又一個星期喇, 又係時候update一下進度.
今個星期都係油油中, 不過油油已經七七八八, 應該仲有最後一層未油, 而家已經睇到o的顏色喇!
朱古力屑主人房!
我冇造假天花, 又唔要天花線, 所以師傅都幫我油左條幼身線, 都唔錯!
窗台雲石都已經整好左! 用左白星石!
星期中, 所有由師傅負責o既門, 廚櫃, 廁所櫃同浴屏都已經到左....放晒係個廳度!
廚櫃o既板...幾好睇喎
另外就再confirm埋師傅, 廁所同廚房雲石料!
廚所會用小白星石(左), 廚房就用瑞典白(中), 比較襟睇o的!
一直對Le Creuset同Staub呢兩個牌子都有印象, 大概就係貴貴貴... 不過一直都好恨擁有, 因為知道佢o地用o黎煮o野, 煲, 燉, 忟 o既效果都好好...不過實在太貴, 所以唔捨得買..
不過最近知道Le Creuset開倉, 原本都唔想去, 知道一定會破財, 但係尋日見到forum同blog有人不斷講同post戰利品, 見到dirty pink同lavendar o既煲真係好靚, 最後都係敵唔過引誘, 用左新屋做藉口, 趁今日冇乜o野做就決定一大早爬出去.
食完個早餐準時11:00去到海港城, 一出lift就已經有30人左右排隊...等左一陣就可以入去, 一入去o的人就開始好有策略咁拎左好多貨係手, 我同17號就一頭霧水, 所以都係四圍搵下, 好彩見到有antique rose o既煲, 即刻拎左先, 之後再揀到少少碟, 不過好想買 $170正方盆就冇晒lu.....後尾見到有好多人拎住一o的好靚o既盆, 原來係煲墊, 真係好靚, 又係一早俾人掃晒, 好多日本婦人一個人買好多個....我都好想要, 之後就唔知醜問下人有冇多.....有個女仔好好人話佢o的朋友冇o黎, 有幾個可以free返出o黎俾我, 真係好開心呀, 個女仔仲同我講個煲點好點好, 好多謝佢!!!
最後o既戰利品!!!!
之後係隔離counter見到又買左個kitchen paper o既架, 勾同埋防塵掃用o黎抹燈..
不過今日真係出晒血
又係Wedding Card呀, 因為太多人結婚呢!!!
真係好開心, 係ESD吹水吹左一班Monalisa JMs返o黎...上星期六終於等到4妹同5妹結婚, 不過時間就唔到只係去左4妹度觀禮...當然要整返張賀卡過佢啦!!
今次呢張係Tri-fold Card, 簡單得來又幾得意!
祝4妹同老公仔百年好合, 永結同心!!
對於出門著o既掛, 初初攪結婚時除左知道有傳統掛之外, 做research時發展Cocoon好出名o既潮掛, 所以上年都去過試, 老實講我都覺得好靚, 真係令人好心動...不過一來價錢唔平, 二來我對傳統掛真係情有獨鍾....因為傳統掛一生人只可以著一次, 之前同婚紗舖o既sales都有傾過掛o既問題, 其實婚紗店都有潮掛租, 不過佢都覺得傳統掛好有意義, 而潮掛其實都可以當係小鳳仙裝咁, 之後想著去影相都可以, 而傳統掛就唔可以...而且我真係好鍾情傳統o既刺繡...所以最後我捨棄返Cocoon租潮掛, 繼而focus左去睇傳統掛!
上年年尾我都去左比較好口碑o既永隆同錦發睇過掛, 大概知道自己鍾意中五福, 不過就未決定到係邊度租. 姐姐叫我o地3-4月再返去租就差唔多...所以今次一於帶埋mama一齊去, 因為mama都會同我一齊著掛....好有意義!!
