正係裡裡外外都係同一個色. 好靚呢.

呢個就係medium multi bowl, 做緊額外50% off, 2000yen. 好抵啦..仲要係pink,. 本來想買埋blue, 不過太重拎唔到了. 買到pink都已經好開心.

呢隻小oval blue plate同我家的pink好襯, 又平, 買埋啦!

上次黃金太幫我買左個pink spoon rest, 今次見blue, 當然買埋啦!! 唔好執輸.

呢對小sauce pan真係好c cute, 不過唔係平, 但好姊妹說以利害, 我終於失守, 敗敗敗. (cool)

呢個pale rose storage jar我鍾意左好耐啦, 一見到就要買.

呢set wine charm又係鍾意左好耐, 雖然唔平, 但忍唔住要買.

LC maple wood 系列我又係好鍾意. 一定集郵的. 有部份係上次玻璃珠係日本幫我敗的. 愛c你.

今次日本之旅堅敗得開心..仲要係幫到眾姊妹敗到好野, 人人有份, 大家一齊擁有先開心呢.

好想快o的又去呢........

2013年4月3日星期三

Le Creuset 2013 Spring Private Sale

一年2次Le Creuset Sale又到了, 今次真係好順利完成, LC安排得好好, 有個好大地方俾人排隊等入. 今次Sale 係Private Sale, 為一眾LC粉絲而設, 少左街客, 對LC來說有好有唔好啦. 不過對我們一班粉絲來說當然好啦, 少左好多街客同我們爭靚物. (laughing)

今次開倉本來都冇咩Target, 因為家中敗物太多, 本著平常心入場.........點知......今年都有好正的敗物. LC真係攞晒人命. 不過今年LC主打藍色系列, 對喜歡Pink的粉絲來說就有點失望. 不過LC都算不錯, 最後兩日加訂一些pink貨滿足一眾粉絲.

因為有敗物未到手, 遲遲都未出Blog, 但忍唔住了, 寫左先!!! (cool)

今次開倉第一最愛敗物BBQ Pot, 之前係hk airline見過不過都唔平, 所以沒什麼衝動, 點知今次開倉有, 仲聽聞只於第一二日見過, 之後沒有再出過. 只係$900, 唔買對唔住自己, 因為係黑內籠可爆炒, 加埋mami鍋一齊用, 雙剎, 正呀!!!