2011年3月13日星期日

Le Creuset 開倉 2011

一直對Le Creuset同Staub呢兩個牌子都有印象, 大概就係貴貴貴... 不過一直都好恨擁有, 因為知道佢o地用o黎煮o野, 煲, 燉, 忟 o既效果都好好...不過實在太貴, 所以唔捨得買..


不過最近知道Le Creuset開倉, 原本都唔想去, 知道一定會破財, 但係尋日見到forum同blog有人不斷講同post戰利品, 見到dirty pink同lavendar o既煲真係好靚, 最後都係敵唔過引誘, 用左新屋做藉口, 趁今日冇乜o野做就決定一大早爬出去.


食完個早餐準時11:00去到海港城, 一出lift就已經有30人左右排隊...等左一陣就可以入去, 一入去o的人就開始好有策略咁拎左好多貨係手, 我同17號就一頭霧水, 所以都係四圍搵下, 好彩見到有antique rose o既煲, 即刻拎左先, 之後再揀到少少碟, 不過好想買 $170正方盆就冇晒lu.....後尾見到有好多人拎住一o的好靚o既盆, 原來係煲墊, 真係好靚, 又係一早俾人掃晒, 好多日本婦人一個人買好多個....我都好想要, 之後就唔知醜問下人有冇多.....有個女仔好好人話佢o的朋友冇o黎, 有幾個可以free返出o黎俾我, 真係好開心呀, 個女仔仲同我講個煲點好點好, 好多謝佢!!!


最後o既戰利品!!!! 



之後係隔離counter見到又買左個kitchen paper o既架, 勾同埋防塵掃用o黎抹燈..



不過今日真係出晒血但係都出得開心o既!! XDD

19 則留言:

  1. 好好收獲喎!!我上些見報紙都有廣告,不過唔記得左去呀~~真係走寶喇!!!

    回覆刪除
  2. 依d煲好好用架???平左大約要幾錢架???

    回覆刪除
  3. 做到幾時呀!?係海港城邊度呀!?thanks

    回覆刪除
  4. 煲墊好靚我就見唔到喇

    回覆刪除
  5. 你準時到, 所以買到好多好野, 你 pink 個煲是幾多 cm ?

    回覆刪除
  6. 我七點幾去到, 買左一個 25cm oval powder blue 好開心

    回覆刪除
  7. Mee ...... MeeMoreMore2011年3月14日 上午4:31

    我又係最鍾意 antique rose ~~ hehe~~~~好抵啊~~~~~~

    回覆刪除
  8. 咁你多d入廚, 用返夠本佢喇~ hahaha

    回覆刪除
  9. 個煲墊真係好靚,係咪可以放 tealight 0係下面"慶"住 d 食物0家?

    回覆刪除
  10. 我好锺意trivet, 但可惜找不到。。。。

    回覆刪除
  11. 你都買左很多, 2個都係粉紅, 很專一, 我都很like 粉紅..

    回覆刪除
  12. 咦?你講果個唔通係我?

    回覆刪除
  13. 第一次黎你個blog,原來大家都中意LC!
    個墊以前有款係中間有個圓孔放蠟燭的,但新呢款冇,不過其實都唔捨得用火烤住D煲,所以都唔太緊要。
    你都買好多靚靚野呢!我地應該係場內遇過呢。

    回覆刪除
  14. Le Creuset都係睇大少奶個blog學番來~~
    我都想買佢既煲同pan.....
    唔知幾時先再有開倉....

    回覆刪除
  15. e.. 有煲墊咁好,我都想買呀, 但果日去又唔見

    回覆刪除
  16. 我第一天都去敗了!
    她們好有策略咩都拎左幾件先....
    我諗下要邊個好...d心型煲係幾分鐘俾人要曬!

    回覆刪除
  17. oh~ 我都有一個粉紅色~ 早知我都去買多個~

    回覆刪除
  18. 好靚啊,可唔可以話我知D煲折左後幾錢啊?

    回覆刪除
  19. HIHI, 請問9月係咪仲有LC開倉呀??? 我勁LIKE佢個dirty pink呀!!! 可唔可以話我知幾時先知9月幾號開倉呀???thx!!! 萬分感激~

    回覆刪除