我o地都係去返永隆同錦發睇, 初初我自己都幾鍾意永隆, 不過今次好認真去試, baba mama覺得錦發好睇o的, 而且可以租頭掛, 只係比永隆o個件貴 $400, 咁一生人一次, 一於著件新o既! 不過我都係比mama試埋mama掛先決定. 試左兩間之後, 真係好明顯, 錦發件mama掛係短身少少同好fit身, 永隆o個件就好長同埋有o的鬆, 著到阿媽又矮又肥, 加上佢又冇第二件比mama試, 所以諗都唔駛諗就返去錦發confirm埋.
因為星期六17號冇陪我試, 佢未睇過件新掛, 所以今日同佢再去試過, 佢都話好睇, 因為連中間拉鍊位都有金龍, 裙身條金龍都特別大條同靚o的...
好開心又confirm多個item...著左掛上身個感覺真係好特別....覺得自己真係嫁咁....o個種感覺真係唔知點形容...
同場加映, 加左阿joe幫我整o既掛頭試妝相, 睇下個效果先!!!
又係時候update一下進度喇!
今個星期其實冇乜o野睇, 因為成個星期都係油油, 油油, 再油油!!! 不過今個星期已經做好左防潮底, 掃左2層灰, 而家已經油緊面油喇!
廳同書房天花就係白色, 牆身係蛋白奶糖色, 唔會太白!
而主人房又花都係白色, 而牆身就揀左朱古力屑, 感覺都幾warm, 又唔係太深沉! 而家都未好睇到隻色住!
不過大門隔離個門框核突位, 俾師傅用網條放左係入面再油油, 又真係靚仔左好多, 而家平晒!!
除左油油之外, 今個星期都已經上左深圳, 揀好左表哥送俾我o地o既施耐德電掣同埋特色牆o既牆紙!
仲有就係決左左廚櫃, 鏡櫃, 門, 雲石, 窗花o既料!
o黎緊個星期應該會完成油油, 門同廚廁櫃都會到, 然後就開始安裝!
就o黎可以日日望到呢個景!!好期待呀!!
今個星期上左新屋兩次, 今次有好大O既分別, 因為俾我覺得間屋真係成型喇!
因為全屋地台防漏已經整好左, 仲舖埋地磚喇!
另外, 師傅已經舖好廚房o既磚同地台
廁所都已經整好左, 去水位都整埋!
牆身磚加左馬賽克border都唔錯!
外牆o既喉都換好晒喇!
主人房冷氣都已經轉左位
尋晚師傅終於同我O地傾廚櫃同埋廁所鏡櫃o既設計, 我o地經過一個星期o既考慮, 終於決定埋廚櫃, 廁所鏡櫃o既用料, 窗花款式, 大門同房門款式同料, 全屋油o既顏色.
今日就開始剷底準備油油喇, 遲o的就要再揀埋鋅盤同雲石款!
聽日就上大陸買電掣面同揀特式牆o既牆紙喇!
今個星期真係進度神速. 希望可以keep住, 快o的完工就好喇!!
一直攪完o的大o野之後, 忙住搞新屋, wedding o野好多都停左係度, 不過一直都有留意花車呢個item!!
其實之前一直都諗緊用乜o野花車, 大部份人都會用Benz, London Taxi 或者係Mini Copper, 其實我自己都冇乜所謂! 但係我都有search過有乜o野公司係o的JM話好O既, 不過真係機緣巧合下, 17號家姐換左部車, 係Toyota Picnic, 仲要係淺紫藍色, 我一見到就好鍾意喇, 完全又啱晒我個theme, 加上部車大o的坐得舒服o的, 係家姐同姐夫完全冇異議下, 呢架picnic仔就會成為我當日o既花車喇!!
KO左部花車之後, 我就開始搵28Van, 都Search左一輪, 不過係搵o既時候突然醒返起開blog冇耐, 曾經有人add我問我借個進度表去駛下, 我click入個blog就發現係租花車o既???
Frankie真係好好人, 又有交帶, 值得推薦呀!!!!
好o野, 又KO左一個大item!!!
