2011年1月16日星期日

Casablanca 年度開倉

自從去年年中Casablanca專門店減價之後已經一直留意佢有冇大減價, 因為返想買套龍鳳被, 之後佢減價時我已經睇中左一套紫色, 不過當時實在太早, 而且屋企又冇位放, 所以放棄左...但係久唔久我都會經過專問店問阿姐有冇減價....早幾星期行經旺角專門店又入去問阿姐, 佢話專門店減價係每年7月, 不過1月會有開倉, 叫我上網睇詳情.


所以知道1月13日開倉就已經好興奮...仲要有我o個set被賣, 所以我13號一放工就衝去火炭, 去到真係好多人呀, 不過好在唔駛搶, 因為睇啱就可以搵staff拎俾你...就算出面冇都唔緊要!  不過真係好好彩, 因為我主力係想買一套當龍鳳被, 另外再買一套for新屋入伙時用...我睇中左 560針全套有埋被o既king size都係 $690, 所以買左 一套我鍾意o既紫色做龍鳳被, 之後可以用得返.  另外想買一套同一價錢但係有830針o既, 個staff好好人叫左我入埋去擺貨o既地方買買揀, 點知冇晒king size, 之後又唔會返貨, 所以佢推薦左另一套淺色o既俾我, 仲要同我換返新packing, 真係十級好人!!


就係買唔到紫色上面o個套830針, 不過都散賣左!! XDD



仲有1100針都好正



其實仲有幾多o架...仲有o的330針平套裝, 羽絨被, 枕頭等等.


不過我真係唔甘心呀, 見佢830 o個套都有賣, 但都係收560針o既價錢, 我就買o左set 床笠連枕袋用o黎替換. 埋單 $1,610. 好抵呀!!! 


我o既龍鳳被...



呢set係staff推介o既, 睇睇下又唔錯喎!



如果大家都有興趣, 就快O的去啦, 開倉係至有23號o乍...


http://www.casablanca.com.hk/20110113.htm


 

14 則留言:

  1. 我都係買左紫色做龍鳳被...^^

    回覆刪除
  2. 好想去睇呀...唔知到下星期日仲有無野賣呢

    回覆刪除
  3. 我想問有無埋被芯咖 ??

    回覆刪除
  4. 嘩~~~~~~~~~~(尖叫中)多謝你ar~~^0^芝士
    我就係等緊佢開倉ar!!!!!!!!! 原來已經開始左!!!!!!!
    我同陳生立即要行動啦!!!!!!唔該晒你ar

    回覆刪除
  5. 我個日行合和都見到佢做緊promotion, 估唔到開倉重干d tim, 不過去火炭咁遠就有d....... kekekeke

    回覆刪除
  6. 我都忍唔住買左3套,妳上面紫色0個套我都有買呀..ha~~same taste

    回覆刪除
  7. 買被都有咁高深既學問....

    回覆刪除
  8. 請你容許我高聲痛哭,因為我在一月八號在一田買了你紫色那套的粉紅色做龍鳯被,但要$999呀~~~~~~~~~~~~~~~~~~~~~~ !!!!!!

    回覆刪除
  9. 我之前買咗一set紅色一set紫色,我舊年買呢套紫色只係4百幾蚊咋! 做乜鬼依家d野貴咗咁多?

    回覆刪除
  10. 芝士, 我都有buy紫色呀~~haha, for 新年用~~
    不過係之前買龍鳯被時買的~~我覺好靚呀~

    回覆刪除
  11. Oh i missed the sales!!! Do you know when will be the next? haha

    回覆刪除
  12. 我想問哩,個開倉有無得繡名架,同埋是不是都有被芯架,
    如果係我就好自責呀,因為上次西田大減價時我快咁買左一套都要1468呀,死火啦,下次再有大減價唔該再通知丫,我要去溝貨先得啊...仲要係住返火炭添呀,笨死呀.

    回覆刪除
  13. 都有繡名服務嗎?我在一田都見到紫色架,好彩只買左一套

    回覆刪除
  14. 我依排都揾緊龍鳯被, 但係又未諗好買傳統嗰啲定係casablanca. 但 係依兩日永安減價又心思思想去睇吓... 我今年11月結婚, 我add左您做我blog友, 您可以add我嗎

    回覆刪除