2011年1月28日星期五

裝修進度 (一)

收左樓都成個月, 一直都未有時間寫進度, 因為真係忙到嘔, 同埋報左分左2次搵左4個師傅報價, 原來裝修真係唔平, o的師傅好海鮮價, 不過最後都搵左由地產朋友介紹o既師傅....都唔錯, 而且價錢算係合理...唔係最平, 不過大家有傾有講, 意見亦比較中肯....


不過間屋真係好多出乎意料之外o既事發生 (六合彩又唔見我中)...又要成日同師傅夾o野....真係吊頸都冇時間.....


之前一開工拆o野第二日就俾樓下投訴整到佢o地天花有裂紋, 又話我o地影響樓宇結構, 又話我O地裝修嘈 (裝修點都會有嘈o架啦 = ="), 要我o地停工, 又要我o地出錢同佢o地驗樓.....總之成個星期17號冇停過收到管理處電話...真係火都o黎埋....邊有咁易裂呀, 乜都未攪, 完全唔make sense......攪左成兩個星期, 好在房署肯介入, 睇左佢o地天花都話冇乜理由話係我o地整成咁, 同埋唔關我o地事, 真係god bless... 所以今個星期終於可以正式開工!  希望趕得切, 同埋樓下唔好再玩o野....不過我唔怕佢的....


報告一下進度先


師傅第一日開工, 之後第二日就炸地板.....點知就俾樓下投訴喇!



足足過左成十日, 件事算係停下來, 而家師傅已經炸晒間屋



師傅已經開始做電, 上去夾左電掣. 



之前同埋師傅上左大陸買晒全屋o既磚, 已經運左o黎, 不過有隻磚送少左同錯左, 好在師傅同佢o地都熟, 完全唔駛我煩, 佢o地會攪掂.



因為confirm左樓下唔關我o地事, 所以o的師傅開始進場, 前兩日o的英泥沙已經送左上o黎. 



不過水電師傅睇左我o地個廁所, 原來之前屎塔位同沖涼去水位都係冇隔氣, 所以容易有味, 仲有我o地個出水位上面有熱水爐, 裝唔到o的高身向日葵頭花洒, 要將o的喉做去另一面牆 , 所以師傅都係建議我o地要搭棚, 順便換晒出面o的喉, 加返個水閘, 順便搭左個棚可以俾煤氣公司換喉改鼓.... 仲有電箱太舊都係建議換, 其實水電都真係好緊要o既, 所以我都係乖乖俾錢做好水電呢part!!!!


就係呢個廁所啦, 拆晒o的o野先知道有o野要做, 而家要搭棚啦!!!



師傅話過年前會搭左棚先, 過年後即開工.


 

6 則留言:

  1. 嘩~~~你間屋都好大工程 全屋大執過
    我之前屋企裝修 都比人投訴有陣味
    咁裝修點會無味呀.......... 油油都有啦......都唔明D人咁都投訴

    回覆刪除
  2. 我覺得你樓下乘機想慳筆裝修費就真
    我果度講左星期六早上都可以裝修 但我地都試過比人投訴.......但係我地無鑽野 只係齋油油 都唔明D人想D
    最麻煩係最初我搬入去住 樓下成日投訴我地半夜行路好嘈.......之後仲寫封投訴信比我地 話我地令到佢地一家大細都訓唔到 叫我地放輕腳步聲..... 仲話我地著咩拖鞋搞到行路咁嘈 (大佬我地果D都係係街市買既 又唔係木鞋) 於是我地即刻搵管理處 因為唔只一次呀 有時佢會上黎按門鐘話我地.... 管理處都話收過佢幾時投訴呀 話去過聽又聽唔到 懷疑佢係唔係神經過敏 於是我地提議相約對方+管理處人員出黎傾 唔好三日唔埋二日又投訴 對我地黎講好滋擾呀 更何況半夜我都訓左 點發出聲音呀..... 搞到我仲驚呀 但對方又唔肯.... 之後我有D FD黎玩 我地玩WILL果D有跳躍既動作 佢又黎投訴 果時仲要係下午4,5點...... 連我D FD都O晒咀...... 近半年樓下果條友可以搬左 無聽過投訴

    回覆刪除
  3. 好明顯樓下條友想屈錢啦, 好彩房署d人幫口jar。
    你個師傅咁好肯陪你上大陸買料嘅?? 諗得過喎。
    by笨豬小慧simple

    回覆刪除
  4. "俾樓下投訴整到佢o地天花有裂紋, 影響樓宇結構, 裝修嘈要停工"
    <<<<<<<好明顯係屈你地 !!!!!真係食飽飯無野做!!!!!佢都shortshort地!
    裝修會唔嘈?我都想知邊到有!!!!!!!
    真係難為了17號比佢地疲勞轟炸......

    回覆刪除
  5. 嘩!睇到水電個part真係睇到都覺得好頭痛呀!重要搭棚,真係洗唔少錢喇!

    回覆刪除
  6. same as me ar 2妹!我一收樓,樓下就投訴~ 嬲爆!!! 我都係同佢玩野玩左勁耐呀!!!

    回覆刪除