2011年4月6日星期三

Monalisa 收相喇

呢個星期係新屋都係搬搬搬同執執執....好攰呀, 完全冇時間上網, 所以都冇乜點寫blog, 而家先有時間blog返monalisa o既pre-wedding.


由上年9月尾影左Monalisa o既free coupon, 10月去左揀相, 話要等4月個月左右先有相...不過因為可能係free o既關係, 我o地都冇乜期望, 加上揀相o個日睇到o的相真係好普通, 好似同我用G11影出o黎差唔多咁, 所以都當冇左回事, 點知前個星期收到電話, Monalisa話送相, 睇返個schedule, 原來已經5個月喇!! 遲o左呢!!!!! 不過算啦!


3月尾收到相, 不過因為搬屋一直都唔得閒理佢, 直至上星期有少少時間就拆開o黎睇!





本來真係冇期望, 但一睇, 執左相之後真係好o的喎....


全家幅 (油畫布, 8R相 x 2, 5R相 x 2, 4R相 x12)



油畫布, 其實真係貪佢個青馬景呀, 因為係香港影呢輯先有,  雖然佢o的青馬景o既相影得唔係咁好, 但真係好想要一張青馬景, 所以呢張最正常就揀左佢喇!  油畫布冇框, 不過質量都ok喎, 因為我一直都以為油畫布真係好似一塊布咁軟身o架...原來都硬喎



8R 相, 吊床o個張我覺得係成輯影得最好o既!!! 另一張studio 都ok, 我始終唔多like佢o的佈景!! 哈哈!



5R相, 呢兩張都OK啦!! 左邊17 like兩個人好有希望咁, 右邊就有o的feel, 而家張相入左相架放左係新屋個酒櫃隔離, 好鬼襯喎!! 死未!!



12R相, 有o的都已經係上面出現過lu...其他相都ok啦, 不過好多都唔係好得俾我o地out晒, 揀12張都有少少難度咁!! 不過執完相真係ok左, 起碼順眼o的, 同埋o的色sharp左, 冇咁黑啦!




之前因為yahoo問題, 我打左篇blog係關於Monalisa Pre-wedding, 點知冇鬼左, 係紅豆masa 朋友Crystal問返我點解唔見我post monalisa我先知, 不過已經過左一段時間, 我已經冇動力同記憶力再補寫返, 所以一直唔理lu!!!


不過總體o黎講, 因為我用free coupon關係, 影相o個日o既service都ok, 不過就因為冇upgrade, 佢o地都係serve左有upgrade o既couple先, 我o地都係二等公民咁, 得一個攝影師冇助手啦(所以影夜晚時冇人打燈, 要求另一team助手幫下手打一兩張), 等化妝埋位都係serve左其他人先, 排隊影佈景都係讓其他couple先, 所以我下午2點booking, 4點先開始準備影, 用左好多時間等同排隊, 所以我o地兩個係最尾一pair離開, 走o既時候好似已經10點半lu...影到最後真係冇晒心機影, 超級攰呀!!


好在而家收到相感覺都ok, 有少少喜出望外, 仲有o的相想買返添!!! 不過唔知delete左未, 同埋唔知係唔係值得買呢???

28 則留言:

  1. 果次我影CDL都等左好耐~

    回覆刪除
  2. 鐘意右面個張,喜歡純白色o既感受

    回覆刪除
  3. 影得幾好吖,執相前後真係咁大分別~?

    回覆刪除
  4. D相都不錯呀~~特別係青馬大橋那一張~~
    我都有影Monalisa,雖然upgrade左coupon,但覺得都係一般,希望到時收相會好d啦~~

    回覆刪除
  5. 都唔係咁差姐, ok wow~ 當然主要原因係你地靚啦...hahaha

    回覆刪除
  6. "而家張相入左相架放左係新屋個酒櫃隔離, 好鬼襯喎!! 死未!!" <- LIKE!

    回覆刪除
  7. 好靚呀! 佢送咗禁多4R相比你既?

    回覆刪除
  8. 都真係唔差喎, 有幾張影得幾好呀~~

    回覆刪除
  9. 好得喎,唔駛錢有咁O既質素好好啦~~

    回覆刪除
  10. 5R右邊嗰張正~

    回覆刪除
  11. 醜八怪的月芽兒2011年4月8日 下午12:05

    d相不差呀,幾靚呀

    回覆刪除
  12. 唔係呀~~都ok ar^^
    hahaha~當然不可以用紅豆的來比啦~
    我宜家都煩緊要放大相......因為得紅豆張桌上框ja~

    回覆刪除
  13. 你d 細相呢, 可以去搵影相舖做埋一本, 咪唔駛散住咁放.

    回覆刪除
  14. 免費的來說,效果不錯呀~

    回覆刪除
  15. d相影得幾好呀, 我easter都係mona lisa影, 想問下妳係邊個攝影師及化妝師? 他們ok嗎? 仲有我要不要自己預備頭花? thx thx

    回覆刪除
  16. 你鍾意紅豆o個d自己會比下去, 但其實都有另一種美呀

    回覆刪除
  17. 我收到相之後都覺得係順眼左好多囉d相...
    俾到驚喜既.

    回覆刪除
  18. 你地的青馬橋景的相比我同simpon的好好多, 起碼角度叫ok, 我地個d超怪, 條橋死係要係個心心框入面出現, 谷鬼氣!!!一張都無揀到!!
    如果揀相個時ML肯tune下d色, 我地就會揀多d相喇, 佢咪賺多d囉, hahaha
    by笨豬小慧simple

    回覆刪除
  19. 其實影得幾好呀!我都book咗monalisa呢~

    回覆刪除
  20. 今日整PANDA BREAD 見到你同幾個BLOGGER~不過唔知有冇認錯人~~

    回覆刪除
  21. 算啦算啦~ free左就算啦... 好似係第一次見17號無左個robot頭呢?

    回覆刪除
  22. My mum & 99 love my fb Pre-wedding as well lor...mums are same...

    回覆刪除
  23. waaaaaaa要成4個月先有得拎架!?!?!?!?咁如果我依家先話想影...都趕唔到我結婚前有喇...

    回覆刪除
  24. 我本身其實都唔諗住影...因為都係送的coupon...我好驚到時忍唔住upgrade,又驚唔upgrade人地黑我面(我最唔鍾意架...因為咁樣我會好難受...) 所以冇諗住用囉... 不過見你又係送的又冇upgrade,都好似ok咁..所以先又諗下... 唉... 但係我上次影都唔係好好,so far到依家狀態又未ready...所以都係算喇...因為好似要係weekday影?我冇假可以拎喇... :(

    回覆刪除
  25. 唔洗錢算好ok 呀~~
    我都有monalisa coupon, 不過男友唔想影一路都話遲d 先算, 到上兩個星期o向expo 問, 個staff 話for coupon o既期已經full 得好緊要, 我地影唔切lu

    回覆刪除