2010年10月29日星期五

台灣紅豆婚紗之旅 - Day 2

今日一早就起左身, 點知落雨!!!

Check-out之後就行返去溫泉街附近轉另一間旅館, 方便o! 放底行李之後就行去火車站附近o既中山路搵食! 去左一間小店食我最愛o既炸醬麵做早餐.


食完早餐之後就去左
85C買左杯海岩同埋捧子咖啡.

嘆左一陣就搭巴士去南方澳
! 沿路發覺越來越大雨, 點知去到南方澳就冇停過雨, 行左個廟同埋以前o既造鐵廠.


之後就行去左食o, A, 曼波魚面頰,

食完lunch之後我o地決定唔行去造船廠, 豆腐岬公園同埋內碑情人海灣, 只係上左的士係呢o的景點繞左個圈就直接去蘇澳冷泉, 蘇澳有全台灣唯一o既冷泉, 浸落去真係好凍, 不過好得意, 有好多泡泡會係o的毛孔度, 同埋浸左一陣就開始發覺自己o的關節位置有o的刺痛, 原來冷泉對治療關節痛好有幫助, 所以先會有反應!


浸完冷泉之後就去蘇澳火車站搭車返去礁溪. 返到礁溪就去左車站前又浸下腳, 之後就行去買諾貝爾奶凍, 中途見到有三星葱餡餅, 即時買o黎食, 三星盛產葱, 而家唔辣又香又甜食落仲好爽….真係一流從來都未如此鍾意食葱o!!!



行左一段路就買左奶凍, 其實佢係好有名o既奶凍瑞士卷…. 特別之處係佢係瑞士卷中間有一條奶凍真係好好食呀!!! 試左幾隻味之後決定買草莓奶凍..yummy!! 


買完o野就好輕鬆咁行返去溫泉街, 中途諗緊食乜o野晚餐好時見到有一間小店有紅糟肉同埋宜蘭好出名o既糕渣…..咁就要入去試下啦! 叫左紅糟肉, 糕渣, 蕃薯苗…紅糟肉真係超好食呀, o的肉都係紅紅地....而家我都好懷念呀!  而糕渣就好似蘿蔔糕咁, 不過冇咁硬同埋, 軟軟地滑滑地咁, 入口好熱o架...不過真係好得意呀!

(備註: 糕渣是以雞肉、豬肉和蝦仁剁成泥後,加入熬煮5~6小時的高湯拌煮成漿,倒 入盤中冷卻、凝固成形,再切塊、裹粉油炸而成)

食完之後再打包左鴨就返去溫泉街買手信
老金桔….真係好正o!!  當地人用o黎泡茶用...就咁食都得...對喉嚨好好呢!

買完o野就返去旅館飲下啤酒食下鴨賞再浸過..

(備註: 鴨賞採用是以淘汰的產蛋鴨製成, 肉質比肥鴨更適合後製, 食起上o黎有咬口唔肥膩. 製作過程是將鴨去毛,除內臟後,以竹片撐開,塗上香料舖曬,再放入設有甘蔗渣和木炭的烤箱燻烤而成)

是日行程完畢.

5 則留言:

  1. ...見到你食的食物, 我都好想食胡椒餅呀....

    回覆刪除
  2. 85度C 既蛋糕同埋飲品都好好味!!
    原來你去左浸冷溫泉呀~~聽講全世界只有2個地方有..我都好想去試吓~

    回覆刪除
  3. 我有可能真係要再去台灣一轉呀~~~~

    回覆刪除
  4. 我好掛住台灣既美食呀......

    回覆刪除
  5. CuBie的快樂家庭2010年11月1日 下午2:58

    冷泉!!!!!!!!!!!!!
    哈哈, 今晚聽完你講, 有D心郁郁想去台灣tim!!
    唔知冷泉對我條腰有冇幫助呢?

    回覆刪除